കല്ലടിക്കോട്: ചുള്ളിയാംകുളത്തിനു സമീപം പാങ്ങിൽ വീടിനു മുൻപിൽ നിർത്തിയിട്ട കാർ രാത്രിയെത്തിയ കാട്ടാന തകർത്തു. പുലർച്ചെ 12.30 തോടെ ശബ്ദംകേട്ടതിനെ തുടർന്ന് വീട്ടുടമ പ്രദീപ് പുറത്തിറങ്ങി നോക്കുമ്പോൾ കാർ തകർക്കുന്ന കാട്ടാനയെയാണുകണ്ടത്.
കാറിന്‍റെ രണ്ടുഡോറും പുറകുഭാഗവും തകർത്തിട്ടുണ്ട്. വീട്ടുകാർ ബഹളംവച്ചതിനെ തുടർന്ന് ആന പിന്മാറുകയായിരുന്നു. രാത്രിയിൽ വീട്ടുമുറ്റത്തും കൃഷിയിടങ്ങളിലും എത്തുന്ന കാട്ടാനകൾ പ്രദേശത്ത് ഭീതി വരുത്തുന്നുണ്ട്.