ലോ​ക​മേ യാ​ത്ര എ​ന്ന ഒ​റ്റ​ക്ക​ൽ ശി​ല്പം!
സി​സ്റ്റ​ർ മേ​രി ബെ​നീ​ഞ്ഞ എ​ന്ന മേ​രി ജോ​ൺ തോ​ട്ട​ത്തി​ന്‍റെ ലോ​ക​മേ യാ​ത്ര ദീ​പി​ക​യി​ലൂ​ടെ പ്ര​കാ​ശി​ത​മാ​യി​ട്ട് 95 വ​ർ​ഷ​ങ്ങ​ൾ. ലോ​ക​മേ യാ​ത്ര എ​ന്ന ക​വി​ത പ​ഞ്ച​ചാ​മ​രം എ​ന്ന വൃ​ത്ത​ത്തി​ലാ​ണ് എ​ഴു​തി​യി​ട്ടു​ള്ള​ത്. ജ​രം ജ​രം ജ​ഗം നി​ര​ന്നു പ​ഞ്ച​ചാ​മ​രം​വ​രും എ​ന്ന് ല​ക്ഷ​ണം. പ​ഞ്ച​ചാ​മ​രം പ​ഠി​പ്പി​ക്കു​ന്ന പ​ണ്ട​ത്തെ അ​ധ്യാ​പ​ക​ർ വൃ​ത്ത​ത്തി​ന് ഉ​ദാ​ഹ​ര​ണ​മാ​യി ന​ൽ​കു​ന്ന ഭാ​ഗം ഇ​താ​യി​രു​ന്നു.

"സ​മ​ർ​ഥ​നാ​യ സീ​സ​റും
പ്ര​സി​ദ്ധ​നാ​യ ഹോ​മ​റും
സ​മ​ത്വ​മ​റ്റ സോ​ള​മ​ൻ
തു​ട​ങ്ങി​യു​ള്ള വി​ജ്ഞ​രും
അ​മ​ർ​ന്നു​പോ​യി കാ​ല​ച​ക്ര
വി​ഭ്ര​മ​ത്തി​ലെ​ങ്കി​ലി
ന​മു​ക്കു പി​ന്നെ​യെ​ന്തു
ശ​ങ്ക? മാ​റ്റ​മൊ​ന്നു​മി​ല്ലി​തി​ൽ

ഈ ​ഉ​ദാ​ഹ​ര​ണ​ത്തി​ന് ഒ​രു മെ​ച്ചം കൂ​ടി​യു​ണ്ട് ഗ​ണം തി​രി​യു​മ്പോ​ൾ ജീ​വി​ത​ത്തി​ന്‍റെ ഗ​ണം​കൂ​ടി ഇ​വി​ടെ തി​രി​ഞ്ഞു​വ​രും. വൃ​ത്ത​ത്തോ​ടൊ​പ്പം ജീ​വി​ത​വൃ​ത്ത​വും ഇ​വി​ടെ​നി​ന്നു ഹൃ​ദി​സ്ഥ​മാ​കും. സി​സ്റ്റ​ർ മേ​രി ബെ​നീ​ഞ്ഞ​യു​ടെ ലോ​ക​മേ യാ​ത്ര എ​ന്ന ക​വി​ത മ​ല​യാ​ള ക​വി​താ സാ​ഹി​ത്യ​ത്തി​ലെ ഒ​രു ഒ​റ്റ​ക്ക​ൽ ശി​ല്പ​മാ​യി​രു​ന്നു.

