ബ​ന്ധു​ക്ക​ൾ ഏറ്റെടുക്കാത്ത മൃതദേഹം ഒ​ടു​വി​ല്‍ അന്ത്യകർമം ചെയ്തത് സീ​നി​യ​ർ ന​ഴ്സിം​ഗ് ഓ​ഫീ​സ​ർ
Friday, May 10, 2024 11:08 PM IST
കൊല്ലം: അ​നാ​ഥ​നാ​യി മ​രി​ച്ച് അ​ഞ്ചു​മാ​സംബ​ന്ധു​ക്ക​ൾ ഏറ്റെടുക്കാത്തസലീമിന്‍റെ മൃതദേഹംഒ​ടു​വി​ല്‍ അന്ത്യകർമം ചെയ്തത് സീ​നി​യ​ർ ന​ഴ്സിം​ഗ് ഓ​ഫീ​സ​റാ​യ സു​ര​ഭി.

കൊ​ല്ലം ജി​ല്ലാ​ആ​ശു​പ​ത്രി​യി​ൽ​ മ​ര​ണ​പ്പെ​ട്ട 54കാ​ര​ൻ സ​ലീ​മി​ന്‍റെ മൃ​ത​ദേ​ഹ​മാ​ണ് അ​ഞ്ച് മാ​സ​മാ​യി​ട്ടും ഏ​റ്റെ​ടു​ക്കാ​നാ​രു​മെ​ത്താ​തെ കി​ട​ന്ന​ത്. മൃ​ത​ദേ​ഹം സ​ര്‍​ക്കാ​ര്‍ ഉ​ത്ത​ര​വ​നു​സ​രി​ച്ച് പ​ഠ​നാ​വ​ശ്യ​ത്തി​ന് വി​ട്ടു​ന​ല്‍​കു​ന്ന​തി​ന് മു​മ്പ് ജീവിച്ചിരുന്ന കു​റേ നാ​ള്‍ അ​ന്ന​മൂ​ട്ടു​ക​യും ആ​ശ്വാ​സ​വ​ച​ന​ങ്ങ​ള്‍ പ​റ​യു​ക​യും ചെ​യ്ത ബ​ന്ധ​ത്തി​ല്‍ അ​ന്ത്യ​ക​ര്‍​മങ്ങ​ള്‍ സ​ലി​മീ​ന്‍റെ മ​താ​ചാ​ര​പ്ര​കാ​രം സു​ര​ഭി ന​ട​ത്തു​ക​യാ​യി​രു​ന്നു.

കൊ​ല്ലം ജി​ല്ലാ ആ​ശു​പ​ത്രി​യി​ലെ സീ​നി​യ​ർ ന​ഴ്സിം​ഗ് ഓ​ഫീ​സ​ര്‍ പ​ടി​ഞ്ഞാ​റേ​ക​ല്ല​ട സ്വ​ദേ​ശി​നി സു​ര​ഭി​യാ​ണ് അ​ധി​ക​മാ​രും ചെ​യ്യാ​ന്‍ താ​ല്‍​പ​ര്യ​പ്പെ​ടാ​ത്ത ​ക​ര്‍​മം ന​ട​ത്തി​യ​ത്.

ക​ഴി​ഞ്ഞ ഡി​സം​ബ​റി​ൽ സു​ര​ഭി​യു​ടെ അ​ച്ഛ​ന് പ​ക്ഷാ​ഘാ​തം ബാ​ധി​ച്ച​തി​നെ തു​ട​ർ​ന്ന് ജി​ല്ലാ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചി​രുന്നു. ​ഈ​സ​മ​യ​ത്ത് ആ​ണ് വ​ഴി​യോ​ര​ത്ത് വീ​ണു​കി​ട​ന്ന സ​ലി​മി​നെ പോലീ​സ് എ​ത്തി​ക്കു​ന്ന​ത്. സു​ര​ഭി​യു​ടെ പി​താ​വി​ന്‍റെ തൊ​ട്ട​ടു​ത്തു​ള്ള കി​ട​ക്ക​യി​ലാ​ണ് സ​ലീ​മി​നെ കി​ട​ത്തി​യി​രു​ന്ന​ത്. എ​ല്ലാ​ദി​വ​സ​വും അ​ച്ഛ​നെ കാ​ണു​വാ​നും ഭ​ക്ഷ​ണം കൊ​ടു​ക്കു​വാ​നും പോ​കു​ന്ന അ​വ​സ​ര​ത്തി​ൽ സ​ലീ​മി​നും സു​ര​ഭി ഭ​ക്ഷ​ണം ക​രു​തി.

