ആ​ണ്ടി​പ്പാ​ട​ത്ത് യാ​ത്രി​ക​രെ വ​ല​ച്ച് ഗ​താ​ഗ​ത​ക്കു​രു​ക്ക്
Monday, July 8, 2024 1:48 AM IST
മ​ണ്ണാ​ർ​ക്കാ​ട്: ക​ലു​ങ്ക് നി​ർ​മാ​ണ​ത്തെ തു​ട​ർ​ന്ന് നെ​ല്ലി​പ്പു​ഴ- അ​ട്ട​പ്പാ​ടി റോ​ഡി​ലെ ആ​ണ്ടി​പ്പാ​ട​ത്ത് വ​ൻ ഗ​താ​ഗ​ത​ക്കു​രു​ക്ക്. ക​ലു​ങ്ക് നി​ർ​മാ​ണ​ത്തി​നാ​യി ഇ​വി​ടെ റോ​ഡ് മു​ഴു​വ​ൻ പൊ​ളി​ച്ചി​ട്ടി​രി​ക്കു​ക​യാ​ണ്.

റോ​ഡി​ന്‍റെ അ​റു​പ​ത് ശ​ത​മാ​ന​ത്തോ​ളം പൊ​ളി​ച്ച​തോ​ടെ വാ​ഹ​ന​ങ്ങ​ൾ തി​ങ്ങി​ഞെ​രു​ങ്ങി​യാ​ണ് ക​ട​ന്നു​പോ​കു​ന്ന​ത്. മാ​ത്ര​മ​ല്ല റോ​ഡി​ൽ മുഴുവൻ ചെ​ളിയും നി​റ​ഞ്ഞു. ഇ​തു​മൂ​ലം യാ​ത്ര​ക്കാ​രും വാ​ഹ​ന​ങ്ങ​ളും ബു​ദ്ധി​മു​ട്ടി​ലാ​യി. നെ​ല്ലി​പ്പു​ഴ ദാ​റു​ന്ന​ജാ​ത് ഹ​യ​ർ സെ​ക്ക​ൻ​ഡ​റി സ്കൂ​ൾ, കെ​എ​സ്ഇ​ബി എ​ന്നി​വ​യു​ടെ പ​രി​സ​ര​ത്താ​ണു റോ​ഡ് പൊ​ളി​ച്ചി​ട്ടി​രി​ക്കു​ന്ന​ത്.

നെ​ല്ലി​പ്പു​ഴ- ചി​ന്ന​ത്ത​ടാ​കം അ​ന്ത​ർ​സം​സ്ഥാ​ന പാ​ത​യു​ടെ നി​ർ​മാ​ണ​ത്തി​ന്‍റെ ഭാ​ഗ​മാ​യാ​ണ് ഇ​വി​ടെ റോ​ഡു​പ​ണി ന​ട​ക്കു​ന്ന​ത്. മ​ഴ ശ​ക്ത​മാ​യി പെ​യ്ത​തോ​ടെ റോ​ഡി​ന്‍റെ മി​ക്ക​ഭാ​ഗ​ത്തും റോ​ഡി​ൽ വി​രി​ച്ച പാ​റ​പ്പൊ​ടി​യും മെ​റ്റ​ലും ഒ​ഴു​കി​പ്പോ​യി. റോ​ഡി​ൽ ഒ​ന്നാ​കെ പല വലിപ്പത്തിലുള്ള കുഴികൾ രൂ​പ​പ്പെ​ട്ടു. മ​ഴ​വെ​ള്ള​പ്പാ​ച്ചി​ലി​ൽ ചി​ല​ഭാ​ഗ​ത്ത് വ​ലി​യ ചാ​ലു​ക​ളും രൂ​പ​പ്പെ​ട്ടി​ട്ടു​ണ്ട്. ഈ ​വ​ഴി​യി​ലൂ​ടെ വേ​ണം ആ​ളു​ക​ൾ​ക്കു സ​ഞ്ച​രി​ക്കു​വാ​ൻ.


ഇ​തി​ലൂ​ടെ സ​ഞ്ച​രി​ക്കു​ന്ന​വ​രു​ടെ വാ​ഹ​ന​ങ്ങ​ൾ കേ​ടാ​വു​ക​യും അ​പ​ക​ട​ത്തി​ൽ​പ്പെ​ടു​ക​യും ചെ​യ്യു​ന്ന​തു നി​ത്യ​സം​ഭ​വ​മാ​യി.

റോ​ഡു​നി​ർ​മാ​ണം ഏ​റ്റെ​ടു​ത്ത ക​രാ​ർ​ക​മ്പ​നി​ നി​ർ​മാ​ണ​പ്ര​വൃ​ത്തി​ക​ൾ മ​ന്ദ​ഗ​തി​യി​ലാ​ക്കി​യ​തും യാ​ത്രി​ക​ർ​ക്കു ദു​രി​ത​മാ​യി.

നെ​ല്ലി​പ്പു​ഴ​യി​ൽ നി​ന്നും ആ​ന​മൂളി​വ​രെ​യു​ള്ള ഒ​ന്പ​തു കി​ലോ​മീ​റ്റ​ർ ദൂ​രം ആ​ധു​നി​ക രീ​തി​യി​ൽ ടാ​ർ ചെ​യ്യു​ന്ന പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു എ​ട്ടു​മാ​സ​ത്തോ​ള​മാ​യി.

റോ​ഡി​ൽ വ​ലി​യ കു​ഴി​ക​ൾ രൂ​പ​പ്പെ​ട്ട​തോ​ടെ പ്ര​ദേ​ശ​വാ​സി​ക​ളും അ​ട്ട​പ്പാ​ടിയി​ലേ​ക്കു​ള്ള യാ​ത്ര​ക്കാ​രും ബു​ദ്ധി​മു​ട്ടി​രി​ക്കു​ക​യാ​ണ്.