ഗോ​ൾ​ഡ് കോ​സ്റ്റ്: ഓ​സ്‌​ട്രേ​ലി​യ​യി​ൽ മ​ന്ത്രി​യാ​യി സ്ഥാ​ന​മേ​റ്റ ആ​ദ്യ മ​ല​യാ​ളിയായ ജി​ൻ​സ​ൺ ആ​ന്‍റോ ചാ​ൾ​സി​ന് ഊ​ഷ്മ​ള സ്വീ​ക​ര​ണ​മൊ​രു​ക്കി ഓ​സ്‌​ട്രേ​ലി​യ​ൻ മ​ല​യാ​ളി​ക​ൾ. ഗോ​ൾ​ഡ് കോ​സ്റ്റി​ൽ ന​ട​ന്ന ച​ട​ങ്ങ് സം​വി​ധാ​യ​ക​ൻ വൈ​ശാ​ഖ് ഉ​ദ്ഘാ​ട​നം ചെ​യ്തു.

കു​ടി​യേ​റി എ​ത്തി 13 വ​ർ​ഷം കൊ​ണ്ട് അ​ത്യ​പൂ​ർ​വ നേ​ട്ടം സ​മ്പാ​ദി​ച്ച ജി​ൻ​സ​ൺ മ​ല​യാ​ളി യൗ​വ​ന​ങ്ങ​ളു​ടെ യ​ഥാ​ർ​ഥ പ്ര​ചോ​ദ​ന​മാ​ണെ​ന്ന് വൈ​ശാ​ഖ് പ​റ​ഞ്ഞു. മ​ല​യാ​ളി​ക​ളു​ടെ സ്നേ​ഹോ​പ​ഹാ​രം വൈ​ശാ​ഖും ക്യു​ൻ​സ്‌​ലാ​ൻ​ഡ് ചീ​ഫ് വി​പ് മാ​ർ​ക്ക്‌ ബൂ​ത്ത്‌​മാ​നും ചേ​ർ​ന്ന് ജി​ൻ​സ​ണ് കൈ​മാ​റി.

തു‌​ട​ർ​ന്ന് ഓ​സ്ട്രേ​ലി​യ​യി​ൽ കു​ടി​യേ​റി​യ മ​ല​യാ​ളി​ക​ളു​ടെ മാ​താ​പി​താ​ക്ക​ളെ ജി​ൻ​സ​ൺ ആ​ദ​രി​ച്ചു. മാ​താ​പി​താ​ക്ക​ളെ അ​വ​രു​ടെ അ​ടു​ത്തെ​ത്തി പൂ​ക്ക​ൾ സ​മ്മാ​നി​ച്ചാ​ണ് ആ​ദ​ര​വ് പ്ര​ക​ടി​പ്പി​ച്ച​ത്.

ഓ​സ്ട്രേ​ലി​യ​യി​ലെ പ്ര​ശ​സ്ത​മാ​യ മ​ല​യാ​ളി മ്യൂ​സി​ക് ബാ​ൻ​ഡ് മ​ൾ​ബ​രീ​സി​ന്‍റെ മ്യൂ​സി​ക് ഷോ ​ച​ട​ങ്ങി​ന് മാ​റ്റു​കൂ​ട്ടി. രു​ചി​യു​ടെ ലോ​ക​ത്തെ അ​തി​കാ​യ​രാ​യ കൈ​പ്പു​ണ്യം ടീ​മും നാ​ട​ൻ ഭ​ക്ഷ​ണ​ങ്ങ​ളു​മാ​യി വി​സ്മ​യം തീ​ർ​ത്തു.


ക്യു​ൻ​സ്‌​ലാ​ൻ​ഡ് പാ​ർ​ല​മ​ന്‍റ് ചീ​ഫ് വി​പ് മാ​ർ​ക്ക്‌ ബൂ​ത്ത്‌​മാ​ൻ, ബി​നോ​യ് തോ​മ​സ്, ഫ്ലൈ ​വേ​ൾ​ഡ് സി​ഇ​ഒ റോ​ണി ജോ​സ​ഫ്, ഫാ. ​ഷി​നു ചെ​റി​യാ​ൻ, ക​ൺ​വീ​ന​ർ ഓ​മ​ന സി​ബു തു​ട​ങ്ങി​യ​വ​രും ച​ട​ങ്ങി​ൽ സം​സാ​രി​ച്ചു.

ജിം​ജി​ത് ജോ​സ​ഫും തോ​മ​സ് ലി​സ്മോ​റും ആ​യി​രു​ന്നു പ​രി​പാ​ടി​യു​ടെ കോ​ഓ​ർ​ഡി​നേ​റ്റ​ർ​മാ​ർ. ക​ഴി​ഞ്ഞ ഒ​രു വ​ർ​ഷ​ത്തി​നു​ള്ളി​ൽ ഗോ​ൾ​ഡ് കോ​സ്റ്റി​ൽ നി​ന്ന് വി​വി​ധ മേ​ഖ​ല​ക​ളി​ൽ ശ്ര​ദ്ധേ​യ നേ​ട്ടം കൈ​വ​രി​ച്ച മ​ല​യാ​ളി​ക​ളെ​യും ച​ട​ങ്ങി​ൽ ആ​ദ​രി​ച്ചു.

മെ​ൻ ഇ​ൻ ഗോ​ൾ​ഡ് കോ​സ്റ്റ് ആ​യി​രു​ന്നു പ​രി​പാ​ടി​യു​ടെ സം​ഘ​ട​ക​ർ.