കു​റേ ദി​വ​സ​ങ്ങ​ൾ​ക്ക് ശേ​ഷം സ​ലിം മ​രി​ച്ചു. മൃ​ത​ദേ​ഹം ഏ​റ്റു​വാ​ങ്ങു​വാ​ൻ ആ​രും എ​ത്താ​ത്ത​തി​നെ തു​ട​ർ​ന്ന് മോ​ർ​ച്ച​റി​യി​ലേ​ക്ക്‌ മാ​റ്റി. അ​ന്ന് പോ​ലീ​സ്‌​സ​ർ​ജ​നോ​ട് അ​വ​കാ​ശി​ക​ൾ ആ​രും​ത​ന്നെ എ​ത്തി​യി​ല്ലെ​ങ്കി​ൽ സ​ലീ​മി​ന് മ​താ​ചാ​ര​പ്ര​കാ​ര​മു​ള്ള മ​ര​ണാ​ന​ന്ത​ര ക​ർ​മങ്ങ​ൾ ചെ​യ്യു​വാ​ൻ ത​നി​ക്ക് അ​വ​സ​രം ത​ര​ണ​മെ​ന്ന് സു​ര​ഭി അ​ഭ്യ​ര്‍​ഥിച്ചി​രു​ന്നു.

അ​ഞ്ചു​മാ​സ​മാ​യി ആ​രും എ​ത്തി​യി​ല്ല.​ ക​ഴി​ഞ്ഞ​ദി​വ​സം സ​ലീ​മി​ന്‍റെ മൃ​ത​ദേ​ഹം കൊ​ല്ലത്തെ ഒരു സ്വകാര്യ മെ​ഡി​ക്ക​ൽ​കോ​ള​ജി​ലെ​ കു​ട്ടി​ക​ളു​ടെ പ​ഠ​നാ​വ​ശ്യ​ത്തി​നാ​യി ന​ൽ​കാ​ൻ സ​ർ​ക്കാ​ർ ഉ​ത്ത​ര​വാ​യ വി​വ​രം പോലീ​സ് അ​റി​യി​ച്ചു.

വി​വ​ര​മ​റി​ഞ്ഞ് സു​ര​ഭി കൊ​ല്ലം ജു​മാ​മ​സ്ജി​ദി​ൽ നി​ന്നും മ​ത​പ​ണ്ഡി​ത​രെ ക്ഷ​ണി​ച്ചു വ​രു​ത്തി മ​ര​ണാ​ന​ന്ത​ര ക​ർ​മങ്ങ​ളും പ്രാ​ർഥ​ന​ക​ളും ന​ട​ത്തി​ച്ചു. ഇ​തി​നു ശേ​ഷ​മാ​ണ് മൃ​ത​ദേ​ഹം മെ​ഡി​ക്ക​ൽ കോ​ളജി​ന് കൈ​മാ​റി​യ​ത്.

ഇ​തി​നാ​യി വേ​ണ്ടി​വ​ന്ന ചെല​വു​ക​ള്‍ മു​ഴു​വ​ന്‍‍ സു​ര​ഭി നേ​രി​ട്ടു വ​ഹി​ക്കു​ക​യും ചെ​യ്തു. യാ​ത്ര​യാ​ക്കു​മ്പോ​ള്‍ അ​നാ​ഥ​ത്വ​ത്തി​ല്‍ മ​ര​വി​ച്ച സ​ലി​മി​ന്‍റെ ഹൃ​ദ​യ​ത്തി​ന് സാ​ന്ത്വ​ന​മാ​യി മൃ​ത​ദേ​ഹ​ത്തി​ല്‍ ഒ​രു കു​റി​പ്പു​ണ്ടാ​യി​രു​ന്നു ....സ​ലിം, കെയർഓഫ് സു​ര​ഭി​മോ​ഹ​ന്‍, സീ​നി​യ​ര്‍ ന​ഴ്സിം​ങ് ഓ​ഫി​സ​ര്‍, ജി​ല്ലാ ആ​ശു​പ​ത്രി, കൊ​ല്ലം.

പ​ടി​ഞ്ഞാ​റേ​ക​ല്ല​ട കോ​ത​പു​രം ആ​വ​ണി നി​ല​യ​ത്തി​ൽ റി​ട്ട. ഹെ​ൽ​ത്ത് ഇ​ൻ സ്പെ​ക്ട​ർ മോ​ഹ​നാ​ണ് ഭ​ർ​ത്താ​വ്. മ​ക്ക​ൾ: നൃ​ത്ത​അധ്യാ​പി​ക​യാ​യ ആ​വ​ണി​മോ​ഹ​ൻ , കൊ​ല്ലം​ജി​ല്ലാ ആ​ശു​പ​ത്രി യി​ലെ ര​ണ്ടാം വ​ർ​ഷ ന​ഴ്‌​സിം​ഗ് വി​ദ്യാ​ർ​ത്ഥി​നി​യായ അ​ൽ​ക്ക മോ​ഹ​ൻ.

Copyright @ 2022 , Rashtra Deepika Ltd.