ഈ ​ശി​ല്പ​ഭം​ഗി നു​ക​രാ​തെ ക​ട​ന്നു​പോ​യ​വ​ർ പ​ഴ​യ ത​ല​മു​റ​യി​ൽ കു​റ​വാ​യി​രു​ന്നു. ക​വി​ത​യും സ​ന്യാ​സ​വും ഭി​ന്ന​സം​ഖ്യ​ക​ള​ല്ലെ​ന്ന് തെ​ളി​യി​ക്കു​ക​യാ​യി​രു​ന്നു ബെ​നീ​ഞ്ഞാ ക​വി​ത​ക​ൾ. ആ​വൃ​തി​യും ആ​വി​ഷ്കാ​ര​വും വി​വാ​ദ​ങ്ങ​ളാ​യി പു​ക​യു​ന്ന ഇ​ക്കാ​ല​ത്തു​നി​ന്നു നോ​ക്കു​മ്പോ​ൾ എ​ത്ര അ​നാ​യാ​സ​വും ത​ര​ള​വു​മാ​യാ​ണ് മേ​രി ബെ​നീ​ഞ്ഞ സ​ന്യാ​സ​ത്തെ​യും സ​ർ​ഗാ​ത്മ​ക​ത​യെ​യും കൂ​ട്ടി​യി​ണ​ക്കി​യ​തെ​ന്ന് വി​സ്മ​യ​ത്തോ​ടു​കൂ​ടി​യെ ന​മു​ക്കു കാ​ണാ​നാ​കൂ.

ക​വ​യി​ത്രി​യാ​യ ക​ന്യാ​സ്ത്രീ

ക​വി​ത്ര​യ​ത്തി​ന്‍റെ പി​ൻ​നി​ലാ​വ് തോ​ർ​ന്നു തു​ട​ങ്ങി​യി​രു​ന്നി​ല്ല. മ​ല​യാ​ളം ക​വി​ക​ളു​ടെ എ​ണ്ണ​ത്തി​ൽ അ​തി​സ​മ്പ​ന്ന​മാ​യി​രു​ന്നു. ജി. ​ശ​ങ്ക​ര​ക്കു​റു​പ്പ് ആ​കാ​ശ​വും വൈ​ലോ​പ്പി​ള്ളി ജീ​വി​ത​ക്ക​ട​ലും കു​ഞ്ഞി​രാ​മ​ൻ നാ​യ​ർ മേ​ഘ​രൂ​പ​നു​മാ​യി നി​റ​ഞ്ഞാ​ടി​യ കാ​ലം.

ഇ​രു​ട്ടു​വീ​ണ മ​ധ്യ​കാ​ല​ത്തു​നി​ന്ന് ആ​ധു​നി​ക​ത​യി​ലേ​ക്കു പാ​ല​മി​ട്ട ഇ​ട​ശേ​രി, മാ​തൃ​ത്വം ശീ​ലു​ക​ളാ​ക്കി​യ ബാ​ലാ​മ​ണി​യ​മ്മ, പാ​ലാ നാ​രാ​യ​ണ​ൻ നാ​യ​ർ, കു​റ്റി​പ്പു​റം... ഇ​വ​ർ​ക്കെ​ല്ലാം മു​ക​ളി​ൽ ച​ങ്ങ​മ്പു​ഴ എ​ന്ന വി​ഷാ​ദ​ക്കൊ​ടു​ങ്കാ​റ്റ്. അ​ത്ത​ര​മൊ​രു കാ​ല​ത്താ​ണ് മേ​രി ബെ​നീ​ഞ്ഞ ക​വി​ത​യി​ൽ പ്ര​വേ​ശി​ക്കു​ക​യും പ്ര​കാ​ശ​ഗോ​പു​ര​ങ്ങ​ളു​യ​ർ​ത്തു​ക​യും ചെ​യ്ത​ത്.

ക്രൈ​സ്ത​വ ഭാ​വു​ക​ത്വ​മാ​യി​രു​ന്നു ഈ ​ക​വ​യി​ത്രി​യു​ടെ കൊ​ടി​യ​ട​യാ​ളം. ബൈ​ബി​ളും ബൈ​ബി​ൾ പ​ശ്ചാ​ത്ത​ല​വും ക​വി​ത​യി​ൽ സ​മൃ​ദ്ധ​മാ​യി വാ​രി​വി​ത​റി. ഈ ​വ​ഴി സു​ഗ​മ​മാ​യി​രു​ന്നി​ല്ല. എം.​പി. ശ​ങ്കു​ണ്ണി​നാ​യ​ർ പ​റ​യു​ന്ന​തു​പോ​ലെ, ക​വി​ത ഒ​രു സ​വ​ർ​ണ സ​ദ്യ​യാ​യി​രു​ന്ന കാ​ല​ത്ത് ക്രി​സ്ത്യാ​നി​ക്ക്, അ​തും ഒ​രു ക​ന്യാ​സ്ത്രീ​ക്കു ക​വി​ത​യി​ൽ ക​ളം​പി​ടി​ക്കു​ക എ​ളു​പ്പ​മാ​യി​രു​ന്നി​ല്ല.

