വ​യ​ൽ​പ്പൂ​ക്ക​ളു​ടെ വ​ര​പ്ര​സാ​ദം
ഇ​ക്ക​ഴി​ഞ്ഞ വ​ർ​ഷം 94-ാം വ​യ​സി​ൽ വി​ട​വാ​ങ്ങി​യ സി​ഡ്നി പോ​യ്റ്റി​യേ എ​ന്ന ഹോ​ളി​വു​ഡ് പ്ര​തി​ഭ ലോ​ക ച​ല​ച്ചി​ത്ര​പ്രേ​മി​ക​ൾ​ക്ക് എ​ക്കാ​ല​വും ഓ​ർ​മി​ക്കാ​ൻ ഒ​രു​പി​ടി ച​ല​ച്ചി​ത്ര​സ്മ​ര​ണ​ക​ൾ സ​മ്മാ​നി​ച്ചാ​ണ് ക​ട​ന്നു​പോ​യ​ത്. ഹോ​ളി​വു​ഡ് ച​രി​ത്ര​ത്തി​ൽ അ​ന​ന്യ​മാ​യ സ്ഥാ​നം പോ​യ്റ്റി​യേ നേ​ടി​യെ​ടു​ത്തി​ട്ടു​ണ്ട്. ആ​ദ്യ​മാ​യി നാ​യ​ക​വേ​ഷ​ത്തി​ൽ മി​ക​ച്ച ന​ട​നു​ള്ള ഓ​സ്ക​ർ നേ​ടി​യ ക​റു​ത്ത​വ​ർ​ഗ​ക്കാ​ര​ൻ എ​ന്ന​തി​ന​പ്പു​റം വ​ർ​ണ​വി​വേ​ച​ന​ത്തി​ന്‍റെ മ​തി​ൽ​ക്കെ​ട്ടു​ക​ളെ ത​ക​ർ​ത്തു ലോ​ക​വേ​ദി​ക​ളി​ൽ ആ​ദ​രി​ക്ക​പ്പെ​ട്ട വ്യ​ക്തി കൂ​ടി​യാ​ണ് പോ​യ്റ്റി​യേ.

1960ക​ളി​ൽ രം​ഗ​ത്തു​വ​രു​ന്പോ​ൾ അ​മേ​രി​ക്ക​യി​ൽ മാ​ർ​ട്ടി​ൻ ലൂ​ഥ​ർ കിം​ഗി​ന്‍റെ നേ​തൃ​ത്വ​ത്തി​ൽ പൗ​രാ​വ​കാ​ശ പ്ര​സ്ഥാ​നം ചൂ​ടു​പി​ടി​ച്ചു​വ​രു​ന്ന കാ​ല​മാ​ണ്. ഹോ​ളി​വു​ഡി​നും വ​ർ​ണ​വി​വേ​ച​ന​ത്തി​ന്‍റെ ച​രി​ത്ര​മു​ണ്ടെ​ന്നോ​ർ​ക്കു​ക. അ​വി​ടെ സ്റ്റീ​രി​യോ​ടൈ​പ് ചെ​യ്യ​പ്പെ​ട്ടും പാ​ർ​ശ്വ​വ​ത്ക​രി​ക്ക​പ്പെ​ട്ടും ക​ഴി​ഞ്ഞ ഒ​രു കാ​ല​മു​ണ്ട് ക​റു​ത്ത​വ​ന്. 1939ൽ ​ഗോ​ണ്‍ വി​ത്ത് ദ ​വി​ൻ​ഡ് എ​ന്ന ചി​ത്ര​ത്തി​ൽ സ​ഹ​ന​ടി​യാ​യി ഓ​സ്ക​ർ നേ​ടി​യ ഹാ​റ്റി ഡാ​നി​യ​ൽ അ​വാ​ർ​ഡ് വേ​ദി​യി​ൽ മാ​ത്ര​മ​ല്ല, മ​രി​ച്ച​പ്പോ​ൾ സെ​മി​ത്തേ​രി​യി​ൽ​പോ​ലും വി​വേ​ച​ന​ത്തി​നി​ര​യാ​യി.

