|
Back to Home |
|
ഇനി വിലമാറ്റത്തിന്‍റെ നാളുകൾ
|
|
|
ചരക്കു സേവന നികുതി (ജിഎസ്ടി) നടപ്പായതോടെ രാജ്യത്ത് ചില പ്രധാന മേഖലകളിൽ വലിയ വിലമാറ്റം നിലവിൽ വന്നിട്ടുണ്ട്. മൊബൈൽ ഫോണുകൾ, അവശ്യവസ്തുക്കൾ, കാർ, ബൈക്ക് തുടങ്ങി പ്രധാന മേഖലകളിലെല്ലാം വിലമാറ്റം പ്രാബല്യത്തിൽ വന്നു.
മൊബൈൽ ഫോൺ
ഐ ഫോൺ, ഐപാഡ്, മാക്, ആപ്പിൾ വാച്ച് തുടങ്ങിയവയ്ക്കൊക്കെ വില കുറച്ചെന്ന് ആപ്പിൾ കമ്പനി ശനിയാഴ്ചതന്നെ പ്രഖ്യാപിച്ചിരുന്നു. ആപ്പിൾ ഫോണുകൾക്ക് വിലയിൽ ഏകദേശം 7.5 ശതമാനമാണ് കുറവുണ്ടായത്.
കാറുകൾ
ആഡംബര കാറായ ഡിസ്കവറി സ്പോർട് (5+2 സീറ്റ്) ആണ് വിലക്കുറവിൽ മുന്നിൽ. ഈ മോഡലിന്‍റെ വിലയിൽ നാലു ലക്ഷത്തോളം രൂപ കുറഞ്ഞു. ഡീസൽ, പെട്രോൾ മോഡലുകൾക്ക് ഈ വിലക്കുറവുണ്ട്. ചെറുകാറുകളുടെ നിർമാതാക്കളായ മാരുതിയുടെ വാഗൺ ആർ, ആൾട്ടോ 800 തുടങ്ങിയ മോഡലുകൾക്ക് ചില ആയിരങ്ങൾ മാത്രമേ കുറഞ്ഞിട്ടുള്ളൂ.
ഫോർഡ് ഇന്ത്യ തങ്ങളുടെ വാഹനങ്ങൾക്ക് 4.5 ശതമാനം വരെ വില കുറച്ചു. കമ്പനിയുടെ എസ്‌യുവി മോഡലായ എൻഡവറിനാണ് ഏറ്റവും കൂടുതൽ വില കുറഞ്ഞിരിക്കുന്നത്; മൂന്നു ലക്ഷം രൂപ.
ഹോണ്ട കാറുകൾക്ക് 1.31 ലക്ഷം രൂപ വരെയാണു വിലയിൽ കുറവ്. അതേസമയം, കമ്പനിയുടെ ഹൈബ്രിഡ് വാഹനമായ അക്കോർഡിനു വില കയറും.
ഹോണ്ട കാർസ് ഇന്ത്യ (മോഡലുകൾക്ക് കുറച്ച തുക രൂപയിൽ)
ബ്രിയോ 12,279
അമേസ് 14,825
ജാസ് 10,031
ഡബ്ല്യുആർവി 10,064
സിറ്റി 16,510 - 28,005
ബിആർവി 30,387
സിആർവി 1,31,663
ബൈക്ക്
മുൻനിര ഇരുചക്ര വാഹനനിർമാതാക്കളായ ടിവിഎസ് മോട്ടോർ ലിമിറ്റഡ് വാഹനങ്ങളുടെ വില കുറച്ചു. കമ്യൂട്ടർ സെഗ്‌മെന്‍റിൽ 350 രൂപ മുതൽ 1,500 രൂപ വരെയാണ് കുറച്ചിരിക്കുന്നത്. അതേസമയം പ്രീമിയം സെഗ്‌മെന്‍റിൽ 4,150 രൂപ വരെയാണ് കുറഞ്ഞിരിക്കുന്നത്.
ഹീറോ മോട്ടോ കോർപ്പാകട്ടെ ജിഎസ്ടി പ്രമാണിച്ച് 400നും 1,800 രൂപയ്ക്കും ഇടയിൽ വില കുറച്ചു.
നിത്യോപയോഗ ഉത്പന്നങ്ങൾ
നിത്യോപയോഗ ഉത്പന്നങ്ങളായ സോപ്പ്, ഡിറ്റർജന്‍റ് ബാറുകൾ തുടങ്ങിയവയ്ക്ക് വില കുറയും. ജിഎസ്ടി നിരക്ക് 18 ശതമാനമായതാണ് വില കുറയാൻ കാരണം. രാജ്യത്തെ ഏറ്റവും വലിയ നിത്യോപയോഗ ഉത്പന്നനിർമാതാക്കളായ ഹിന്ദുസ്ഥാൻ യുണിലിവർ വിലക്കുറവ് പ്രഖ്യാപിച്ചു. കമ്പനിയുടെ റിൻ ഡിറ്റർജെന്‍റ് ബാറുകൾക്കു വില കുറച്ചപ്പോൾ സർഫ് എക്സൽ ബാറുകളുടെ തൂക്കം കൂട്ടുകയാണു ചെയ്തത്. അതേസമയം പിയേഴ്സ്, ഡോവ് സോപ്പുകൾക്ക് 33 ശതമാനം തൂക്കം കൂടും.
|
|
|
|
|
|
|
|
|
ജിഎസ്ടി നിരക്കുകൾ
|
|
|
|
|
|
|
|