ഇ​തി​ന് ഉ​ദാ​ഹ​ര​ണ​മാ​യി​രു​ന്നു ക​ട്ട​ക്ക​യം ചെ​റി​യാ​ൻ മാ​പ്പി​ള. ശ്രീ​യേ​ശു​വി​ജ​യം എ​ഴു​തി​യ ക​ട്ട​ക്ക​യ​ത്തെ ക്രൈ​സ്ത​വ കാ​ളി​ദാ​സ​ൻ പ​ട്ടം ചാ​ർ​ത്തി ക​വി​ത​യി​ൽ​നി​ന്നു നാ​ടു​ക​ട​ത്താ​ൻ ഒ​രു ശ്ര​മ​മു​ണ്ടാ​യി. ഇ​ന്ന​ത്തെ ഒ​രു സൈ​ബ​ർ ആ​ക്ര​മ​ണ​ത്തി​നു സ​മാ​ന​മാ​യ ആ​ക്ര​മ​ണ​മാ​ണ് ക​ട്ട​ക്ക​യം നേ​രി​ട്ട​ത്. അ​തി​ന്‍റെ പാ​ര​മ്യ​മാ​യി​രു​ന്നു ഭാ​ഷാ​പോ​ഷി​ണി​യി​ൽ വ​ന്ന കു​പ്ര​സി​ദ്ധ​മാ​യ സ​മ​സ്യാ​പൂ​ര​ണം.

ക​ട്ട​ക്ക​യ​വും സ​മു​ദാ​യ​വും ഒ​രേ​പോ​ലെ അ​പ​ഹ​സി​ക്ക​പ്പെ​ട്ട ആ ​സ​മ​സ്യാ​പൂ​ര​ണം എ​ങ്ങ​നെ പെ​ട്ടെ​ന്ന് പ്ര​ശ​സ്ത​മാ​യി എ​ന്ന​ത് ഒ​രു ഗ​വേ​ഷ​ണ വി​ഷ​യ​മാ​യി എ​ടു​ക്കാ​വു​ന്ന​താ​ണ്. ഇ​ക്കാ​ല​ത്തെ ട്രോ​ളു​ക​ളെ​പ്പോ​ലെ കേ​വ​ല വി​നോ​ദം സൃ​ഷ്ടി​ച്ചു മാ​ഞ്ഞു​പോ​കു​മാ​യി​രു​ന്ന ഒ​രു നാ​ലു​വ​രി കേ​ര​ള​ത്തി​ന്‍റെ സാം​സ്കാ​രി​കാ​വ​ബോ​ധ​ത്തി​ൽ ഏ​റെ നാ​ൾ സൂ​ക്ഷി​ക്ക​പ്പെ​ട്ട​തി​ന്‍റെ കാ​ര​ണം എ​ന്താ​യി​രി​ക്കും?

