റേ​ഷ​ൻ ക​ട​ക​ൾ അ​ട​ച്ചി​ട്ട് സ​മ​രം നടത്തും
Wednesday, February 28, 2024 1:34 AM IST
കാ​സ​ർ​ഗോ​ഡ്: വി​വി​ധ ആ​വ​ശ്യ​ങ്ങ​ൾ ഉ​ന്ന​യി​ച്ചു​കൊ​ണ്ട് സം​സ്ഥാ​ന​ത്തെ റേ​ഷ​ൻ വ്യാ​പാ​രി​ക​ൾ മാ​ർ​ച്ച് ഏ​ഴി​ന് റേ​ഷ​ൻ ക​ട​ക​ൾ അ​ട​ച്ചി​ട്ട് സ​മ​രം ന​ട​ത്തു​മെ​ന്ന് റേ​ഷ​ൻ വ്യാ​പാ​രി കോ-​ഓ​ർ​ഡി​നേ​ഷ​ൻ ക​മ്മി​റ്റി ജി​ല്ലാ ക​ൺ​വ​ൻ​ഷ​ൻ അ​റി​യി​ച്ചു. സെ​ക്ര​ട്ടേ​റി​യ​റ്റി​ലേ​ക്കും ജി​ല്ലാ ആ​സ്ഥാ​ന​ങ്ങ​ളി​ലേ​ക്കും മാ​ർ​ച്ചും ന​ട​ത്തും.

സം​സ്ഥാ​ന​ത്ത് ഭ​ക്ഷ്യ സു​ര​ക്ഷാ​നി​യ​മം ന​ട​പ്പി​ലാ​ക്കു​മ്പോ​ൾ റേ​ഷ​ൻ വ്യാ​പാ​രി​ക​ളു​ടെ സേ​വ​ന വേ​ത​ന വ്യ​വ​സ്ഥ​ക​ൾ ആ​റ് മാ​സ​ത്തി​നു​ള്ളി​ൽ പ​രി​ഷ്ക​രി​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന​ൽ​കി​യ ഉ​റ​പ്പ് അ​ഞ്ച് വ​ർ​ഷ​മാ​യി​ട്ടും ന​ട​പ്പാ​യി​ട്ടി​ല്ല. കോ​വി​ഡ് കാ​ല​ത്ത് ജ​ന​ങ്ങ​ളെ​ല്ലാം ജീ​വ​ര​ക്ഷാ​ർ​ഥം വീ​ട്ടി​ലി​രി​ക്കു​മ്പോ​ഴും സ​ർ​ക്കാ​ർ ന​ല്കി​യ പ​ഴം​തു​ണി കൊ​ണ്ടു​ള്ള മാ​സ്കു​മാ​യി ഭ​ക്ഷ്യ​ധാ​ന്യ വി​ത​ര​ണ​വും കി​റ്റ് വി​ത​ര​ണ​വും നി​ർ​വ​ഹി​ക്കേ​ണ്ടി വ​ന്ന​വ​രാ​ണ് റേ​ഷ​ൻ വ്യാ​പാ​രി​ക​ൾ.
63 റേ​ഷ​ൻ വ്യാ​പാ​രി​ക​ളാ​ണ് സം​സ്ഥാ​ന​ത്ത് കോ​വി​ഡ് പി​ടി​പെ​ട്ട് മ​ര​ണ​മ​ട​ഞ്ഞ​ത്. കി​റ്റ് വി​ത​ര​ണം ന​ട​ത്തി​യ​തി​നു​പോ​ലും റേ​ഷ​ൻ വ്യാ​പാ​രി​ക​ൾ​ക്ക് ഒ​ന്നും ന​ൽ​കി​യി​ല്ല.

