Play Audio

റെ​യി​ൽ​വേ​യു​ടെ ടി​ക്ക​റ്റ് ദു​ര​ന്ത​ത്തി​ലേ​ക്കാ​ക​രു​ത്
Thursday, June 20, 2024 12:00 AM IST
ഏ​​താ​​നും ആ​​ഡം​​ബ​​ര ട്രെ​​യി​​നു​​ക​​ളു​​ടെ വ​​ർ​​ണ​​ശ​​ബ​​ളി​​മ​​യും റെ​​യി​​ൽ​​വേ സ്റ്റേ​​ഷ​​നു​​ക​​ളി​​ലെ ഫോ​​ട്ടോ പോ​​യി​​ന്‍റു​​ക​​ളും ഉ​​ദ്ഘാ​​ട​​ന​​ മ​​ഹാ​​മ​​ഹ​​ങ്ങ​​ളും ന​​മ്മു​​ടെ റെ​​യി​​ൽ​​വേ​​യെ ശ്ര​​ദ്ധേ​​യ​​മാ​​ക്കി​​യേ​​ക്കും; മി​​ക​​ച്ച​​താ​​ക്കി​​ല്ല. അ​തി​ന് ആ​ദ്യം യാ​ത്ര​ക്കാ​രു​ടെ സു​ര​ക്ഷ​യും പി​ന്നെ സൗ​ക​ര്യ​ങ്ങ​ളും ഉ​റ​പ്പാ​ക്ക​ണം.

തീ ​ക​ത്തി​ച്ച് ഓ​ടി​ച്ചി​രു​ന്ന തീ​വ​ണ്ടി​ക​ൾ ഇ​ല്ലാ​താ​യെ​ങ്കി​ലും യാ​ത്ര​ക്കാ​രു​ടെ നെ​ഞ്ചി​ലെ തീ​യ​ണ​യ്ക്കാ​ൻ ഇ​ന്ത്യ​ൻ റെ​യി​ൽ​വേ​ക്ക് ക​ഴി​ഞ്ഞി​ട്ടി​ല്ല. വ​ന്ദേ​ഭാ​ര​ത് ഉ​ൾ​പ്പെ​ടെ വേ​ഗ​ത്തി​ലും സൗ​ക​ര്യ​ങ്ങ​ളി​ലും മി​ക​ച്ച ട്രെ​യി​നു​ക​ൾ അ​വ​ത​രി​പ്പി​ച്ച​തൊ​ക്കെ കൊ​ള്ളാം. പ​ക്ഷേ, ടി​ക്ക​റ്റെ​ടു​ത്ത് ട്രെ​യി​നി​ൽ ക​യ​റു​ന്ന​യാ​ളെ നി​ശ്ചി​ത സ്ഥാ​ന​ത്തു സു​ര​ക്ഷി​ത​മാ​യി ഇ​റ​ക്കി​വി​ടാ​നും ക​ഴി​യ​ണം. ക​ഴി​ഞ്ഞ​ദി​വ​സം പ​ശ്ചി​മ​ബം​ഗാ​ളി​ലെ ജ​ൽ​പാ​യ്ഗു​ഡി സ്റ്റേ​ഷ​നി​ൽ ട്രെ​യി​നു​ക​ൾ കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ ലോ​ക്കോ പൈ​ല​റ്റും സ​ഹ​പൈ​ല​റ്റും ഉ​ൾ​പ്പെ​ടെ 15 പേ​രാ​ണു മ​രി​ച്ച​ത്. ഒ​രു അ​നു​ശോ​ച​ന​വും ര​ണ്ടു പൊ​ള്ള വാ​ഗ്ദാ​ന​ങ്ങ​ളും ചെ​റി​യൊ​രു ന​ഷ്ട​പ​രി​ഹാ​ര​വും കൊ​ടു​ത്ത് ഒ​തു​ക്കി​ത്തീ​ർ​ക്കേ​ണ്ട​ത​ല്ല യാ​ത്ര​ക്കാ​രു​ടെ സു​ര​ക്ഷ.