ഏ​താ​യാ​ലും ഇ​തു​പോ​ലെ ക്രി​സ്ത്യാ​നി​ക്കു സാ​ഹി​ത്യം പ​റ​ഞ്ഞി​ട്ടി​ല്ലെ​ന്നു വി​ധി​ക്ക​പ്പെ​ട്ട ഒ​രു കാ​ല​ത്താ​ണ് മേ​രി ബെ​നീ​ഞ്ഞ എ​ഴു​തി​ത്തു​ട​ങ്ങു​ന്ന​ത്. പ​ല ക്രൈ​സ്ത​വ സാ​ഹി​ത്യ​കാ​ര​ന്മാ​രെ​യും പോ​ലെ ഏ​തെ​ങ്കി​ലും ക്രൈ​സ്ത​വ പ്ര​സ​ദ്ധീ​ക​ര​ണ​ങ്ങ​ളി​ൽ ഒ​ളി​ജീ​വി​തം ന​യി​ച്ച് ഒ​ടു​ങ്ങാ​ൻ സി​സ്റ്റ​ർ മേ​രി ബ​നീ​ഞ്ഞ ത​യാ​റ​ല്ലാ​യി​രു​ന്നു. പൊ​തു​സ​മൂ​ഹ​ത്തെ​യാ​ണ് ഓ​രോ ക​വി​ത​യും ല​ക്ഷ്യം​വ​ച്ച​ത്. അ​തി​ൽ അ​വ​ർ വി​ജ​യി​ക്കു​ക​യും ചെ​യ്തു.

ആ​ശ്ര​മ വൃ​ക്ഷ​ത്തി​ലെ കു​യി​ൽ

"ആ ​കു​യി​ലി​നെ കൂ​ട്ടി​ല​ട​ച്ചു'... മ​ല​യാ​ള​ത്തി​ൽ ക​വി​ത​ക​ളെ​ഴു​തി​യി​രു​ന്ന മേ​രി ജോ​ൺ തോ​ട്ടം സ​ന്യാ​സം സ്വീ​ക​രി​ച്ചു സി​സ്റ്റ​ർ മേ​രി ബെ​നീ​ഞ്ഞ ആ​യ​പ്പോ​ൾ ആ​രോ പ​റ​ഞ്ഞു. പ​ക്ഷേ, ആ​ശ്ര​മം ക​വി​ക്ക് ആ​രാ​മ​മാ​യി​രു​ന്നു. ആ​ശ്ര​മ​ജീ​വി​തം അ​വ​ർ അ​പൂ​ർ​വ​രാ​ഗ​മാ​ക്കി.

ആ​ദ്യ​ന്തം ദൈ​വ​ത്തോ​ടു​ള്ള തീ​വ്ര​മാ​യ അ​നു​രാ​ഗ​മാ​യി​രു​ന്നു ആ ​ജീ​വി​ത​ത്തി​ന്‍റെ ക​രു​ത്ത്. ക​വി​ത​യ്ക്കും ക​വി​ക്കും നി​റ​യെ ആ​രാ​ധ​ക​രു​ണ്ടാ​യി​രു​ന്ന അ​ക്കാ​ല​ത്ത് മ​ല​യാ​ളം അ​റി​യു​ന്ന ക​വി ആ​ശ്ര​മ​ത്തി​ലെ വി​നീ​ത​യാ​യ അ​ന്തേ​വാ​സി​യാ​യി ക​ഴി​ഞ്ഞു​കൂ​ടി.

ക​വി​ത​യു​ടെ പേ​രി​ൽ മേ​ല​ധി​കാ​രി​ക​ളോ​ടു ക​ല​ഹി​ച്ചി​ല്ല. "ലോ​ക​മേ യാ​ത്ര' എ​ന്ന ക​വി​ത​യി​ൽ ത​ന്‍റെ ജീ​വി​ത​ത്തി​ലെ ഏ​റ്റ​വും പ്രി​യ​പ്പെ​ട്ട​തി​നെ​യെ​ല്ലാം ഉ​പേ​ക്ഷി​ക്കു​ന്ന​ത് അ​വ​ർ ചി​ത്രീ​ക​രി​ക്കു​ന്നു​ണ്ട്. സ​ന്യാ​സാ​ർ​ഥി​നി​യു​ടെ ഭാ​ണ്ഡ​ത്തി​ൽ ശേ​ഷി​ക്കു​ന്ന​ത് ഒ​രു പേ​ന മാ​ത്രം. ആ​ശ്ര​മ​ത്തി​ലെ ചി​ട്ട​ക​ൾ​ക്ക​നു​സ​രി​ച്ചു ജീ​വി​ക്കാ​മെ​ങ്കി​ൽ മാ​ത്രം കൂ​ടെ വ​രാ​ൻ അ​നു​വ​ദി​ക്കാ​മെ​ന്നാ​ണ് തൂ​ലി​ക​യോ​ടു പ​റ​യു​ന്ന​ത്.