പോ​യ്റ്റി​യേ മു​ഖ്യ​വേ​ഷം ചെ​യ്ത ‘ലി​ല്ലീ​സ് ഓ​ഫ് ദ ​ഫീ​ൽ​ഡ്’ പ്ര​സ​ക്ത​മാ​കു​ന്ന​ത് ഈ ​പ​ശ്ചാ​ത്ത​ല​ത്തി​ലാ​ണ്. 1950ക​ളി​ൽ ശീ​ത​സ​മ​രം ഉ​ട​ലെ​ടു​ത്ത​പ്പോ​ൾ സോ​വ്യ​റ്റ് അ​ധീ​ശ​ത്വ​ത്തി​ൽ ക​മ്യൂ​ണി​സ്റ്റ് ഭ​ര​ണ​കൂ​ട​ങ്ങ​ൾ കൈ​യ​ട​ക്കി​യ കി​ഴ​ക്ക​ൻ ജ​ർ​മ​നി തു​ട​ങ്ങി മി​ക്ക പൗ​ര​സ്ത്യ യൂ​റോ​പ്യ​ൻ രാ​ജ്യ​ങ്ങ​ളി​ലും മ​ത​മ​ർ​ദ​ന​വും അ​ഴി​ച്ചു​വി​ട​പ്പെ​ട്ടു. 1961ൽ ​ബ​ർ​ലി​ൻ മ​തി​ൽ പ​ണി​യ​പ്പെ​ട്ട​തോ​ടെ ശീ​ത​സ​മ​രം പു​തി​യ വ​ഴി​ത്തി​രി​വി​ലെ​ത്തി. ഇ​ക്കാ​ല​ത്ത് ഈ​സ്റ്റ് ജ​ർ​മ​നി​യി​ൽ​നി​ന്ന് അ​ഭ​യാ​ർ​ഥി​ക​ളാ​യി അ​മേ​രി​ക്ക​യി​ലെ​ത്തി​യ കു​റേ ജ​ർ​മ​ൻ സ​ന്യാ​നി​സി​നി​ക​ളു​ടെ ജീ​വി​തം പ​ശ്ചാ​ത്ത​ല​മാ​ക്കി വി​ല്യം ബാ​ര​റ്റ് ര​ചി​ച്ച നോ​വ​ലാ​ണ് അ​തേ പേ​രി​ൽ​ത​ന്നെ ന​ട​നും സം​വി​ധാ​യ​ക​നു​മാ​യ റാ​ൽ​ഫ് നെ​ൽ​സ​ണ്‍ ച​ല​ച്ചി​ത്ര​മാ​ക്കി​യ​ത്.

അ​രി​സോ​ണ മ​രു​പ്ര​ദേ​ശ​ത്ത് ത​ങ്ങ​ൾ​ക്ക് അ​നു​വ​ദി​ച്ചു​കി​ട്ടി​യ കു​റ​ച്ചു സ്ഥ​ല​ത്ത് സ്വ​ന്തം കൃ​ഷി​യി​ൽ​നി​ന്നു​ള്ള വ​രു​മാ​നം​കൊ​ണ്ടു മാ​ത്രം ജീ​വി​ക്കു​ന്ന മൂ​ന്നു ജ​ർ​മ​ൻ ക​ന്യാ​സ്ത്രീ​ക​ൾ. മു​ഖ്യ​മാ​യും സ്പാ​നി​ഷ് ഭാ​ഷ​ക്കാ​ർ താ​മ​സി​ക്കു​ന്ന സ്ഥ​ല​ത്ത് ഭാ​ഷ​കൊ​ണ്ടും വ​ർ​ഗം​കൊ​ണ്ടും ജീ​വി​ത​ശൈ​ലി​കൊ​ണ്ടും പാ​ർ​ശ്വ​വ​ത്ക​രി​ക്ക​പ്പെ​ട്ട ഇ​വ​രു​ടെ ജീ​വി​ത​ത്തി​ലേ​ക്ക് ആ​ക​സ്മി​ക​മാ​യി ക​ട​ന്നു​വ​രി​ക​യാ​ണ് ഹോ​മ​ർ സ്മി​ത് എ​ന്ന ക​റു​ത്ത​വ​ർ​ഗ​ക്കാ​ര​നാ​യ മു​ൻ പ​ട്ടാ​ള​ക്കാ​ര​ൻ.

