ഷവോമി 15 ഇന്ത്യയിലെത്തി; വില്പന ഏപ്രില് മുതല്
Friday, March 14, 2025 12:47 PM IST
ചൈനീസ് സ്മാര്ട്ട്ഫോണ് ഭീമന്മാരായ ഷവോമി ഇന്ത്യയില് ഷവോമി 15, ഷവോമി 15 അള്ട്ര എന്നീ രണ്ട് സ്മാര്ട്ട്ഫോണുകള് അവതരിപ്പിച്ചു.
ഷവോമി 15
120ഹെഡ്സ് റിഫ്രഷ് റേറ്റോടെ 6.36 ഇഞ്ച് അമോലെഡ് ഡിസ്പ്ലെയാണ് നല്കിയിരിക്കുന്നു. 50 എംപി പ്രധാന കാമറ, 60 എംഎം ലൈക്ക ഫ്ലോട്ടിംഗ് ടെലിഫോട്ടോ ലെന്സ്, 14 എംഎം മുതല് 120 എംഎം വരെ ഫോക്കല് ലെംഗ്തുള്ള അള്ട്രാ-വൈഡ് ലെന്സ് എന്നിവ ഉള്പ്പെടുന്നതാണ് റീയര് കാമറ മൊഡ്യൂള്.
സെല്ഫിക്കും വീഡിയോ കോളിംഗിനുമായി 32 എംപി കാമറയാണ്. ഇന്-ഡിസ്പ്ലെ ഫിംഗര്പ്രിന്റ് സെന്സര്, 5ജി, 4ജി എല്ടിഇ, വൈ-ഫൈ-7, ബ്ലൂടൂത്ത്, ജിപിഎസ്, എന്എഫ്എസ്, യുഎസ്ബി 3.2, ടൈപ്പ്-സി പോര്ട്ട്, ഐപി68 റേറ്റിംഗ് സുരക്ഷ എന്നിവയാണ് മറ്റ് ഫീച്ചറുകള്.
5,240 എംഎഎച്ച് ബാറ്ററിയും 90 വാട്സ് വയേര്ഡ്, 50 വാട്സ് വയര്ലെസ് ചാര്ജിംഗ് സംവിധാനവുമുണ്ട്.
ഷവോമി 15 അള്ട്ര
ഷവോമി 15 അള്ട്രയ്ക്കും ക്വാല്കോമിന്റെ ഒക്റ്റ-കോര് സ്നാപ്ഡ്രാഗണ് 8 എലൈറ്റ് ചിപ്പാണുള്ളത്. വാനില വേരിയന്റ് ഫോണ് 12 ജിബി വരെ റാമും 512 ജിബി വരെ സ്റ്റോറേജും പിന്തുണയ്ക്കുന്നു. മുന്തിയ ഓപ്ഷന് 16 ജിബി റാമും 1 ടിബി സ്റ്റോറേജിലുമുള്ളത്.
ആന്ഡ്രോയ്ഡ് 15 അടിസ്ഥാനത്തിലുള്ള ഹൈപ്പര്ഒഎസ് 2.0-യിലാണ് പ്രവര്ത്തനം. 6.73 ഇഞ്ച് ഡബ്ല്യൂക്യൂഎച്ച്ഡി + അമോലെഡ് ഡിസ്പ്ലെ ഫോണിനു നല്കിയിരിക്കുന്നു. പ്രൊഫഷണല് - ഗ്രേഡ് ഫോട്ടോ നിലവാരം അവകാശപ്പെടുന്ന ഷവോമി 15 അള്ട്രാ കാമറകള് ലൈക്കയുമായി ചേര്ന്നാണ് ഷവോമി നിര്മിച്ചിരിക്കുന്നത്.
സോണി എല്വൈറ്റി-900 സെന്സറോടെ 51 എംപി ലൈക്ക സമ്മിലക്സ് കാമറ, 50 എംപി അള്ട്രാ-വൈഡ് കാമറ, സോണി ഐഎംഎക്സ്858 സെന്സറോടെ ടെലിഫോട്ടോ കാമറ, 200 എംപി ഐസോസെല് എച്ച്പി9 പെരിസ്കോപ്പ് ടെലിഫോട്ടോ കാമറ എന്നിവ റീയര് കാമറയില് ഉള്പ്പെടുന്നു.
32 എംപിയുടേതാണ് സെല്ഫി കാമറ. 5,410 എംഎഎച്ച് ബാറ്ററി, 90 വാട്സ് വയേര്ഡ് ചാര്ജിംഗ്, 80 വാട്സ് വയര്ലെസ് ഹൈപ്പര്ചാര്ജ് എന്നിവയും ഉള്പ്പെടുന്നു. ഏപ്രില് മൂന്ന് മുതല് ഷവോമി 15 സീരിസ് ഫോണ് ഇന്ത്യയില് ലഭ്യമാവും.
ബ്ലാക്ക്, വൈറ്റ്, ഗ്രീന്, സില്വര് ക്രോം നിറങ്ങളില് ഫോണ് ലഭ്യമാകും. ഷവോമി 15ന് 64,999 രൂപയില് തുടങ്ങും. ഷവാമി 15 അള്ട്രയുടെ വില ഇന്ത്യയില് 1,09,999 രൂപയിലാണ് ആരംഭിക്കുന്നത്.