Business News
ചൈനയ്ക്കു മാന്ദ്യഭീഷണിയും
ചൈനയ്ക്കു മാന്ദ്യഭീഷണിയും
Friday, February 21, 2020 11:16 PM IST
ബെ​യ്ജിം​ഗ്/ ഹോ​ങ്കോം​ഗ്: കോ​വി​ഡ്-19 (കൊ​റോ​ണ വൈ​റ​സ്) രോ​ഗ​ബാ​ധ ചൈ​ന​യു​ടെ​യും മ​റ്റു രാ​ജ്യ​ങ്ങ​ളു​ടെ​യും സാ​ന്പ​ത്തി​ക വ​ള​ർ​ച്ച​യെ​പ്പ​റ്റി ആ​ശ​ങ്ക ജ​നി​പ്പി​ക്കു​ന്നു. ഔ​ദ്യോ​ഗി​ക വി​ശ​ദീ​ക​ര​ണ​ങ്ങ​ൾ എ​ന്താ​യാ​ലും ചൈ​ന​യി​ൽ ജ​ന​ജീ​വി​ത​വും ഫാ​ക്ട​റി​ക​ളു​ടെ പ്ര​വ​ർ​ത്ത​ന​വും സാ​ധാ​ര​ണ നി​ല​യി​ലാ​കാ​ൻ ഇ​നി​യും ഏ​റെ സ​മ​യ​മെ​ടു​ക്കും. സാ​ന്പ​ത്തി​കമാ​ന്ദ്യ​ സാ​ധ്യ​ത​യും ചി​ല​ർ കാ​ണു​ന്നു.

ജ​നു​വ​രി-​മാ​ർ​ച്ചി​ലെ ചൈ​നീ​സ് സാ​ന്പ​ത്തി​ക വ​ള​ർ​ച്ച 3.5 ശ​ത​മാ​ന​മാ​കു​മെ​ന്നു നി​ക്ഷേ​പ​ബാ​ങ്ക് മോ​ർ​ഗ​ൻ സ്റ്റാ​ൻ​ലി ക​ഴി​ഞ്ഞ​യാ​ഴ്ച വി​ല​യി​രു​ത്തി. ഐ​എം​എ​ഫും സ​മാ​ന​വി​ല​യി​രു​ത്ത​ലാ​ണു ന​ട​ത്തി​യ​ത്. എ​ന്നാ​ൽ ഫ്ര​ഞ്ച് ബാ​ങ്ക് ബി​എ​ൻ​പി പാ​രി​ബ ഈ​യാ​ഴ്ച ക​ണ​ക്കാ​ക്കി​യ​തു ചൈ​ന ഈ ​ത്രൈ​മാ​സ​ത്തി​ൽ അ​ര​ശ​ത​മാ​നം ചു​രു​ങ്ങു​മെ​ന്നാ​ണ്. ക​ഴി​ഞ്ഞ വ​ർ​ഷം ഇ​തേ ത്രൈ​മാ​സ​ത്തി​ൽ 5.5 ശ​ത​മാ​നം തോ​തി​ൽ വ​ള​ർ​ന്ന​താ​ണ്. ര​ണ്ടു ത്രൈ​മാ​സ​ങ്ങ​ളി​ൽ സ​ന്പ​ദ്ഘ​ട​ന ചു​രു​ങ്ങി​യാ​ൽ മാ​ന്ദ്യ​മാ​കും.

ചൈ​ന​യി​ലെ ഫാ​ക്ട​റി​ക​ൾ പ്ര​വ​ർ​ത്ത​നം പു​ന​രാ​രം​ഭി​ക്കാ​നും ന​ഗ​ര​ങ്ങ​ളി​ൽ ജ​ന​ജീ​വി​തം പ​ഴ​യ​തു​പോ​ലെ​യാ​കാ​നും വൈ​കും​തോ​റും സ്ഥി​തി കൂ​ടു​ത​ൽ മോ​ശ​മാ​കും. സാ​ന്പ​ത്തി​ക പ്ര​വ​ർ​ത്ത​ന​ങ്ങ​ൾ ഒ​രു മാ​സ​മാ​യി നി​ല​ച്ചി​രി​ക്കു​ക​യാ​ണ്. ജ​നു​വ​രി 23-നാ​ണ് ഗ​താ​ഗ​ത​നി​യ​ന്ത്ര​ണ​മ​ട​ക്ക​മു​ള്ള​വ തു​ട​ങ്ങി​യ​ത്.

പു​തി​യ രോ​ഗ​ബാ​ധ കു​റ​യു​ന്ന​താ​യി ചൈ​ന അ​വ​കാ​ശ​പ്പെ​ടു​ന്ന​തി​നെ അ​ധി​ക​മാ​രും വി​ശ്വ​സി​ക്കു​ന്നി​ല്ല. രോ​ഗി​യാ​യി പ്ര​ഖ്യാ​പി​ക്കാ​ൻ ഡി​എ​ൻ​എ പ​രി​ശോ​ധ​ന (ന്യൂ​ക്ലി​യ​ർ ആ​സി​ഡ് ടെ​സ്റ്റ്) ന​ട​ത്തി പോ​സി​റ്റീ​വ് ആ​യ റി​പ്പോ​ർ​ട്ട് കി​ട്ട​ണ​മെ​ന്നാ​ണ് ഇ​പ്പോ​ഴ​ത്തെ നി​ബ​ന്ധ​ന. ഒ​രി​ട​യ്ക്ക് എ​ക്സ്റേ/​സ്കാ​നിം​ഗ് പ​രി​ശോ​ധ​ന​ക​ളി​ൽ പോ​സി​റ്റീ​വ് ആ​യാ​ൽ മ​തി​യാ​യി​രു​ന്നു. ശ്വാ​സ​കോ​ശ​ത്തി​ൽ ന്യു​മോ​ണി​യ ക​ണ്ടെ​ത്താ​ൻ എ​ക്സ്റേ/​സ്കാ​നിം​ഗ് പ​രി‍ശോ​ധ​ന​ക​ൾ മ​തി. അ​തി​നു​കാ​ര​ണം കോ​വി​ഡ്-19 ആ​ണെ​ന്നു ഉ​റ​പ്പു​വ​രു​ത്തു​ന്ന​താ​ണു ന്യൂ​ക്ലി​യി​ക് ആ​സി​ഡ് പ​രി​ശോ​ധ​ന.


