ആലത്തൂർ: ഓണക്കാലത്ത് പൂക്കളം ഒരുക്കാൻ പഞ്ചായത്തും കൃഷിഭവനും സംയുക്തമായി നടത്തുന്ന ചെണ്ടുമല്ലി കൃഷിക്ക് എരിമയൂരിൽ തുടക്കമായി. എരിമയൂർ പഞ്ചായത്ത് പ്രസിഡന്‍റ് എ. പ്രേമകുമാർ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്‍റ് ബിന്ദു ശിവകുമാർ അധ്യക്ഷത വഹിച്ചു. കൃഷിഓഫീസർ ബിൻസി , അസിസ്റ്റന്‍റ് കൃഷിഓഫീസർ വിനോദ് കുമാർ, പന്ത്രണ്ടാംവാർഡ് മെംബർ ഷൈജ രാജൻ പ്രസംഗിച്ചു.
കല്ലടിക്കോട്: കരിന്പ ഗ്രാമപഞ്ചായത്ത് ജനകീയാസൂത്രണ പദ്ധതിയിൽ ഉൾപ്പെടുത്തി കൃഷി ഭവന്‍റെ കീഴിൽ വനിതാ കർഷക ഗ്രൂപ്പുകൾക്ക് ചെണ്ടുമല്ലി കൃഷിക്ക് ആവശ്യമായ ഇരുപതിനായിരം തൈകൾ വിതരണം ചെയ്തു. ഗ്രാമപഞ്ചായത്ത് പ്രസിഡന്‍റ് പി.എസ്. രാമചന്ദ്രൻ ആദ്യഘട്ട വിതരണ ഉദ്ഘാടനം നടത്തി. ഗ്രാമപഞ്ചായത്തംഗം മോഹനൻ അധ്യക്ഷനായി. ഓരോ കൃഷിക്കൂട്ടത്തിനും 250 തൈകൾ വീതം 85 കൃഷിക്കൂട്ടങ്ങൾക്കാണ് തൈവിതരണം നടത്തിയത്.