ഒ​രു വാ​സ്തു​ശി​ല്പി​യാ​കാ​നു​ള്ള മോ​ഹ​വു​മാ​യി കി​ട്ടു​ന്ന പ​ണി​ക​ൾ ചെ​യ്ത് ന​ട​ക്കു​ന്ന ഇ​യാ​ൾ, കാ​റി​ന്‍റെ ആ​വ​ശ്യ​ത്തി​നാ​യി കു​റ​ച്ചു വെ​ള്ളം തേ​ടി വ​ന്ന​താ​ണ്. കോ​ണ്‍​വ​ന്‍റി​ന്‍റെ വേ​ലി ന​ന്നാ​ക്കി​ക്കൊ​ണ്ടി​രു​ന്ന മ​ദ​ർ മേ​രി​ക്ക് ഇ​യാ​ളു​ടെ വ​ര​വ് ത​ന്‍റെ പ്രാ​ർ​ഥ​ന​യ്ക്കു​ള്ള ഉ​ത്ത​ര​മാ​യാ​ണ് തോ​ന്നി​യ​ത്. ജോ​ലി​ചെ​യ്യാ​ൻ ക​രു​ത്തു​ള്ള ഒ​രു പു​രു​ഷ​ൻ. അ​യാ​ളു​മാ​യി സൗ​ഹൃ​ദം സ്ഥാ​പി​ച്ച മ​ദ​ർ അ​വി​ടെ​ത്ത​ന്നെ താ​മ​സി​ക്കാ​ൻ അ​യാ​ളെ നി​ർ​ബ​ന്ധി​ക്കു​ന്നു. ത​ങ്ങ​ളു​ടെ കെ​ട്ടി​ട​ത്തി​ന്‍റെ മേ​ൽ​ക്കൂ​ര ഇ​യാ​ളെ​ക്കൊ​ണ്ട് ന​ന്നാ​ക്കി​ക്കാം എ​ന്ന​താ​ണ് ഉ​ദ്ദേ​ശ്യം. എ​ന്നാ​ൽ കൂ​ലി കൊ​ടു​ക്കാ​ൻ പ​ണ​മി​ല്ലെ​ന്ന കാ​ര്യം പ​റ​യു​ന്നി​ല്ല.

അ​വ​രോ​ടൊ​പ്പം അ​ത്താ​ഴം ക​ഴി​ക്കു​ന്ന സ്മി​ത്തി​ന് അ​വി​ട​ത്തെ അ​ല്പാ​ഹാ​രം തീ​രെ പി​ടി​ച്ചി​ല്ല. എ​ത്ര​യും വേ​ഗം സ്ഥ​ലം വി​ടാ​ൻ ആ​ഗ്ര​ഹി​ച്ച അ​യാ​ളെ കൗ​ശ​ല​വും നി​ശ്ച​യ​ദാ​ർ​ഢ്യ​വും​കൊ​ണ്ട് മേ​രി അ​വി​ടെ​ത്ത​ന്നെ നി​ർ​ത്തു​ന്നു. അ​യാ​ളു​ടെ ശി​ക്ഷ​ണ​ത്തി​ൽ ഇം​ഗ്ലീ​ഷ് പ​ഠി​ക്കു​ന്ന​തി​നൊ​പ്പം അ​വി​ടെ ഒ​രു ക​പ്പേ​ള പ​ണി​യാ​നു​ള്ള ചു​മ​ത​ല​യും നി​ർ​ബ​ന്ധി​ച്ച് ഏ​ല്പി​ക്കു​ക​യാ​ണ്. തു​ട​ർ​ന്നു​വ​രു​ന്ന സം​ഭ​വ​ങ്ങ​ളി​ലൂ​ടെ വെ​ളി​വാ​കു​ന്ന​ത് ര​ണ്ടു ശ​ക്ത​മാ​യ വ്യ​ക്തി​ത്വ​ങ്ങ​ൾ​ക്കി​ട​യി​ലെ ഇ​ണ​ക്ക​ങ്ങ​ളും പി​ണ​ക്ക​ങ്ങ​ളും തീ​ർ​ക്കു​ന്ന ര​സ​ക​ര​മാ​യ അ​നു​ഭ​വ​ങ്ങ​ളാ​ണ്.