സു​ര​ക്ഷ​യ്ക്കു പ്രാ​ധാ​ന്യം ന​ൽ​കി​യാ​ണ് പു​തി​യ ട്രെ​യി​നു​ക​ൾ പു​റ​ത്തി​റ​ക്കു​ന്ന​തെ​ന്ന് കേ​ന്ദ്ര​സ​ർ​ക്കാ​ർ ആ​വ​ർ​ത്തി​ച്ചു പ​റ‍​യു​ന്നു​ണ്ടെ​ങ്കി​ലും അ​പ​ക​ട​ങ്ങ​ൾ ആ​വ​ർ​ത്തി​ക്കു​ക​യാ​ണ്. തി​ങ്ക​ളാ​ഴ്ച രാ​വി​ലെ​യാ​ണ് ത്രി​പു​ര​യി​ലെ അ​ഗ​ർ​ത്ത​ല​യി​ൽ​നി​ന്നു കോ​ൽ​ക്ക​ത്ത​യി​ലേ​ക്കു​ള്ള യാ​ത്രാ​മ​ധ്യേ ജ​ൽ​പാ​യ്ഗു​ഡി​യി​ൽ നി​ർ​ത്തി​യി​ട്ടി​രു​ന്ന കാ​ഞ്ച​ൻ​ജം​ഗ എ​ക്സ്പ്ര​സി​ൽ സി​ഗ്ന​ൽ തെ​റ്റി​ച്ചെ​ത്തി​യ ഗു​ഡ്സ് ട്രെ​യി​ൻ ഇ​ടി​ച്ചു​ക​യ​റി​യ​ത്. 15 പേ​ർ മ​രി​ക്കു​ക​യും 60 പേ​ർ​ക്കു പ​രി​ക്കേ​ൽ​ക്കു​ക​യും ചെ​യ്തു.

മൂ​ന്നു ബോ​ഗി​ക​ൾ പാ​ളം തെ​റ്റി​യ​തി​ൽ ര​ണ്ടെ​ണ്ണം തെ​റി​ച്ചു​പോ​യി; മ​റ്റൊ​ന്ന് ഗു​ഡ്സ് ട്രെ​യി​നി​ന്‍റെ എ​ൻ​ജി​നു മു​ക​ളി​ലാ​യി. പ​തി​വു​പോ​ലെ അ​നു​ശോ​ച​ന​ങ്ങ​ൾ​ക്കു കു​റ​വി​ല്ല. സ​ർ​ക്കാ​ർ ന​ഷ്‌​ട​പ​രി​ഹാ​ര​വും പ്ര​ഖ്യാ​പി​ച്ചി​ട്ടു​ണ്ട്. ക​ഴി​ഞ്ഞ​വ​ർ​ഷം ജൂ​ണി​ൽ ഒ​ഡീ​ഷ​യി​ലെ ബാ​ല​സോ​റി​ൽ കൊ​റ​മാ​ണ്ഡ​ൽ എ​ക്സ്പ്ര​സും ബം​ഗ​ളൂ​രു-​ഹൗ​റ എ​സ്എ​ഫ് എ​ക്സ്പ്ര​സും ഗു​ഡ്സ് ട്രെ​യി​നും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ 295 പേ​ർ മ​രി​ക്കു​ക​യും 1100 പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. ക​ഴി​ഞ്ഞ 27 വ​ർ​ഷ​ത്തി​നി​ട​യി​ലെ ഏ​റ്റ​വും വ​ലി​യ അ​പ​ക​ട​മാ​യി​രു​ന്നു അ​ത്. പ​ക്ഷേ, വാ​ഗ്ദാ​ന​ങ്ങ​ളും പ്ര​സ്താ​വ​ന​ക​ളു​മി​റ​ക്കി ആ​ളു​ക​ളെ പ​റ്റി​ച്ച​ത​ല്ലാ​തെ സ​ർ​ക്കാ​ർ പ​ഠി​ക്കു​ക​യോ തി​രു​ത്തു​ക​യോ ചെ​യ്തി​ല്ല.