ഓ​ർ​ക്കു​ക ത​ന്‍റെ ആ​ദ്യ​ത്തെ ക​വി​താ​സ​മാ​ഹാ​ര​ത്തി​ന് 1927ൽ ​മ​ഹാ​ക​വി ഉ​ള്ളൂ​രി​ന്‍റെ അ​വ​താ​രി​ക ചേ​ർ​ക്കാ​ൻ ഭാ​ഗ്യം​ല​ഭി​ച്ച മ​ല​യാ​ള​മ​റി​യു​ന്ന ക​വ​യി​ത്രി ത​ന്‍റെ പ്ര​ശ​സ്തി​യും വി​ല​പ്പെ​ട്ട സ​ർ​ഗാ​ത്മ​ക​ത​യും സ​ന്യാ​സ​ത്തി​നു വേ​ണ്ടി ത്യ​ജി​ക്കാ​ൻ ത​യാ​റാ​കു​ന്നു. ത്യാ​ഗ​വും തി​ള​ക്ക​വു​മു​ള്ള സ​ന്യാ​സ​മാ​യി​രു​ന്നു ആ ​ക​വി​ത​യു​ടെ ക​രു​ത്ത്. അ​തു​കൊ​ണ്ട് ബെ​നീ​ഞ്ഞ ക​വി​ത​ക​ളി​ൽ സ​ന്ദേ​ഹ​ങ്ങ​ളി​ല്ല. ഉ​റ​പ്പു​ക​ൾ മാ​ത്രം.

ഇ​നി​യും ഒ​രു ജ​ന്മ​മു​ണ്ടെ​ങ്കി​ൽ ഒ​രു സ​ന്യാ​സി​യാ​യി ഞാ​ൻ ജ​നി​ക്കും എ​ന്ന് എ​ഴു​തു​ന്ന മേ​രി ബെ​നീ​ഞ്ഞ സ​ന്യാ​സ​ത്തി​ന്‍റെ മ​ധു​രോ​ദാ​ര​ഭാ​വ​മാ​ണ് ആ​വി​ഷ്ക​രി​ക്കു​ന്ന​ത്. വ​യ​ലാ​റി​ന്‍റെ ച​ന്ദ്ര​ക​ള​ഭം എ​ന്ന ഗാ​നം ഓ​ർ​ക്കാം.

സ്വാ​ത​ന്ത്ര്യ​സ്വ​ർ​ഗം

ത​ഴു​തി​ട്ട വാ​തി​ലാ​യി​രു​ന്നി​ല്ല ആ ​സ​ന്യാ​സം. ജാ​ല​ക​പ്പ​ഴു​തി​ലൂ​ടെ ബെ​നീ​ഞ്ഞ ലോ​ക​ത്തെ നോ​ക്കി​ക്കാ​ണു​ന്നു​ണ്ട്. മ​മ​ത​ക​ളി​ല്ലാ​തെ ലോ​ക​ത്തെ വീ​ക്ഷി​ക്കു​ക​യും തു​റ​ന്ന പു​സ്ത​കം പോ​ലെ അ​തി​നെ വാ​യി​ക്കാ​ൻ ശ്ര​മി​ക്കു​ക​യും ചെ​യ്യു​ന്നു​ണ്ട്. ത​ന്‍റെ കാ​ല​ത്തി​ന്‍റെ അ​ത്മ​സം​ഘ​ഷ​ങ്ങ​ളി​ൽ​നി​ന്ന് അ​വ​ർ പു​റം​തി​രി​ഞ്ഞു നി​ൽ​ക്കു​ന്നി​ല്ല.

