ആ​റ​ന്മു​ള വ​ഴി​പാ​ട് വ​ള്ള​സ​ദ്യ​ക​ൾ നാളെ ആ​രം​ഭി​ക്കും
Thursday, June 20, 2024 4:07 AM IST
ആ​റ​ന്മു​ള: പാ​ർ​ഥ​സാ​ര​ഥി ക്ഷേ​ത്ര​ത്തി​ൽ വ​ഴി​പാ​ട് വ​ള്ള​സ​ദ്യ​ക​ൾ​ക്ക് നാളെ തു​ട​ക്ക​മാ​കും. ഒ​ക്ടോ​ബ​ർ ര​ണ്ടു​വ​രെ നീ​ളു​ന്ന​താ​ണ് വ​ള്ള​സ​ദ്യ​ക​ൾ. ഓ​രോ വ​ർ​ഷ​വും 500ൽ​പ​രം വ​ള്ള​സ​ദ്യ​ക​ളാ​ണ് ആ​റ​ന്മു​ള​യി​ൽ ന​ട​ക്കു​ന്ന​ത്. 52 പ​ള്ളി​യോ​ട​ങ്ങ​ളാ​ണ് വ​ള്ള​സ​ദ്യ​ക​ളി​ൽ പ​ങ്കെ​ടു​ക്കു​ന്ന​ത്. ഒ​രു​ ദി​വ​സം പ​ര​മാ​വ​ധി 15 പ​ള്ളി​യോ​ട​ങ്ങ​ൾ​ക്കാ​ണ് വ​ള്ള​സ​ദ്യ​ക​ൾ ക്ര​മീ​ക​രി​ക്കു​ന്ന​ത്.

ആ​റ​ന്മു​ള​ത്ത​നി​മ​യി​ൽ പാ​ച​കം ചെ​യ്യു​ന്ന 64 വി​ഭ​വ​ങ്ങ​ളും ഇ​തി​ൽ പാ​ട്ടു​പാ​ടി ചോ​ദി​ച്ചു വാ​ങ്ങു​ന്ന 20 വി​ഭ​വ​ങ്ങ​ളും വ​ള്ള​സ​ദ്യ​യു​ടെ പ്ര​ത്യേ​ക​ത​യാ​ണ്. കൂ​ടു​ത​ൽ വ​ള്ള​സ​ദ്യ​ക​ൾ ന​ട​ക്കു​ന്ന ​ദി​വ​സ​ങ്ങ​ളി​ൽ മു​ൻ​കാ​ല​ങ്ങ​ളി​ൽ ശ്ര​ദ്ധ​യി​ൽ​പ്പെ​ട്ടി​ട്ടു​ള്ള ചി​ല അ​പാ​ക​ത​ക​ൾ പ​രി​ഹ​രി​ച്ചു​കൊ​ണ്ടാ​യി​രി​ക്കും ഈ ​വ​ർ​ഷം വ​ള്ള​സ​ദ്യ​ക​ൾ സം​ഘ​ടി​പ്പി​ക്കു​ക​യെ​ന്ന് ഭാ​ര​വാ​ഹി​ക​ൾ പ​റ​ഞ്ഞു.

വ​ഴി​പാ​ടു​കാ​ര​ന്‍റെ ക്ഷ​ണ​മി​ല്ലാ​തെ എ​ത്തു​ന്ന​വ​രെ​യും ബ​ന്ധ​പ്പെ​ട്ട ക​ര​ക​ളി​ൽ​നി​ന്നു പാ​സ് ല​ഭി​ക്കാ​ത്ത​വ​രെ​യും സ​ദ്യ ന​ട​ക്കു​ന്ന സ്ഥ​ല​ത്തേ​ക്ക് പ്ര​വേ​ശി​പ്പി​ക്കി​ല്ല. സ​ദ്യാ​ല​യ​ങ്ങ​ൾ പൂ​ർ​ണ​മാ​യി കാ​മ​റാ നി​രീ​ക്ഷ​ണ​ത്തി​ലാ​ക്കി. പ​ള്ളി​യോ​ട​ത്തി​ലെ​ത്തു​ന്ന​വ​ർ​ക്ക് ബാ​ഡ്ജ് ന​ൽ​കും.

ക്ര​മീ​ക​ര​ണ​ങ്ങ​ൾ​ക്കാ​യി പ​ള്ളി​യോ​ട സേ​വാസം​ഘം 30 അം​ഗ ക​മ്മി​റ്റി​ക്ക് രൂ​പം ന​ൽ​കി​യി​ട്ടു​ണ്ട്. മു​ര​ളി ജി. ​പി​ള്ള ക​ൺ​വീ​ന​റാ​യും മ​നേ​ഷ് കു​മാ​ർ, ര​വീ​ന്ദ്ര​ൻ നാ​യ​ർ, വി​ജ​യ​ൻ നാ​യ​ർ​ എ​ന്നി​വ​ർ ജോ​യി​ന്‍റ് ക​ൺ​വീ​ന​ർ​മാ​രാ​യും പ്ര​വ​ർ​ത്തി​ക്കും.

ഓ​ഗ​സ്റ്റ് 26നു ​ന​ട​ക്കു​ന്ന അ​ഷ്ട​മി​രോ​ഹി​ണി വ​ള്ള​സ​ദ്യ​യ്ക്കു​ള്ള ഒ​രു​ക്ക​ങ്ങ​ളും ആ​രം​ഭി​ച്ചി​ട്ടു​ണ്ട്. ഒ​രു​ല​ക്ഷ​ത്തോ​ളം ആ​ളു​ക​ൾ പ​ങ്കെ​ടു​ക്കു​ന്ന അ​ഷ്ട​മി​രോ​ഹി​ണി വ​ള്ള​സ​ദ്യ ദേ​വ​സ്വം ബോ​ർ​ഡ്, ഭ​ക്ത​ജ​ന​ങ്ങ​ൾ എ​ന്നി​വ​രു​ടെ സ​ഹ​ക​ര​ണ​ത്തോ​ടെ പ​ള്ളി​യോ​ട സേ​വാ​സം​ഘ​മാ​ണ് സം​ഘ​ടി​പ്പി​ക്കു​ന്ന​ത്.

Copyright @ 2022 , Rashtra Deepika Ltd.