തു​ട​ർ​ച്ച​യാ​യ ട്രെ​യി​ന​പ​ക​ട​ങ്ങ​ൾ ര​ണ്ടു വി​ഷ​യ​ങ്ങ​ളി​ലേ​ക്കു വി​ര​ൽ ചൂ​ണ്ടു​ന്നു​ണ്ട്. റെ​യി​ൽ​വേ​യി​ലെ ജീ​വ​ന​ക്കാ​രു​ടെ കു​റ​വും ട്രെ​യി​നു​ക​ളു​ടെ കൂ​ട്ടി​യി​ടി ഒ​ഴി​വാ​ക്കു​ന്ന ‘ക​വ​ച് ’ സം​വി​ധാ​നം ഇ​ല്ലാ​യ്മ​യു​മാ​ണ​ത്. ക​ഴി​ഞ്ഞ 10 വ​ർ​ഷ​ത്തി​നി​ടെ റെ​യി​ൽ​വേ​യി​ൽ ഉ​ണ്ടാ​യ മൂ​ന്നു ല​ക്ഷ​ത്തോ​ളം ഒ​ഴി​വു​ക​ൾ നി​ക​ത്താ​ത്ത​ത് എ​ന്തു​കൊ​ണ്ടാ​ണെ​ന്ന കോ​ൺ​ഗ്ര​സ് പ്ര​സി​ഡ​ന്‍റ് മ​ല്ലി​കാ​ർ​ജു​ൻ ഖാ​ർ​ഗെ​യു​ടെ ചോ​ദ്യം പ്ര​സ​ക്ത​മാ​ണ്. ആ​വ​ശ്യ​ത്തി​നു ലോ​ക്കോ പൈ​ല​റ്റു​മാ​ർ ഇ​ല്ലാ​ത്ത​തി​നാ​ൽ ഉ​ള്ള​വ​ർ അ​ധി​ക​സ​മ​യം ജോ​ലി ചെ​യ്യേ​ണ്ടി​വ​രു​ന്ന​ത് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു​ണ്ടെ​ന്നു റെ‍​യി​ൽ​വേ ത​ന്നെ വ്യ​ക്ത​മാ​ക്കി​യി​ട്ടു​ള്ള​താ​ണ്. അ​താ​യ​ത്, അ​റി​ഞ്ഞു​കൊ​ണ്ടു​ത​ന്നെ​യാ​ണ് അ​പ​ക​ട​സാ​ധ്യ​ത നി​ല​നി​ർ​ത്തി​യി​രി​ക്കു​ന്ന​ത്.

ഒ​രേ പാ​ള​ത്തി​ൽ ര​ണ്ടു ട്രെ​യി​നു​ക​ൾ നേ​ർ​ക്കു​നേ​ർ എ​ത്തി​യാ​ൽ ഓ​ട്ടോ​മാ​റ്റി​ക് ബ്രേ​ക്കിം​ഗ് സം​വി​ധാ​ന​ത്തി​ലൂ​ടെ ട്രെ​യി​നു​ക​ൾ നി​ർ​ത്തി അ​പ​ക​ടം ഒ​ഴി​വാ​ക്കു​ന്ന ‘ക​വ​ച് ’ സം​വി​ധാ​നം എ​വി​ടെ പോ​യി? ഇ​ന്ത്യ 2012ൽ ​വി​ക​സി​പ്പി​ച്ച കൊ​ളീ​ഷ​ൻ അ​വോ​യ്ഡ് സി​സ്റ്റ​മാ​യ ‘ക​വ​ച് ’ 2016ലാ​ണ് ന​ട​പ്പാ​ക്കി​യ​ത്. ട്രെ​യി​ൻ എ​ൻ​ജി​നു​ക​ളി​ലും പാ​ള​ങ്ങ​ളി​ലും സ്റ്റേ​ഷ​നു​ക​ളി​ലും സി​ഗ്ന​ൽ സം​വി​ധാ​ന​ത്തി​ലു​മൊ​ക്കെ​യാ​യി​ട്ടാ​ണ് ഇ​തു ക്ര​മീ​ക​രി​ക്കു​ന്ന​ത്. രാ​ജ്യ​ത്ത് ആ​കെ​യു​ള്ള 68,000 കി​ലോ​മീ​റ്റ​ർ റെ​യി​ൽ പാ​ത​യി​ൽ 6000 കി​ലോ​മീ​റ്റ​റി​ലും 70 ട്രെ​യി​നു​ക​ളി​ലും മാ​ത്ര​മാ​ണ് ക​വ​ച് ഏ​ർ​പ്പെ​ടു​ത്തി​യി​ട്ടു​ള്ള​ത്.