ക്വി​റ്റ് ഇ​ന്ത്യ​യു​ടെ​യും നി​സ​ഹ​ക​ര​ണ​ത്തി​ന്‍റെ​യും മു​ഴ​ക്ക​ങ്ങ​ൾ ആ ​ക​വി​ത​യി​ൽ കേ​ൾ​ക്കാം. അ​കം മാ​ത്ര​മാ​ണ് പെ​ണ്ണി​ന്‍റെ ലോ​ക​മെ​ന്ന ബോ​ധ​ത്തെ ബെ​നീ​ഞ്ഞ ക​വി​ത​ക​ൾ ഞെ​രി​ച്ചൊ​ടി​ച്ചു ക​ള​യു​ന്നു​ണ്ട്. ഗാ​ന്ധി​ജ​യ​ന്തി മ​ഹാ​കാ​വ്യം എ​ഴു​തി​യ ക​വ​യി​ത്രി ഗാ​ന്ധി​യ​ൻ ആ​ദ​ർ​ശ​ത്തെ പു​തി​യ പ്ര​തീ​ക്ഷ​യാ​യി അ​വ​ത​രി​പ്പി​ക്കു​ന്നു. ഗാ​ന്ധി​സൂ​ക്ത​ങ്ങ​ൾ ക​വി​താ​രൂ​പ​ത്തി​ൽ അ​വ​ത​രി​പ്പി​ക്കു​മ്പോ​ൾ ഗാ​ന്ധി​യെ ഒ​രു ആ​ദ​ർ​ശ​മാ​ക്കി അ​വ​ത​രി​പ്പി​ക്കു​ന്നു. ഗാ​ന്ധി​യെ ഒ​രു വി​ഗ്ര​ഹ​മാ​ക്കു​ന്ന വ​ള്ള​ത്തോ​ളി​ന്‍റെ സ​മീ​പ​ന​ങ്ങ​ളി​ൽ​നി​ന്നു വ്യ​ത്യ​സ്ത​മാ​ണ് ഈ ​ഗാ​ന്ധി​മാ​ർ​ഗം.

ആ​ത്മാ​വി​ന്‍റെ സ്നേ​ഹ​ഗീ​ത

ടാ​ഗോ​ർ ക​വി​ത​ക​ൾ മ​ല​യാ​ള​ക​വി​ത​യെ ബാ​ധി​ച്ച കാ​ലം കൂ​ടി​യാ​യി​രു​ന്നു അ​ത്. ച​ങ്ങ​മ്പു​ഴ​യു​ടെ നി​ര​ർ​ഥ​ക​ത​യ്ക്കു ക​വി​ത കൊ​ടു​ത്ത മ​റു​പ​ടി​യാ​യി​രു​ന്നു മി​സ്റ്റി​സി​സം. ഉ​പ​നി​ഷ​ത് ദ​ർ​ശ​ന​ങ്ങ​ളി​ൽ ക​ട​ഞ്ഞെ​ടു​ത്ത മി​സ്റ്റി​ക് ഭാ​വ​ന​യാ​യി​രു​ന്നു ജി. ​ശ​ങ്ക​ര​ക്കു​റു​പ്പി​ന്‍റേ​തെ​ങ്കി​ൽ, മി​സ്റ്റി​സി​സ​ത്തി​ന് ഒ​രു ക്രൈ​സ്ത​വ ഭാ​ഷ്യം നി​ർ​മി​ക്കു​ക​യാ​യി​രു​ന്നു മേ​രി ബെ​നീ​ഞ്ഞ.

നേ​ർ​ത്ത കാ​റ്റി​നെ​യും പൂ​വി​നെ​യും മ​ല​ർ​വാ​ടി​ക​ളെ​യും അ​വ​ർ ദൈ​വ​ത്തി​ന്‍റെ കൈ​യ​ക്ഷ​ര​ങ്ങ​ളാ​യി ക​ണ്ടു. ദൈ​വ​മ​നു​ഷ്യ​സ​ങ്ക​ല്പ​ങ്ങ​ളി​ൽ തീ​രു​ന്ന​ത​ല്ലാ​യി​രു​ന്നു മേ​രി ബെ​നീ​ഞ്ഞ​യു​ടെ ആ​ത്മീ​യ​ത. ആ​ത്മാ​വും പ്ര​കൃ​തി​യും ഇ​ഴ​യി​ട്ടു നെ​യ്തെ​ടു​ത്ത ദൈ​വ​സ​ങ്ക​ല്പ​മാ​യി​രു​ന്നു അ​ത്.

