ന്യൂയോർക്ക്: മാർത്തോമ സഭ മുൻ അധ്യക്ഷൻ പത്മഭൂഷണ്‍ ഡോ. ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലീത്ത കാലം ചെയ്ത വാർത്ത ലോകമെന്പാടുമുള്ള മലയാളികളും, വിശ്വാസികളും വളരെ വേദനയോടെയാണ് ശ്രവിച്ചത്. ജ·സിദ്ധമായ നർമവാസന കൊണ്ടും, ജീവിതത്തിലുടനീളം പുലർത്തിയ ലാളിത്യം കൊണ്ടും, ജാതി-മതഭേദമന്യേ എല്ലാ ജനഹൃദയങ്ങളിലും ഇടംനേടിയ ക്രിസോസ്റ്റമിന്റെ വേർപാട് മലയാളികൾക്കെല്ലാം തീരാ നഷ്ടമാണ്. ക്രൈസ്തവ സഭകളിൽ ഏറ്റവും കൂടുതൽ കാലം ബിഷപ്പായിരുന്ന ക്രിസോസ്റ്റം തിരുമേനി പ്രമുഖ ആത്മീയ പ്രഭാഷകനും, രാഷ്ട്രീയ, സാമൂഹ്യ സാംസ്കാരിക മണ്ഡലങ്ങളിലെ നിറ സാന്നിധ്യവുമായിരുന്നു.
അശരണരുടെ കണ്ണീരൊപ്പുന്നതിനും അവർക്കാശ്വാസം പകരാനുമായി ജീവിതം ഉഴിഞ്ഞുവച്ച ശ്രേഷ്ഠ പുരോഹിതനായ ക്രിസോസ്റ്റം തിരുമേനിയുടെ വേർപാടിൽ എല്ലാ മലയാളികളോടോപ്പവും, വിശ്വാസ സമൂഹത്തോടൊപ്പവും ഫോമയും പങ്കുചേരുന്നു. അഭിവന്ദ്യ തിരുമേനിയെ അനുസ്മരിക്കുന്നതിനും അനുശോചനം രേഖപ്പെടുത്താനും ഫോമയുടെ നേതൃത്വത്തിൽ മേയ് 11 ചൊവ്വാഴ്ച ഈസ്റ്റേണ്‍ സ്റ്റാൻഡേർഡ് സമയം വൈകിട്ട് എട്ടിന് അനുസ്മരണ സമ്മേളനം നടക്കും. അനുസ്മരണ യോഗത്തിൽ സാമൂഹ്യ-സാംസ്കാരിക രംഗത്തുള്ളവരും, വിവിധ മത മേലധ്യക്ഷ·ാരും അഭിവന്ദ്യരുമായ സിറിയക് ഓർത്തഡോക്സ് മെത്രോപ്പോലീത്ത അയൂബ് മാർ സിൽവാനിയോസ്, റൈറ്റ് റെവറന്‍റ് ഡോ. ഐസക് മാർ ഫിലോക്സിനോസ് , ഓക്സിലിയറി ബിഷപ് മാർ ജോയ് ആലപ്പാട്ട്, സക്കറിയ മാർ നിക്കോളോവാസ് മെത്രോപ്പോലീത്ത എന്നിവർ അദ്ദേഹത്തെ അനുസ്മരിച്ച് പ്രഭാഷണം നടത്തും.
മുൻ രാജ്യസഭാംഗവും , എംഎൽഎയും, പത്രപ്രവർത്തകനുമായ പി. രാജീവ് എംഎൽഎ , പ്രശസ്ത സിനിമാ സംവിധായകൻ ബ്ലെസി, വർഗീസ് മാമ്മൻ തുടങ്ങിയവർ കേരളത്തിൽ നിന്നും സംസാരിക്കും.
എകഐംജി പ്രസിഡന്‍റ് ഡോ സുബ്രമണ്യ ഭട്ട് , നൈന പ്രസിഡന്‍റ് ഡോ ആഗ്നസ് തേർഡി , കഐച്ച് എൻ എ പ്രസിഡന്‍റ് സതീശൻ അന്പാടി, ന· പ്രസിഡന്‍റ് ഫിറോസ് മുസ്തഫ തുടങ്ങിയവർ അനുശോചന യോഗത്തിൽ പങ്കെടുത്തു സംസാരിക്കും.
എല്ലാ നല്ലവരായ മലയാളികളും, അനുസ്മരണ സമ്മേളനത്തിൽ സൂം ഐ.ഡി. 958 0353 7253 എന്ന ലിങ്കു വഴി പങ്കെടുക്കണമെന്ന് ഫോമാ പ്രസിഡന്‍റ് ശ്രീ അനിയൻ ജോർജ്, ജനറൽ സെക്രട്ടറി ടി.ഉണ്ണികൃഷ്ണൻ, ട്രഷറർ തോമസ് ടി ഉമ്മൻ, വൈസ് പ്രസിഡന്‍റ് പ്രദീപ് നായർ,ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറർ ബിജു തോണിക്കടവിൽ എന്നിവർ അഭ്യർഥിച്ചു.
റിപ്പോർട്ട്: ടി. ഉണ്ണികൃഷ്ണൻ