ഇ​തു വി​പു​ലീ​ക​രി​ക്കു​മെ​ന്നു പ​റ​യു​ന്നു​ണ്ടെ​ങ്കി​ലും കാ​ര്യ​മാ​യ പു​രോ​ഗ​തി​യി​ല്ല. വ​ന്ദേ​ഭാ​ര​തി​ൽ ക​വ​ച് ഉ​ണ്ടെ​ങ്കി​ലും ദ​ക്ഷി​ണ​മേ​ഖ​ല​യി​ലെ പാ​ള​ങ്ങ​ളി​ലും സി​ഗ്ന​ൽ സം​വി​ധാ​ന​ങ്ങ​ളി​ലും അ​തി​നു​ള്ള ക്ര​മീ​ക​ര​ണ​ങ്ങ​ളി​ല്ല. പി​ന്നെ​ന്തു പ്ര​യോ​ജ​നം? ഏ​താ​നും ആ​ഡം​ബ​ര ട്രെ​യി​നു​ക​ളു​ടെ വ​ർ​ണ​ശ​ബ​ളി​മ​യും റെ​യി​ൽ​വേ സ്റ്റേ​ഷ​നു​ക​ളി​ലെ ഫോ​ട്ടോ പോ​യി​ന്‍റു​ക​ളും ഉ​ദ്ഘാ​ട​ന മ​ഹാ​മ​ഹ​ങ്ങ​ളും ന​മ്മു​ടെ റെ​യി​ൽ​വേ​യെ ശ്ര​ദ്ധേ​യ​മാ​ക്കി​യേ​ക്കും; മി​ക​ച്ച​താ​ക്കി​ല്ല. ചി​ല അ​തി​വേ​ഗ ട്രെ​യി​നു​ക​ളു​ടെ സ​മ​യം പാ​ലി​ക്കാ​ൻ​വേ​ണ്ടി പാ​ള​ങ്ങ​ളി​ൽ പി​ടി​ച്ചി​ടു​ന്ന അ​നേ​കം ട്രെ​യി​നു​ക​ളി​ലെ യാ​ത്ര​ക്കാ​രു​ടെ ദു​രി​ത​ങ്ങ​ളും റെ​യി​ൽ​വേ ഗൗ​ര​വ​ത്തി​ലെ​ടു​ത്തി​ട്ടി​ല്ല.

