മങ്കട: ജില്ലാ പഞ്ചായത്തിന്‍റെ വാർഷിക പദ്ധതിയിലുൾപ്പെടുത്തി മങ്കട ഗ്രാമപഞ്ചായത്തിൽ നിർമിക്കുന്ന സീനിയർ സിറ്റിസണ്‍ റിക്രിയേഷൻ സെന്‍ററായ പകൽ വീടിന്‍റെ നിർമാണോദ്ഘാടനം ജില്ലാ പഞ്ചായത്ത് പ്രസിഡന്‍റ് എംകെ. റഫീഖ നിർവഹിച്ചു. ജില്ലാ പഞ്ചായത്ത് 30 ലക്ഷം രൂപ വകയിരുത്തിയാണ് സെന്‍റർ നിർമിക്കുന്നത്. മരണപ്പെട്ട ഹൈസ്കൂൾ അധ്യാപിക സരളയുടെ മകൻ രാഹുൽ ഗ്രാമപഞ്ചായത്തിന് സൗജന്യമായി നൽകിയ ഭൂമിയിലാണ് കേന്ദ്രം നിർമിക്കുന്നത്.
ഗ്രാമപഞ്ചായത്ത് പ്രസിഡന്‍റ് അഡ്വ. കെ. അസ്ഗർ അലി അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് ടി.എ കരീം, ജില്ലാ പഞ്ചായത്ത് മെംബർ ഷഹർബാനു, ടി.കെ ശശീന്ദ്രൻ, സെലീന ഉമ്മർ, അബ്ബാസ് അലി പോട്ടേങ്ങൽ, റുമൈസ കുന്നത്ത്, മുസ്തഫ കളത്തിൽ, ദീപ, വാസുദേവൻ, അബ്ദുസലാം, അലി അക്ബർ, ഉഷാദേവി, രാഹുൽ എസ്. അരവിന്ദ്, സെക്രട്ടറി വിവേകാനന്ദൻ, സമദ് മങ്കട, പി.കെ കുഞ്ഞാലിക്കുട്ടി എന്ന വാപ്പു തുടങ്ങിയവർ പ്രസംഗിച്ചു.