അ​ത്ര​ക​ണ്ടു പ​രി​ച​യ​മി​ല്ലാ​ത്ത ഒ​രി​നം കാ​പ്പി​യാ​ണു ച​ന്ദ്ര​ഗി​രി. സാ​ധാ​ര​ണ കാ​പ്പി​ക്കു​രു പ​ഴു​ത്താ​ൽ ക​റു​പ്പ് ക​ല​ർ​ന്ന ചു​വ​പ്പ് നി​റ​മാ​യി​രി​ക്കും. എ​ന്നാ​ൽ, ച​ന്ദ്ര​ഗി​രി​യു​ടെ കു​രു​വി​നു മ​ഞ്ഞ നി​റ​മാ​ണ്.

ഇ​ടു​ക്കി ജി​ല്ല​യി​ൽ വെ​ള്ള​ത്തൂ​വ​ൽ ഷാ​രോ​ണ്‍​പു​രം സ്വ​ദേ​ശി​യാ​യ പാ​ണ​ക്കു​ഴി​മ​ല​യി​ൽ സാ​മി​ന്‍റെ കൃ​ഷി​യി​ട​ത്തി​ന് അ​ഴ​ക് പ​ക​രു​ന്ന ച​ന്ദ്ര​ഗി​രി മ​ഞ്ഞ കാ​പ്പി​ക്ക് വി​ള​വും രു​ചി​യും ഏ​റും.

ത​ന്‍റെ മൂ​ന്നേ​ക്ക​റോ​ളം വ​രു​ന്ന കൃ​ഷി​യി​ട​ത്തി​ലെ മ​റ്റു വി​ള​വു​ക​ൾ​ക്കൊ​പ്പ​വും വീ​ട്ടി​ലേ​ക്കു​ള്ള വ​ഴി​യു​ടെ ഇ​രു​വ​ശ​ങ്ങ​ളി​ലും വ​ച്ചു​പി​ടി​പ്പി​ച്ചി​രി​ക്കു​ന്ന മ​ഞ്ഞ കാ​പ്പി കാ​യി​ട്ടു നി​ൽ​ക്കു​ന്ന​തു കാ​ണു​ന്ന​തു ത​ന്നെ ക​ണ്ണി​നും മ​ന​സി​നും കു​ളി​ർ​മ പ​ക​രു​ന്ന കാ​ഴ്ച​യാ​ണ്.

കു​റ​ഞ്ഞ സ്ഥ​ല​ത്ത് നി​ന്നു കൂ​ടു​ത​ൽ വി​ള​വ് ന​ൽ​കു​ന്ന ഈ ​ഇ​നം കാ​പ്പി​യു​ടെ വി​വ​ര​ങ്ങ​ൾ കേ​ട്ട​റി​ഞ്ഞ് നി​ര​വ​ധി ക​ർ​ഷ​ക​രാ​ണ് തൈ​ക​ൾ വാ​ങ്ങാ​ൻ എ​ത്തു​ന്ന​തെ​ന്ന് സാം ​പ​റ​ഞ്ഞു.

കാ​പ്പി​ക്കു​രു ഉ​ണ​ക്കി പൊ​ടി​ച്ചു വീ​ട്ടി​ലെ ആ​വ​ശ്യ​ത്തി​നാ​ണ് കൂ​ടു​ത​ലാ​യും ഉ​പ​യോ​ഗി​ക്കു​ന്ന​ത്. ഇ​തി​ന്‍റെ കാ​പ്പി​പ്പൊ​ടി ഇ​ട്ടു തി​ള​പ്പി​ച്ചെ​ടു​ക്കു​ന്ന കാ​പ്പി​യു​ടെ രു​ചി മ​റ്റു കാ​പ്പി പൊ​ടി​ക​ളി​ൽ നി​ന്ന് ഏ​റെ വ്യ​ത്യ​സ്ത​വും ആ​സ്വാ​ദ്യ​ക​ര​വു​മാ​ണ്.