ക്ഷേ​മ​നി​ധി​യു​ടെ പേ​രി​ൽ റേ​ഷ​ൻ വ്യാ​പാ​രി​ക​ൾ​ക്ക് ല​ഭി​ക്കു​ന്ന തു​ച്ഛ​മാ​യ ക​മ്മീ​ഷ​നി​ൽ നി​ന്നു​പോ​ലും പി​ടി​ച്ചു​പ​റി​ക്കു​ന്ന നി​ല​യാ​ണ്. അ​രി​വി​ഹി​തം വെ​ട്ടി​ക്കു​റ​ച്ച​തോ​ടെ വ്യാ​പാ​രി​ക​ൾ​ക്ക് ല​ഭി​ക്കു​ന്ന ശ​രാ​ശ​രി പ്ര​തി​മാ​സ ക​മ്മീ​ഷ​ൻ 18000 രൂ​പ​യി​ൽ താ​ഴെ​യാ​യി.

മു​റി വാ​ട​ക​യും വൈ​ദ്യു​ത​ച്ചെ​ല​വും സ​ഹാ​യി​യു​ടെ വേ​ത​ന​വും ക​ഴി​ച്ചാ​ൽ ജീ​വി​ക്കാ​നു​ള്ള കാ​ശു​പോ​ലും കി​ട്ടാ​തെ​യാ​യി. റേ​ഷ​ൻ കാ​ർ​ഡ് സം​ബ​ന്ധി​യാ​യ എ​ന്ത് ജോ​ലി ചെ​യ്താ​ലും അ​ക്ഷ​യ കേ​ന്ദ്ര​ങ്ങ​ൾ​ക്ക് 50 രൂ​പ ഫീ​സ് വാ​ങ്ങാം.

പ​ക്ഷേ സം​സ്ഥാ​ന​ത്തെ ഒ​ന്ന​ര​ക്കോ​ടി​യോ​ളം വ​രു​ന്ന ബി​പി​എ​ൽ, എ​എ​വൈ കാ​ർ​ഡ് അം​ഗ​ങ്ങ​ളു​ടെ മ​സ്റ്റ​റിം​ഗ് ജോ​ലി​ക​ൾ ദൈ​നം​ദി​ന ജോ​ലി​ത്തി​ര​ക്കി​നി​ട​യി​ലും അ​വ​ധി ദി​വ​സ​ങ്ങ​ളി​ലും ചെ​യ്തു​തീ​ർ​ക്കേ​ണ്ടി​വ​രു​ന്ന റേ​ഷ​ൻ വ്യാ​പാ​രി​ക​ൾ​ക്ക് ഉ​പ​ഭോ​ക്താ​ക്ക​ളോ സ​ർ​ക്കാ​രോ പ്ര​തി​ഫ​ല​മൊ​ന്നും ന​ല്കേ​ണ്ട​തി​ല്ലെ​ന്നാ​ണ് സ​ർ​ക്കാ​ർ നി​ല​പാ​ടെ​ന്നും സം​ഘ​ട​നാ നേ​താ​ക്ക​ൾ ചൂ​ണ്ടി​ക്കാ​ട്ടി.

എം. ​സു​രേ​ശ​ൻ മേ​ലാ​ങ്കോ​ട് അ​ധ്യ​ക്ഷ​ത വ​ഹി​ച്ചു, ബാ​ല​കൃ​ഷ്ണ ബ​ല്ലാ​ൾ, പി. ​ശ​ര​ത്ത്, സ​തീ​ശ​ൻ ഇ​ട​വേ​ലി, പി.​കെ. അ​ബ്ദു​ൾ റ​ഹി​മാ​ൻ, എ. ​ന​ട​രാ​ജ​ൻ, കെ.​സി. ര​വി, സ​ജീ​വ് പാ​ത്തി​ക്ക​ര, കെ.​പി. ത​മ്പാ​ൻ, കെ. ​ശ​ശി​ധ​ര​ൻ, കെ.​എ​ൻ. ഹ​രി​ദാ​സ്, ച​ര​ൺ ബ​ന്തി​യോ​ട്, ജോ​ഷി ജോ​ർ​ജ് എ​ന്നി​വ​ർ പ്ര​സം​ഗി​ച്ചു.