ശുചിമുറിയില് അബോധാവസ്ഥയില് കണ്ടെത്തിയ വിദ്യാര്ഥി ചികിത്സയിലിരിക്കെ മരിച്ചു
Tuesday, August 20, 2024 5:26 AM IST
കോട്ട: രാജസ്ഥാനിലെ കോട്ടയില് താമസസ്ഥലത്തെ ശുചിമുറിയില് അബോധാവസ്ഥയില് കണ്ടെത്തിയ വിദ്യാര്ഥി ചികിത്സയിലിരിക്കെ മരിച്ചു. ഉത്തര്പ്രദേശ് സ്വദേശി കുശാഗ്ര റസ്റ്റോഗി (18) യാണ് മരിച്ചത്.
ഐഐടി പ്രവേശന പരീക്ഷയ്ക്ക് തയ്യാറെടുക്കുകയായിരുന്നു റസ്റ്റോഗി. കഴിഞ്ഞ ഏപ്രിലിലാണ് റസ്റ്റോഗി കോട്ടയിലെത്തിയത്.
മരണകാരണം വ്യക്തമല്ലെന്ന് പോലീസ് അറിയിച്ചു.