താ​യി​വേ​ര് ആ​ഴ​ത്തി​ൽ വ​ള​രാ​ത്ത​തു​കൊ​ണ്ടു മ​റ്റു കൃ​ഷി​ക​ൾ​ക്ക് ദോ​ഷ​ക​ര​മാ​കു​ന്നു​മി​ല്ല. കീ​ടാ​ക്ര​മ​ണ​ങ്ങ​ളും കേ​ടു​ക​ളു​മി​ല്ലാ​ത്ത​തി​നാ​ൽ തി​ക​ച്ചും ജൈ​വ രീ​തി​യി​ൽ വ​ള​ർ​ത്താ​നും ക​ഴി​യു​ന്നു. മൂ​ന്നു മു​ത​ൽ അ​ഞ്ച​ടി വ​രെ അ​ക​ല​ത്തി​ൽ ന​ടാം.


ര​ണ്ടാം വ​ർ​ഷം മു​ത​ൽ കാ​യ് പ​റി​ക്കാം. ഏ​ഴു മു​ത​ൽ 9 വ​ർ​ഷം വ​രെ ന​ല്ല വി​ള​വ് ല​ഭി​ക്കും. സാ​മി​ന് 15 വ​ർ​ഷം മു​ന്പാ​ണ് ച​ന്ദ്ര​ഗി​രി​യു​ടെ തൈ​ക​ൾ ല​ഭി​ച്ച​ത്. കാ​യു​ണ്ടാ​യ​ശേ​ഷം അ​രി​ക​ളെ​ടു​ത്ത് പാ​കി കൂ​ടു​ത​ൽ തൈ​ക​ൾ ഉ​ത്പാ​ദി​പ്പി​ച്ചു.

പി​ന്നെ കൂ​ടു​ത​ൽ എ​ണ്ണം ന​ട്ടു പ​രി​പാ​ലി​ച്ചു. ചാ​ണ​ക​പ്പൊ​ടി മാ​ത്ര​മാ​ണ് വ​ള​മാ​യി ന​ൽ​കു​ന്ന​ത്. റോ​ബ​സ്റ്റ, അ​റ​ബി ഇ​നം കാ​പ്പി​ക​ളും അ​ദ്ദേ​ഹ​ത്തി​നു​ണ്ട്.

ജാ​തി, കു​രു​മു​ള​ക്, ഏ​ലം വി​വി​ധ​ത​രം വാ​ഴ​ക​ൾ, വാ​നി​ല എ​ന്നി​വ​യും പ​ഴ​വ​ർ​ഗ​ങ്ങ​ളാ​യ മാ​ങ്കോ​സ്റ്റി​ൻ അ​വ്ക്കാ​ഡോ, റം​ബു​ട്ടാ​ൻ, ഡ്രാ​ഗ​ണ്‍ ഫ്രൂ​ട്ട്, പ​ല​ത​രം മ​ൾ​ബ​റി​ക​ൾ, മി​ക​ച്ച ഉ​ത്പാ​ദ​ന​മു​ള്ള ചെ​റു​നാ​ര​കം എ​ന്നി​വ​യും കൃ​ഷി ചെ​യ്യു​ന്നു​ണ്ട്.

ഇ​തോ​ടൊ​പ്പം പ​ശു ആ​ട് എ​ന്നി​വ​യെ​യും പ​രി​പാ​ലി​ച്ചു വ​രു​ന്നു. ബ​ഡിം​ഗി​ലും ഗ്രാ​ഫ്റ്റിം​ഗി​ലും ല​യ​റിം​ഗി​ലും താ​ത്പ​ര്യ​മു​ള്ള സാം ​അ​വ​യും ഏ​റെ ശ്ര​ദ്ധ​യോ​ടെ ചെ​യ്യു​ന്നു.

ബ​ഡ് ചെ​യ്ത ജാ​തി, റം​ബു​ട്ടാ​ൻ തൈ​ക​ൾ വ്യാ​പ​ക​മാ​യി ത​ന്‍റെ ന​ഴ്സ​റി​യി​ലൂ​ടെ സാം ​വി​ത​ര​ണം ചെ​യ്യു​ന്നു​ണ്ട്. ഭാ​ര്യ സോ​ഫി​യും മ​ക്ക​ളാ​യ ജി​സോ​യും സി​ജോ​യും ക​ട്ട​ക്ക് സാ​മി​നൊ​പ്പ​മു​ണ്ട്.

ഫോ​ണ്‍: 9446129696.