പ​ണി​ക്കൂ​ലി ത​രാ​ത്ത, താ​ങ്ക് യു ​പോ​ലും പ​റ​യാ​തെ എ​പ്പോ​ഴും ദൈ​വ​ത്തി​നു മാ​ത്രം ന​ന്ദി പ​റ​യു​ന്ന ക​ന്യാ​സ്ത്രീ​യോ​ട് ബൈ​ബി​ൾ വ​ച​നം​കൊ​ണ്ടാ​ണ് ഹോ​മ​ർ പ്ര​തി​ക​രി​ക്കു​ന്ന​ത്. ജോ​ലി​ക്കാ​ര​ൻ ത​ന്‍റെ കൂ​ലി​ക്ക് അ​ർ​ഹ​നാ​ണ് (ലൂ​ക്ക 10:7). മ​ദ​റി​നു മ​റു​പ​ടി​യു​ണ്ട്. മ​ല​യി​ലെ പ്ര​സം​ഗ​ത്തി​ൽ​നി​ന്നു​ള്ള ഉ​ദ്ധ​ര​ണി, വ​യ​ലി​ലെ ലി​ല്ലി​ക​ൾ എ​ങ്ങ​നെ വ​ള​രു​ന്നു​വെ​ന്നു നോ​ക്കു​ക തു​ട​ങ്ങി​യ ബൈ​ബി​ൾ വ​ച​ന​ങ്ങ​ൾ. ത​ന്‍റെ പ​ണം മു​ട​ക്കി ന​ല്ല ഭ​ക്ഷ​ണം വാ​ങ്ങി​ക്കൊ​ടു​ക്കു​ന്ന ഹോ​മ​റോ​ട് പ​ള്ളി പ​ണി​യാ​ൻ ഇ​ഷ്ടി​ക വാ​ങ്ങാ​നു​ള്ള​ത് എ​ന്തി​നാ​ണ് പാ​ഴാ​ക്കു​ന്ന​തെ​ന്നാ​ണു ചോ​ദ്യം.

ഞാ​യ​റാ​ഴ്ച കു​ർ​ബാ​ന​യ്ക്ക് ദൂ​രെ പ​ട്ട​ണ​ത്തി​ൽ പോ​കാ​ൻ ഹോ​മ​റെ ക്ഷ​ണി​ക്കു​ന്ന​ത് അ​യാ​ളു​ടെ കാ​റി​ൽ പോ​കാ​മെ​ന്ന വി​ചാ​ര​ത്തി​ലാ​ണ്. താ​ൻ ബാ​പ്റ്റി​സ്റ്റ് സ​ഭ​ക്കാ​ര​നാ​ണെ​ന്ന് ഓ​ർ​മി​പ്പി​ച്ചു​കൊ​ണ്ട് ഹോ​മ​ർ പോ​കു​ന്നു. ടൗ​ണി​ലെ ഹോ​ട്ട​ൽ ഉ​ട​മ​സ്ഥ​ൻ ജു​വാ​ൻ ഹോ​മ​റു​ടെ സു​ഹൃ​ത്താ​ണ്. അ​യാ​ളു​ടെ അ​ഭി​പ്രാ​യ​ത്തി​ൽ ഭൂ​മി​യി​ൽ ചെ​യ്യു​ന്ന ന​ന്മ​പ്ര​വൃ​ത്തി​ക​ളൊ​ക്കെ പ​ര​ലോ​ക​ത്തേ​ക്കു​ള്ള ഇ​ൻ​ഷ്വ​റ​ൻ​സാ​ണ്. അ​വി​ട​ത്തെ ബി​ൽ​ഡിം​ഗ് കോ​ണ്‍​ട്രാ​ക്ട​ർ ആ​ഷ്റ്റ​ണ്‍ ഹോ​മ​റി​ന് ഒ​രു ജോ​ലി കൊ​ടു​ക്കു​ന്നു. ജോ​ലി​ക്കൊ​പ്പം​ത​ന്നെ ക​പ്പേ​ള​യു​ടെ പ​ണി​യും ഹോ​മ​ർ ത​ന്‍റെ വാ​സ്തു​ശി​ല്പ സാ​മ​ർ​ഥ്യം മു​ഴു​വ​ൻ ഉ​പ​യോ​ഗി​ച്ച് പൂ​ർ​ത്തി​യാ​ക്കു​ന്നു. ആ​ദ്യം ഈ ​സം​രം​ഭ​ത്തി​ൽ സ​ഹ​ക​രി​ക്കാ​തി​രു​ന്ന ആ​ഷ്റ്റ​ണും ഒ​പ്പം നാ​ട്ടു​കാ​രും അ​യാ​ൾ​ക്കൊ​പ്പം ചേ​രു​ക​യാ​ണ്.

