കണ്ണൂർ: കണ്ണൂർ ലോക്സഭാ മണ്ഡലം യുഡിഎഫ് സ്ഥാനാർഥി കെ. സുധാകരൻ അഴിക്കോട് മണ്ഡലത്തിൽ പര്യടനം നടത്തി. കുന്നുംകൈ അംബേദ്‌കർ കോളനിക്ക് സമീപം കെപിസിസി ജനറൽ സെക്രട്ടറി കെ.ജയന്ത് പര്യടനം ഉദ്ഘാടനം ചെയ്തു. കാഞ്ഞിരത്തറ, സ്റ്റൈലോ കോർണർ, പൊടിക്കുണ്ട് മിൽമ, പള്ളിക്കുന്ന് മൂകാംബിക ക്ഷേത്ര പരിസരം, മണൽ, പള്ളിയാംമൂല,അഴീക്കോട് ആറാംങ്കോട്ടം, തെക്കുംഭാഗം കണിശൻമുക്ക്, മീൻകുന്ന്, ശ്രീനാരായണ വായനശാല, ടിയാൻ ക്ലബ്, അഴീക്കൽ വിവേഴ്സ് കോ-ഓപ്പറേറ്റീവ് സൊസൈറ്റി പരിസരം, പൊയ്തു‌ംകടവ്, വളപട്ടണം ടാക്സിസ്റ്റാൻഡ്, മന്ന ജംഗ്ഷൻ, ആർപ്പാംതോട്, പള്ളിക്കുളം, ഇടച്ചേരി ശ്രീമുത്തപ്പൻക്ഷേത്രപരിസരം, കുഞ്ഞിപ്പള്ളി, പനങ്കാവ്, പാപ്പിനിശേരി ചുങ്കം, പഴംഞ്ചിറ,പാപ്പിനിശേരി ഗേറ്റ്, ഹാജി റോഡ് എന്നിവിടങ്ങളിലെ സ്വീകരണത്തിന് ശേഷം ഇല്ലിപ്പുറത്ത് സമാപിച്ചു. വിവിധ കേന്ദ്രങ്ങളിൽ നേതാക്കളായ മഹമൂദ് ഹാജി , ബാലകൃഷ്ണൻ ,പി മഹമൂദ് ,കാട്ടാമ്പള്ളി രാമചന്ദ്രൻ, പി.പി. റഷീദ് ,സി.വി. സന്തോഷ് ,കൂക്കിരി രാജേഷ് ,ഷറഫുദ്ധീൻ കാട്ടാമ്പള്ളി എന്നിവർ പ്രസംഗിച്ചു. ഇന്ന് ഇരിക്കൂറിൽ പര്യടനം നടത്തും.
എം.വി. ജയരാജൻ മട്ടന്നൂരിൽ
കണ്ണൂർ: കണ്ണൂർ മണ്ഡലം എൽഡിഎഫ് സ്ഥാനാർഥി എം.വി. ജയരാജൻ മട്ടന്നൂരിൽ പര്യടനം നടത്തി. രാവിലെ ചേക്യേരി കോളനിയിൽ നിന്ന് പര്യടനം ആരംഭിച്ചു. തുടർന്ന് ആര്യപറമ്പ്, പെരുവ, ഇടുമ്പ, മൊടൊളി, വണ്ണാത്തിമൂല, കുണ്ടേരിപൊയിൽ, പെരുവാട്ടേൻ, വെള്ളിലോട്, കക്കാട്ട് പറമ്പ്, മണ്ണേരി, ആലത്തുപറമ്പ്, പാണലാട്, മണ്ണൂർ പറമ്പ്, പരിയാരം, കാഞ്ഞിലേരി വാനയശാല, കൈതേരി 11ാം മൈൽ, അയ്യപ്പൻതോട്, തറക്കൽ, മലക്ക് താഴെ എന്നിവിടങ്ങളിലെ സ്വീകരണത്തിന് ശേഷം ചാലോട് സമാപിച്ചു. സിപിഎം ജില്ലാ സെക്രട്ടേറിയറ്റംഗം പി. പുരുഷോത്തമൻ, എൻ.വി. ചന്ദ്രബാബു, വി.കെ. സുരേഷ് ബാബു, കെ.ടി. ജോസ്, കെ.പി. രമേശൻ, ഡി. മുനീർ എന്നിവർ സ്ഥാനാർഥിക്കൊപ്പമുണ്ടായിരുന്നു. വിവിധ കേന്ദ്രങ്ങളിൽ എം.വി. സരള, സി.വി. ശശീന്ദ്രൻ, എം. രതീഷ്, സി.വിജയൻ, എം.വിനോദ്, ബി. ഷംസുദ്ദീൻ, അനിൽകുമാർ ആലത്തുപറമ്പ് എന്നിവർ പ്രസംഗിച്ചു. ഇന്ന് പേരാവൂരിൽ പര്യടനം നടത്തും.