പ​ക​ർ​ച്ച​വ്യാ​ധി വി​ദ​ഗ്ധ​ർ ഏ​പ്രി​ലോ​ടെ രോ​ഗ​ബാ​ധ​യു​ടെ വ​ലി​യ ഘ​ട്ടം ക​ഴി​യു​മെ​ന്നാ​ണു പ​റ​യു​ന്ന​ത്. എ​ന്നാ​ൽ ചൈ​നീ​സ് അ​ധി​കൃ​ത​ർ അ​ത്ര​യും നീ​ണ്ടു​നി​ൽ​ക്കി​ല്ല എ​ന്ന നി​ല​പാ​ടി​ലാ​ണ്. 2003-ൽ ​സാ​ർ​സ് ബാ​ധ എ​ട്ടു​മാ​സം നീ​ണ്ടു​നി​ന്നു. ഡി​സം​ബ​റി​ലാ​രം​ഭി​ച്ച കൊ​റോ​ണ അ​തേ​പോ​ലെ നീ​ണ്ടു​നി​ന്നാ​ൽ ഇ​ക്കൊ​ല്ലം ചൈ​നീ​സ് സാ​ന്പ​ത്തി​ക വ​ള​ർ​ച്ച പ്ര​തീ​ക്ഷി​ക്കാ​നാ​വി​ല്ല. വ​ള​ർ​ച്ച​യ്ക്കു​പ​ക​രം ത​ള​ർ​ച്ച ഉ​ണ്ടാ​കാം. മ​റി​ച്ച് രോ​ധ​ബാ​ധ​യു​ടെ വ്യാ​പ​നം ഈ ​മാ​സം ത​ന്നെ ത​ട​യാ​നാ​യാ​ൽ ചൈ​ന​യ്ക്കു വ​ള​ർ​ച്ച പ്ര​തീ​ക്ഷി​ക്കാ​നാ​വും.

ചൈ​ന സാ​ന്പ​ത്തി​ക ക​ണ​ക്കു​ക​ൾ പു​റ​ത്തു​വി​ടു​ന്ന​ത് നീ​ട്ടി​വ​ച്ചു. ജ​നു​വ​രി​യി​ലെ ക​യ​റ്റി​റ​ക്കു​മ​തി ക​ണ​ക്ക് ഫെ​ബ്രു​വ​രി​യി​ലേ​തി​ന്‍റെ കൂ​ടെ​യേ പു​റ​ത്തു​വി​ടൂ എ​ന്നാ​ണി​പ്പോ​ൾ പ​റ​യു​ന്ന​ത്. പാ​ർ​പ്പി​ട വി​ല്പ​ന, വൈ​ദ്യു​തി ഉ​ത്പാ​ദ​നം, ക​ൽ​ക്ക​രി ഉ​പ​യോ​ഗം, ഫാ​ക്ട​റി ഉ​ത്പാ​ദ​നം തു​ട​ങ്ങി​യ ക​ണ​ക്കു​ക​ളും പു​റ​ത്തു​വ​ന്നി​ട്ടി​ല്ല.

ഫെ​ബ്രു​വ​രി​യി​ലെ ആ​ദ്യ 16 ദി​വ​സം ചൈ​ന​യി​ലെ കാ​ർ വി​ല്പ​ന 92 ശ​ത​മാ​നം കു​റ​ഞ്ഞെ​ന്ന ക​ണ​ക്ക് ചൈ​ന പാ​സ​ഞ്ച​ർ കാ​ർ അ​സോ​സി​യേ​ഷ​ൻ ഇ​ന്ന​ലെ പു​റ​ത്തു​വി​ട്ടു. ത​ലേ​ക്കൊ​ല്ലം ഇ​തേ സ​മ​യ​ത്തെ 59,930 ന്‍റെ സ്ഥാ​ന​ത്ത് ഇ​ത്ത​വ​ണ വി​റ്റ​ത് 4909 മാ​ത്രം. അ​സോ​സി​യേ​ഷ​ന്‍റെ നി​ഗ​മ​ന​ത്തി​ൽ 2020 ആ​ദ്യ​പ​കു​തി​യി​ൽ കാ​ർ വി​ല്പ​ന 10 ശ​ത​മാ​നം കു​റ​യും. മാ​ർ​ച്ചോ​ടെ വ്യാ​പാ​ര​മേ​ഖ​ല പ​ഴ​യ​തു​പോ​ലെ​യാ​കു​മെ​ന്ന പ്ര​തീ​ക്ഷ​യി​ലാ​ണ് ഈ ​നി​ഗ​മ​നം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.