മ​ല​യാ​ള​ത്തി​ലെ ല​ക്ഷ​ണ​മൊ​ത്തെ മി​സ്റ്റി​ക് ക​വി​ത​യാ​യി​രു​ന്നു ആ​ത്മാ​വി​ന്‍റെ സ്നേ​ഹ​ഗീ​ത, സോ​ള​മ​ന്‍റെ ഉ​ത്ത​മ​ഗീ​തം​പോ​ലെ പ്ര​ണ​യ​മെ​ന്ന രൂ​പ​ക​ത്തി​ലൂ​ടെ പ​ര​മാ​ത്മാ​വി​ൽ ചേ​രാ​നു​ള്ള ജീ​വാ​ത്മാ​വി​ന്‍റെ ദാ​ഹ​ത്തെ ക​വി കോ​റി​യി​ടു​ന്നു.

ല​ക്ഷ​ണ​മൊ​ത്ത മി​സ്റ്റി​ക് കാ​വ്യ​മെ​ന്ന നി​ല​യി​ൽ ഈ ​ക​വി​ത​യെ വീ​ണ്ടെ​ടു​ക്കേ​ണ്ട​തു​ണ്ട്. മി​സ്റ്റി​ക് ജീ​വി​ത​ത്തി​ൽ​നി​ന്നു മാ​ത്ര​മേ മി​സ്റ്റി​ക് ക​വി​ത വ​രൂ. ടാ​ഗോ​റി​ന് ഉ​ണ്ടാ​യി​രു​ന്ന​തും ശ​ങ്ക​ര​ക്കു​റു​പ്പി​ന് ഇ​ല്ലാ​തെ പോ​യ​തും അ​താ​യി​രു​ന്നു.

മേ​രി ബെ​നീ​ഞ്ഞ ജീ​വി​തം​കൊ​ണ്ട് മി​സ്റ്റി​ക്കാ​യി​രു​ന്നു. പൂ​ക്ക​ളെ ത​ഴു​കു​ന്ന കാ​റ്റി​ലും ജ​ല​മ​ർ​മ​ര​ങ്ങ​ളി​ലും അ​വ​ർ ഈ​ശ്വ​ര​നെ തെ​ര​യു​ന്നു​ണ്ട്. മേ​രി ബെ​നീ​ഞ്ഞ​യു​ടെ ഏ​റ്റ​വും മി​ക​ച്ച ര​ച​ന​യാ​ണ് ആ​ത്മാ​വി​ന്‍റെ സ്നേ​ഹ​ഗീ​ത.

നി​രൂ​പ​ക​നും അ​ധ്യാ​പ​ക​നു​മാ​യ ഡോ. ​കു​ര്യാ​സ് കു​മ്പ​ള​ക്കു​ഴി മേ​രി ബെ​നീ​ഞ്ഞ​യു​ടെ കൃ​തി​ക​ൾ സ​മ്പൂ​ർ​ണ​മാ​യി എ​ഡി​റ്റ് ചെ​യ്തു പ്ര​സി​ദ്ധീ​ക​രി​ച്ചു. മ​ഹാ​ത്മാ​ഗാ​ന്ധി യൂ​ണി​വേ​ഴ്സി​റ്റി​യി​ൽ മാ​ത്രം ബെ​നീ​ഞ്ഞാ ക​വി​ത​ക​ളി​ൽ മൂ​ന്നു പി​എ​ച്ച്ഡി ഗ​വേ​ഷ​ണ​ങ്ങ​ളും ന​ട​ന്നു​ക​ഴി​ഞ്ഞു.

ഡോ. ​ബി​ൻ​സ് എം. ​മാ​ത്യു
Copyright @ 2018 , Rashtra Deepika Ltd.