Latest News
യു​വ​തി​യെ കൊ​ല​പ്പെ​ടു​ത്തി ക​ഷ​ണ​ങ്ങ​ളാ​യി മു​റി​ച്ച് ഫ്രി​ഡ്ജി​ൽ സൂ​ക്ഷി​ച്ച സം​ഭ​വം: പ്ര​തി ജീ​വ​നൊ​ടു​ക്കി
Thursday, September 26, 2024 12:24 AM IST
ബം​ഗ​ളൂ​രു: ബം​ഗ​ളൂ​രു​വി​ലെ അ​പ്പാ​ർ​ട്ട്മെ‌​ന്‍റി​ൽ യു​വ​തി​യെ കൊ​ല​പ്പെ​ടു​ത്തി മൃ​ത​ദേ​ഹം 50 ക​ഷ​ണ​ങ്ങ​ളാ​യി മു​റി​ച്ച് ഫ്രി​ഡ്ജി​ൽ സൂ​ക്ഷി​ച്ച സം​ഭ​വ​ത്തി​ൽ പ്ര​തി​യെ ഒ​ഡീ​ഷ​യി​ൽ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി.

മു​ഖ്യ​പ്ര​തി​യെ​ന്നു സം​ശ​യി​ക്കു​ന്ന പ​ശ്ചി​മ​ബം​ഗാ​ൾ സ്വ​ദേ​ശി മു​ക്തി​രാ​ജ​ൻ പ്ര​താ​പ് റോ​യി​യെ​യാ​ണ് ഒ​ഡീ​ഷ​യി​ലെ ഭാ​ദ്രാ​ക് ജി​ല്ല​യി​ൽ​പ്പെ​ട്ട ഭു​നി​പു​ർ ഗ്രാ​മ​ത്തി​ലെ ശ്മ​ശാ​ന​ത്തോ​ടു ചേ​ർ​ന്നു​ള്ള മ​ര​ക്കൊ​ന്പി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

പ്ര​തി​യെ​ക്കു​റി​ച്ചു സൂ​ച​ന ല​ഭി​ച്ച ബം​ഗ​ളൂ​രു പോ​ലീ​സ് നാ​ലു സം​ഘ​ങ്ങ​ളാ​യി തി​രി​ഞ്ഞ് ഒ​ഡീ​ഷ​യി​ൽ എ​ത്തി​യി​രു​ന്നു. ബം​ഗ​ളൂ​രു​വി​ലെ മ​ല്ലേ​ശ്വ​ര​ത്ത് ഒ​റ്റ​മു​റി അ​പ്പാ​ർ​ട്ട്മെ​ന്‍റി​ൽ താ​മ​സി​ച്ചി​രു​ന്ന പ്ര​മു​ഖ മാ​ളി​ലെ ജീ​വ​ന​ക്കാ​രി ത്രി​പു​ര സ്വ​ദേ​ശി​നി മ​ഹാ​ല​ക്ഷ്മി(29)​യാ​ണു കൊ​ല്ല​പ്പെ​ട്ട​ത്.

ര​ണ്ടു ദി​വ​സ​മാ​യി മു​റി​യി​ൽ​നി​ന്ന് ദു​ർ​ഗ​ന്ധം വ​മി​ച്ച​തി​നെ​ത്തു​ട​ർ​ന്ന് തൊ​ട്ട​ടു​ത്ത താ​മ​സ​ക്കാ​ർ മ​ഹാ​ല​ക്ഷ്മി​യു​ടെ ബ​ന്ധു​ക്ക​ളെ അ​റി​യി​ച്ച​തോ​ടെ ക​ഴി​ഞ്ഞ ശ​നി​യാ​ഴ്ച​യാ​ണ് കൊ​ല​പാ​ത​ക​വി​വ​രം പു​റ​ത്ത​റി​യു​ന്ന​ത്. മ​ഹാ​ല​ക്ഷ്മി​യു​ടെ അ​മ്മ​യും സ​ഹോ​ദ​രി​യും ക​ഴി​ഞ്ഞ ശ​നി​യാ​ഴ്ച വീ​ട്ടി​ലെ​ത്തി​യ​പ്പോ​ഴാ​ണു ഞെ​ട്ടി​പ്പി​ക്കു​ന്ന കാ​ഴ്ച ക​ണ്ട​ത്. മൃ​ത​ദേ​ഹം 50 ക​ഷ​ണ​ങ്ങ​ളാ​ക്കി ഫ്രി​ഡ്ജി​ൽ സൂ​ക്ഷി​ച്ചി​രി​ക്കു​ക​യാ​യി​രു​ന്നു.

ഫ്രി​ഡ്ജി​നു​സ​മീ​പം ബാ​ഗും ക​ണ്ടെ​ത്തി​യി​രു​ന്നു. ഈ​മാ​സം ആ​ദ്യം മ​ഹാ​ല​ക്ഷ്മി​യെ കൊ​ല​പ്പെ​ടു​ത്തി​യി​രി​ക്കാ​മെ​ന്നാ​ണു പോ​ലീ​സി​ന്‍റെ നി​ഗ​മ​നം. അ​ഞ്ചു മാ​സ​മാ​യി ഈ ​അ​പ്പാ​ർ​ട്ട്മെ​ന്‍റി​ൽ താ​മ​സി​ച്ചു​വ​ന്നി​രു​ന്ന യു​വ​തി അ​യ​ൽ​വാ​സി​ക​ളു​മാ​യി അ​ടു​ത്തി​ട​പ​ഴ​കാ​ത്ത പ്ര​കൃ​ത​ക്കാ​രി​യാ​യി​രു​ന്നു​വെ​ന്നും ഏ​താ​നും ദി​വ​സം മു​ന്പ് സ​ഹോ​ദ​ര​നെ​ത്തി യു​വ​തി​ക്കൊ​പ്പം താ​മ​സി​ച്ചി​രു​ന്നു​വെ​ന്നും പ​രി​സ​ര​ത്തെ താ​മ​സ​ക്കാ​ർ പോ​ലീ​സി​നെ അ​റി​യി​ച്ചി​ട്ടു​ണ്ട്.

വി​വാ​ഹി​ത​യാ​യ യു​വ​തി​ക്ക് ഒ​രു മ​ക​നു​ണ്ട്. എ​ന്നാ​ൽ, ഭ​ർ​ത്താ​വു​മാ​യി അ​ക​ന്നു​ക​ഴി​യു​ക​യാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.