സ​മ​യം പാ​ലി​ക്കു​ന്ന ട്രെ​യി​നു​ക​ൾ വി​ര​ലി​ലെ​ണ്ണാ​വു​ന്ന​വ പോ​ലു​മി​ല്ല. ബു​ക്ക് ചെ​യ്ത​വ​ർ​ക്കു സീ​റ്റ് കി​ട്ടു​മെ​ന്ന് യാ​തൊ​രു​റ​പ്പു​മി​ല്ലാ​താ​യി. എ​സി കോ​ച്ചു​ക​ളി​ൽ പോ​ലും റി​സ​ർ​വേ​ഷ​നി​ല്ലാ​തെ ക​യ​റി​ക്കൂ​ടു​ന്ന​വ​രെ ഒ​ഴി​പ്പി​ക്കാ​ൻ പോ​ലീ​സോ ഉ​ദ്യോ​ഗ​സ്ഥ​രോ പ​ല​പ്പോ​ഴും ഉ​ണ്ടാ​കാ​റി​ല്ല. ശു​ചി​ത്വ​മി​ല്ലാ​യ്മ​യാ​ണ് ഇ​ന്ത്യ​ൻ റെ​യി​ൽ​വേ​യു​ടെ മ​റ്റൊ​രു കു​പ്ര​സി​ദ്ധി. പു​റ​പ്പെ​ട്ട് മ​ണി​ക്കൂ​റു​ക​ൾ​ക്ക​കം ഉ​പ​യോ​ഗി​ക്കാ​നാ​വാ​ത്ത​വി​ധം വൃ​ത്തി​ഹീ​ന​മാ​കും മി​ക്ക ട്രെ​യി​നു​ക​ളി​ലെ​യും ശു​ചി​മു​റി​ക​ൾ.

ആ​ദ്യ​ത്തെ ആ​ഘോ​ഷ​മൊ​ക്കെ ക​ഴി​ഞ്ഞ​തോ​ടെ വ​ന്ദേ​ഭാ​ര​തി​ൽ​പോ​ലും സ്ഥി​തി ഭി​ന്ന​മ​ല്ല. പ​ല​തും അ​ഴു​ക്കി​ൽ കു​ളി​ച്ചി​രി​ക്കു​ന്നു. സീ​റ്റു​ക​ളി​ൽ ഉ​ൾ​പ്പെ​ടെ അ​റ്റ​കു​റ്റ​പ്പ​ണി​ക​ളി​ല്ല. മാ​സ​ങ്ങ​ൾ​ക്കു മു​ന്പു​പോ​ലും റി​സ​ർ​വേ​ഷ​ൻ കി​ട്ടാ​ത്ത ട്രെ​യി​നു​ക​ൾ നി​ര​വ​ധി​യു​ണ്ട്. പ​ക്ഷേ, കൂ​ടു​ത​ൽ ട്രെ​യി​നു​ക​ളോ കോ​ച്ചു​ക​ളോ ഏ​ർ​പ്പെ​ടു​ത്തു​ന്ന കാ​ര്യ​ത്തി​ൽ സ​ർ​ക്കാ​രി​നു ശ്ര​ദ്ധ​യി​ല്ല.

എ​ന്ന​ത്തെ​യു​മെ​ന്ന​പോ​ലെ, ഇ​ന്നും ര​ണ്ട​ര​ക്കോ​ടി​യോ​ളം യാ​ത്ര​ക്കാ​ർ ട്രെ​യി​നി​ൽ ക​യ​റും. പ​ണം വാ​ങ്ങി അ​വ​ർ​ക്കു കൊ​ടു​ക്കു​ന്ന ടി​ക്ക​റ്റ് ദു​ര​ന്ത​ത്തി​ലേ​ക്ക​ല്ലെ​ന്നു​കൂ​ടി റെ​യി​ൽ​വേ ഉ​റ​പ്പാ​ക്ക​ണം. ജ​യ്പാ​ൽ​ഗു​ഡി​യി​ൽ​നി​ന്ന്, അ​നാ​ഥ​മാ​യ കു​ടും​ബ​ങ്ങ​ളി​ലേ​ക്കു നി​ങ്ങ​ൾ കൊ​ടു​ത്ത​യ​ച്ച മൃ​ത​ദേ​ഹ​ങ്ങ​ൾ ക​ഴി​ഞ്ഞ ദി​വ​സം നി​ങ്ങ​ളു​ടെ യാ​ത്ര​ക്കാ​രാ​യി​രു​ന്നു; മ​റ​ക്ക​രു​ത്.

Copyright @ 2022 , Rashtra Deepika Ltd.