National News
വിസ്മയ കേസിൽ സുപ്രീംകോടതി; പ്രതി കിരണ്‍ കുമാറിന്‍റെ ശി​ക്ഷ താ​ത്കാ​ലി​ക​മാ​യി മ​ര​വി​പ്പി​ച്ചു
വിസ്മയ കേസിൽ സുപ്രീംകോടതി; പ്രതി കിരണ്‍ കുമാറിന്‍റെ ശി​ക്ഷ താ​ത്കാ​ലി​ക​മാ​യി മ​ര​വി​പ്പി​ച്ചു
Thursday, July 3, 2025 1:58 AM IST
ന്യൂ​ഡ​ൽ​ഹി: സ്ത്രീ​ധ​ന പീ​ഡ​ന​ത്തെത്തുട​ർ​ന്ന് ഭാ​ര്യ വി​സ്മ​യ ജീവനൊടുക്കിയ കേ​സി​ൽ ഭ​ർ​ത്താ​വ് കി​ര​ണ്‍ കു​മാ​റി​ന് വി​ചാ​ര​ണ​ക്കോ​ട​തി വി​ധി​ച്ച ശി​ക്ഷ സു​പ്രീം​കോ​ട​തി താ​ത്കാ​ലി​ക​മാ​യി മ​ര​വി​പ്പി​ച്ചു. പ്ര​തി കി​ര​ണ്‍ കു​മാ​റി​നെ ജാ​മ്യ​ത്തി​ൽ വി​ടാ​നും സു​പ്രീം​കോ​ട​തി ജ​സ്റ്റീ​സു​മാ​രാ​യ എം.​എം.​ സു​ന്ദ​രേ​ശ്, കെ. ​വി​നോ​ദ് ച​ന്ദ്ര​ൻ എ​ന്നി​വ​ര​ട​ങ്ങു​ന്ന ബെ​ഞ്ച് ഉ​ത്ത​ര​വി​ട്ടു.

ആ​ത്മ​ഹ​ത്യാ​പ്രേ​ര​ണകു​റ്റം നി​ല​നി​ൽ​ക്കി​ല്ലെ​ന്നും ശി​ക്ഷ മ​ര​വി​പ്പി​ക്ക​ണ​മെ​ന്നും ആ​വ​ശ്യ​പ്പെ​ട്ട് പ്ര​തി കി​ര​ണ്‍ കു​മാ​ർ കേ​ര​ള ഹൈ​ക്കോ​ട​തി​യി​ൽ സ​മ​ർ​പ്പി​ച്ച ഹ​ർ​ജി തീ​രു​മാ​നം ആ​കു​ന്ന​തുവ​രെ​യാ​ണ് ശി​ക്ഷ മ​ര​വി​പ്പി​ച്ച​ത്. 2022ൽ ​പ്ര​തി കേ​ര​ള ഹൈ​ക്കോ​ട​തി​യി​ൽ സ​മ​ർ​പ്പി​ച്ച ഹ​ർ​ജി ഇ​തു​വ​രെ​യും തീ​രു​മാ​നം ആ​കാ​ത്ത​ത് ചൂ​ണ്ടി​ക്കാ​ട്ടി​യാ​ണ് സു​പ്രീം​കോ​ട​തി ന​ട​പ​ടി.

വി​സ്മ​യ​യു​ടെ ആ​ത്മ​ഹ​ത്യ​യു​മാ​യി ത​ന്നെ നേ​രി​ട്ടു ബ​ന്ധി​പ്പി​ക്കാ​ൻ ആ​വ​ശ്യ​മാ​യ തെ​ളി​വി​ല്ലെ​ന്നു ചൂ​ണ്ടി​ക്കാ​ട്ടി​യാ​ണ് കി​ര​ണ്‍ സു​പ്രീം​കോ​ട​തി​യെ സ​മീ​പി​ച്ച​ത്. സ​മാ​ന ​വാ​ദ​മാ​ണ് ഹൈ​ക്കോ​ട​തി​യി​ലും പ്ര​തി ന​ട​ത്തി​യ​ത്. സു​പ്രീം​കോ​ട​തി​യി​ൽ കി​ര​ണ്‍ സ​മ​ർ​പ്പി​ച്ച ഹ​ർ​ജി സം​സ്ഥാ​ന സ​ർ​ക്കാ​ർ എ​തി​ർ​ത്തെ​ങ്കി​ലും കോ​ട​തി ജാ​മ്യം അ​നു​വ​ദി​ക്കു​ക​യാ​യി​രു​ന്നു.


ഹ​ർ​ജി​യി​ൽ മ​റു​പ​ടി ന​ല്കാ​ൻ കൂ​ടു​ത​ൽ സ​മ​യം വേ​ണ​മെ​ന്നു സം​സ്ഥാ​ന സ​ർ​ക്കാ​ർ വാ​ദി​ച്ചെ​ങ്കി​ലും കോ​ട​തി അം​ഗീ​ക​രി​ച്ചി​ല്ല. ഹൈ​ക്കോ​ട​തി ഉ​ട​ൻ തീ​രു​മാ​നം എ​ടു​ക്കു​മെ​ന്നും അ​തു​വ​രെ ജാ​മ്യം അ​നു​വ​ദി​ക്കു​ക​യാ​ണെ​ന്നു​മാ​ണ് ബെ​ഞ്ച് അ​റി​യി​ച്ചു.

കൊ​ല്ലം പോ​രു​വ​ഴി​യി​ലെ ഭ​ർ​തൃ​വീ​ട്ടി​ൽ 2021 ജൂ​ണ്‍ 21നാ​ണ് വി​സ്മ​യ​യെ മ​രി​ച്ച​ നി​ല​യി​ൽ ക​ണ്ടെ​ത്തി​യ​ത്. സ്ത്രീ​ധ​ന​വു​മാ​യി ബ​ന്ധ​പ്പെ​ട്ട് വി​സ്മ​യ​യെ ശാ​രീ​രി​ക​വും മാ​ന​സി​ക​വു​മാ​യി പീ​ഡി​പ്പി​ച്ചു എ​ന്നാ​ണ് കി​ര​ണ്‍ കു​മാ​റി​നെ​തി​രേ ചു​മ​ത്തി​യ കേ​സ്.

വി​സ്മ​യ മ​രി​ച്ച് 11 മാ​സം പി​ന്നി​ട്ട​പ്പോ​ൾ നാ​ലു മാ​സ​ത്തെ വി​ചാ​ര​ണ പൂ​ർ​ത്തി​യാ​ക്കി പ​ത്ത് വ​ർ​ഷ​ത്തെ ത​ട​വി​ന് കൊ​ല്ലം ജി​ല്ലാ സെ​ഷ​ൻ​സ് ജ​ഡ്ജി സു​ജി​ത് കെ.​എ​ൻ ശി​ക്ഷി​ച്ചി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.