ചെ​ങ്ക​ല്‍ ക്വാ​റി ഉ​ട​മ​ക​ള്‍ പ്ര​ക്ഷോ​ഭ​ത്തി​ലേ​ക്ക്
Friday, September 13, 2024 1:30 AM IST
കാ​സ​ര്‍​ഗോ​ഡ്: ചെ​ങ്ക​ല്‍ ക്വാ​റി​ക​ള്‍​ക്ക് പെ​ര്‍​മി​റ്റ് അ​നു​വ​ദി​ക്കാ​തെ, പെ​ര്‍​മി​റ്റി​ന്‍റെ പേ​രി​ല്‍ ല​ക്ഷ​ക​ണ​ക്കി​ന് പി​ഴ ചു​മ​ത്തു​ന്ന​താ​യി ക്വാ​റി ഉ​ട​മ​ക​ള്‍ ആ​രോ​പി​ച്ചു. നി​ര്‍​മാ​ണ മേ​ഖ​ല​യ്ക്ക് അ​ത്യാ​വ​ശ്യ​മാ​യ ചെ​ങ്ക​ല്ല് കൊ​ണ്ട് പോ​കു​ന്ന വ​ണ്ടി​ക​ളെ പി​ഴ ചു​മ​ത്തി വി​ട്ട് ന​ല്കാ​തെ മാ​സ​ങ്ങ​ളോ​ളം വി​ല്ലേ​ജ് ഓ​ഫീ​സു​ക​ളി​ലും താ​ലൂ​ക്ക് ഓ​ഫീ​സു​ക​ളി​ലും വ​ച്ച് നി​ര​ന്ത​രം ബു​ദ്ധി​മു​ട്ടി​ക്കു​ന്നു.

എ​ന്നാ​ല്‍ മ​റ്റു ജി​ല്ല​ക​ളി​ലൊ​ക്കെ പി​ടി​ച്ചെ​ടു​ത്ത വ​ണ്ടി​ക​ള്‍ ജി​ല്ല ജി​യോ​ള​ജി​സ്റ്റി​ന് കൈ​മാ​റി പി​ഴ ചു​മ​ത്തി ര​ണ്ടോ മൂ​ന്നോ ദി​വ​സം കൊ​ണ്ട് വി​ട്ട് ന​ല്കു​ന്നു. വ​ണ്ടി​ക​ള്‍ മാ​സ​ങ്ങ​ളോ​ളം വി​ല്ലേ​ജ് ഓ​ഫീ​സി​ലും താ​ലൂ​ക്ക് ഓ​ഫീ​സു​ക​ളി​ലും പി​ടി​ച്ചു​വെ​ക്കു​ന്ന​ത് കൊ​ണ്ട് പ്ര​തി​മാ​സം ലോ​ണ്‍ അ​ട​വ് കൂ​ടി അ​ട​യ്ക്കാ​ന്‍ പ​റ്റാ​തെ​യും,അ​തി​ല്‍ ജോ​ലി ചെ​യ്യു​ന്ന തൊ​ഴി​ലാ​ളി​ക​ള്‍​ക്ക് തൊ​ഴി​ലി​ല്ലാ​തെ​യും ആ​ത്മ​ഹ​ത്യ​യു​ടെ വ​ക്കി​ലെ​ത്തി​ച്ചേ​രു​ന്നു.

കാ​സ​ര്‍​ഗോ​ഡ് ജി​ല്ല​യി​ല്‍ മാ​ത്ര​മു​ള്ള ഇ​ത്ത​രം പീ​ഡ​ന​ങ്ങ​ള്‍​ക്ക് വ​ര്‍​ഷ​ങ്ങ​ള്‍ പി​ന്നി​ട്ടി​ട്ടും അ​ധി​കൃ​ത​രു​ടെ ഭാ​ഗ​ത്ത് നി​ന്നും യാ​തൊ​രു തീ​രു​മാ​ന​വും ആ​യി​ട്ടി​ല്ല. ജി​ല്ല ക​ള​ക്‌​ട​ര്‍​ക്ക് പ​രാ​തി ന​ല്കി​യി​ട്ടും പ​രി​ഹാ​രം കാ​ണാ​ത്ത​തി​നാ​ല്‍ ജി​ല്ല​യി​ലെ മു​ഴു​വ​ന്‍ ചെ​ങ്ക​ല്ല് ക്വാ​റി​ക​ളും നി​ര്‍​ത്തി​വെ​ച്ച് തൊ​ഴി​ലാ​ളി​ക​ളും തൊ​ഴി​ലു​ട​മ​ക​ളും 16 മു​ത​ല്‍ അ​നി​ശ്ചി​ത കാ​ല സ​മ​ര​ത്തി​ന് ആ​ഹ്വാ​നം ചെ​യ്തി​രി​ക്കു​ക​യാ​ണ്.


ഇ​തി​ന്‍റെ ഭാ​ഗ​മാ​യി 19നു ​ക​ള​ക്‌​ട​റേ​റ്റ് മാ​ര്‍​ച്ചും ധ​ര്‍​ണ​യും സം​ഘ​ടി​പ്പി​ക്കു​വാ​നും 20 മു​ത​ല്‍ ക​ള​ക്‌​ട​റേ​റ്റ് പ​രി​സ​ര​ത്ത് അ​നി​ശ്ചി​ത​കാ​ല റി​ലേ നി​രാ​ഹാ​ര സ​മ​രം ന​ട​ത്തു​വാ​നും തീ​രു​മാ​നി​ച്ചു.

പ​ത്ര​സ​മ്മേ​ള​ന​ത്തി​ല്‍ സം​സ്ഥാ​ന പ്ര​സി​ഡ​ന്‍റ് നാ​രാ​യ​ണ​ന്‍ കൊ​ള​ത്തൂ​ര്‍, ജി​ല്ലാ ജ​ന​റ​ല്‍ സെ​ക്ര​ട്ട​റി ഹു​സൈ​ന്‍ ബേ​ര്‍​ക്ക, ട്ര​ഷ​റ​ർ എം. ​വി​നോ​ദ്കു​മാ​ര്‍, എം.​പി. ഉ​മ്മ​ര്‍ എ​ന്നി​വ​ര്‍ സം​ബ​ന്ധി​ച്ചു.