ക​ഥ​യു​ടെ പ്ര​ധാ​ന​ഭാ​ഗ​ത്ത് ഹോ​മ​ർ ക​ന്യാ​സ്ത്രീ​ക​ളെ ഇം​ഗ്ലീ​ഷ് പ​ഠി​പ്പി​ക്കു​ന്ന​തി​നൊ​പ്പം ഒ​രു ബാ​പ്റ്റി​സ്റ്റ് കീ​ർ​ത്ത​ന​വും പ​ഠി​പ്പി​ക്കു​ന്നു​ണ്ട്. ക​ഥ​യു​ടെ പ്ര​മേ​യ​ത്തെ വെ​ളി​വാ​ക്കു​ന്ന ഒ​രു സീ​ക്വ​ൻ​സാ​യി ഇ​തി​നെ ക​രു​താം. ത​ന്‍റെ ദൗ​ത്യം പൂ​ർ​ത്തി​യാ​ക്കി, ത​നി​ക്കു ക​രു​തി​വ​ച്ച ബ​ഹു​മ​തി സ്വീ​ക​രി​ക്കാ​ൻ കാ​ത്തു​നി​ൽ​ക്കാ​തെ പ്ര​സ്തു​ത ഗീ​ത​ത്തി​ലെ ആ​മ്മേ​ൻ പാ​ടി​ക്കൊ​ണ്ട് അ​യാ​ൾ നി​ഷ്ക്ര​മി​ക്കു​ക​യാ​ണ്.

വം​ശീ​യ സം​ഘ​ർ​ഷ​ങ്ങ​ളും ശീ​ത​സ​മ​ര​വും നി​ഴ​ൽ പ​ര​ത്തി​യ കാ​ല​ഘ​ട്ട​ത്തി​ൽ സ്നേ​ഹ​സൗ​ഹൃ​ദ​ങ്ങ​ളു​ടെ കു​ളി​ർ​കാ​റ്റ​നു​ഭ​വ​മാ​ണ് ലി​ല്ലീ​സ് ഓ​ഫ് ദ ​ഫീ​ൽ​ഡ്. മി​ക​ച്ച ന​ട​നു​ള്ള ഓ​സ്ക​ർ, മി​ക​ച്ച ന​ടി​ക്കു​ള്ള നോ​മി​നേ​ഷ​ൻ, കൂ​ടാ​തെ ബ​ർ​ലി​ൻ, ഗോ​ൾ​ഡ​ൻ ഗ്ലോ​ബ് തു​ട​ങ്ങി​യ വേ​ദി​ക​ളി​ലും ഉ​ന്ന​ത ബ​ഹു​മ​തി​ക​ൾ ഈ ​ചി​ത്രം നേ​ടി​യെ​ടു​ത്തു.

ജി​ജി ജോ​സ​ഫ് കൂ​ട്ടു​മ്മേ​ൽ
Copyright @ 2018 , Rashtra Deepika Ltd.