സി. രഘുനാഥ്
ഇരിക്കൂറിൽ
കണ്ണൂർ: കണ്ണൂർ ലോക്സഭാ മണ്ഡലം എന്‍ഡിഎ സ്ഥാനാര്‍ത്ഥി സി. രഘുനാഥ് ഇരിക്കൂറിൽ പര്യടനം നടത്തി. കോളിത്തട്ടില്‍ സംസ്ഥാന സമിതിയംഗം എ.പി. ഗംഗാധരന്‍ ഉദ്ഘാടനം ചെയ്തു. ഇരിക്കൂര്‍ മണ്ഡലം വൈസ് പ്രസിഡന്‍റ് സുരേഷ് ബാബു അധ്യക്ഷത വഹിച്ചു. എം.വി. ജോയ്, സി. ബാബു കീഴൂര്‍ക്കുന്ന്, രജീഷ് എന്നിവർ പ്രസംഗിച്ചു. തുടര്‍ന്ന് പരിക്കളം, കണിയാര്‍ വയല്‍, കുട്ടാവ്, ചെങ്ങളായി, നെടിയങ്ങ, ചെമ്പേരി, കുടിയാന്‍മല, പുലിക്കുരുമ്പ, മണ്ടളം, വായാട്ടുപറമ്പ്, അരങ്ങം, ഉദയഗിരി, അരിവിളഞ്ഞ പൊയില്‍ എന്നിവിടങ്ങളിലെ പര്യടനത്തിന് ശേഷം കാര്‍ത്തികപുരത്ത് സമാപിച്ചു.
സമാപന സമ്മേളനം മേഖല ജനറൽ സെക്രട്ടറി കെ.കെ.വിനോദ് കുമാർ ഉദ്ഘാടനം ചെയ്തു. ബിജെപി സംസ്ഥാന സമിതി അംഗം എ.പി.ഗംഗാധരൻ ജില്ലാ ജനറല്‍ സെക്രട്ടറി എം.ആര്‍. സുരേഷ്, ജില്ലാ വൈസ് പ്രസിഡന്‍റ് പി.ആര്‍. രാജന്‍, സഞ്ജു കൃഷ്ണകുമാര്‍, പി.വി. റോയ്, കെ.ഡി. മുരളീധരന്‍, പി.വി അജയ് കുമാർ തുടങ്ങിയവര്‍ പര്യടനത്തിന് നേതൃത്വം നൽകി. ബിജെപി മേഖലാ വൈസ് പ്രസിഡന്‍റ് ആനിയമ്മ രാജേന്ദ്രൻ, ജില്ലാ വൈസ് പ്രസിഡന്‍റ് അജികുമാര്‍ കരിയില്‍, മനോഹരന്‍ വയോറ, വിജയന്‍ വട്ടിപ്രം, അരുണ്‍ തോമസ്, സജേഷ് പയ്യാവൂര്‍, വി.ഡി. ഹനീഷ് തുടങ്ങിയവര്‍ വിവിധ കേന്ദ്രങ്ങളില്‍ പ്രസംഗിച്ചു.