വിപണി പിടിക്കാന്‍ മോട്ടറോള റേസര്‍ ഫോണുകള്‍
Monday, April 28, 2025 12:01 PM IST
മോട്ടറോള റേസര്‍ 60, റേസര്‍ 60 അള്‍ട്രാ എന്നീ ഫോള്‍ഡബിള്‍ സ്മാര്‍ട്ഫോണുകള്‍ ആഗോള വിപണിയില്‍ അവതരിപ്പിച്ചു.
മോട്ടറോള റേസര്‍ 60 അള്‍ട്രാ
സ്‌നാപ്ഡ്രാഗണ്‍ 8 എലൈറ്റ് പ്രോസസറാണ് ഉപയോഗിക്കുന്നത്. ആന്ഡ്രോയിഡ് 15ന്‍റെ ഏറ്റവും പുതിയ പതിപ്പാണ് ഫോണില്‍ പ്രവര്‍ത്തിക്കുന്നത്.
7 ഇഞ്ച് എല്‍ടിപിഒ പി-ഒഎല്‍ഇഡി പ്രധാന ഡിസ്‌പ്ലേ 165ഹെഡ്‌സ് റിഫ്രഷ് റേറ്റും 4,000 നിറ്റ്‌സ് ബ്രൈറ്റ്‌നെസും നല്‍കുന്നു. 4 ഇഞ്ച് പിഒഎല്‍ഇഡി കവര്‍ ഡിസ്‌പ്ലേ 3,000 നിറ്റ്‌സ് ബ്രൈറ്റ്‌നെസും ഗൊറില്ല ഗ്ലാസ് സെറാമിക് സംരക്ഷണവും വാഗ്ദാനം ചെയ്യുന്നു.
16ജിബി റാമും 512 ജിബി സ്റ്റോറേജും ഉണ്ട്. 50 എംപി പ്രധാന കാമറ, 50 എംപി 122ഡിഗ്രി അള്‍ട്രാ-വൈഡ്/മാക്രോ കാമറ, 50 എംപി സെല്‍ഫി കാമറ എന്നിവ ഉള്‍പ്പെടുന്നു.
അധിക ഫീച്ചറുകള്‍: ഡിജിറ്റല്‍ കാര്‍ കീ, ഡോള്‍ബി അറ്റ്‌മോസ് സ്റ്റീരിയോ സ്പീക്കറുകള്‍, എന്‍എഫ്സി, അള്‍ട്രാ വൈഡ് ബാന്‍ഡ് എന്നിവ പിന്തുണയ്ക്കുന്നു. 4,700 എംഎച്ച് ബാറ്ററി 68 വാട്ട് വയര്‍ഡ്, 30വാട്ട് വയര്‍ലെസ് ചാര്‍ജിംഗ് പിന്തുണയ്ക്കും.
36 മണിക്കൂറിലധികം ബാറ്ററി ലൈഫ് മോട്ടറോള ഉറപ്പ് നല്‍കുന്നു. റിയോ റെഡ്, സ്‌കാരാബ്, മൗണ്ടന്‍ ട്രെയില്‍, കാബറേ എന്നീ നിറങ്ങളില്‍ ലഭ്യമാണ്. റേസര്‍ 60 അള്‍ട്രാ 89,990 രൂപയില്‍ ലഭ്യമാണ്.
മോട്ടറോള റേസര്‍ 60
6.9 ഇഞ്ച് പിഒഎല്‍ഇഡി പ്രധാന ഡിസ്‌പ്ലേ, 3.6 ഇഞ്ച് കവര്‍ ഡിസ്‌പ്ലേ, 50എംപി പ്രധാന കാമറ, 13 എംപി അള്‍ട്രാ-വൈഡ്/മാക്രോ, 32 എംപി സെല്‍ഫി കാമറ, മീഡിയാടെക്ക് ഡൈമെന്‍സിറ്റി 7400എക്സ് ചിപ്‌സെറ്റ്, 8ജിബി/16ജിബി റാം, 128 ജിബി/512 ജിബി സ്റ്റോറേജ്,
4,500 എംഎഎച്ച് ബാറ്ററി, 30 വാട്ട് വയര്‍ഡ്, 15 വാട്ട് വയര്‍ലെസ് ചാര്‍ജിംഗ് എന്നിവയാണ് മോട്ടറോള റേസര്‍ 60 പ്രത്യേകതകള്‍. റേസര്‍ 60ന്‍റെ വില 69,990 രൂപയില്‍ ആരംഭിക്കുന്നു.