Business News
സാ​ന്താ​ക്ലോ​സ് റാ​ലി​ക്ക് ഒ​രു​ങ്ങി വി​പ​ണി
സാ​ന്താ​ക്ലോ​സ് റാ​ലി​ക്ക് ഒ​രു​ങ്ങി വി​പ​ണി
Monday, December 16, 2024 1:26 AM IST
ഓഹരി അവലോകനം/സോ​​​ണി​​​യ ഭാ​​​നു
സാ​ന്താ​ക്ലോ​സ് റാ​ലി​ക്ക് ഇ​ന്ത്യ​ന്‍ ഓ​ഹ​രി വി​പ​ണി അ​ണി​ഞ്ഞൊ​രു​ങ്ങു​ന്നു. വി​ദേ​ശ ഓ​പ്പ​റേ​റ്റ​ര്‍​മാ​ര്‍ വി​ല്പ​ന​ക്കാ​ന്‍റെ മേ​ല​ങ്കി പൂ​ര്‍​ണ​മാ​യി അ​ഴി​ച്ചുമാ​റ്റു​ന്ന​തോ​ടെ വി​പ​ണി​യി​ല്‍ ന്യൂ ​ഇ​യ​ര്‍ ആ​ഘോ​ഷ​ങ്ങ​ള്‍​ക്ക് തി​രി​തെ​ളി​യു​മെ​ന്ന പ്ര​തീ​ക്ഷ​യി​ലാ​ണ് പ്ര​ദേ​ശി​ക നി​ക്ഷേ​പ​ക​ര്‍. ആ​ഭ്യ​ന്ത​ര മ്യൂ​ച്വ​ല്‍ ഫ​ണ്ടു​ക​ള്‍ നി​ക്ഷേ​പ​ത്തി​ന് അ​നു​ദി​നം ഉ​ത്സാ​ഹി​ക്കു​ന്ന​ത് ക​ണ്ട് വി​ദേ​ശ ഫ​ണ്ടു​ക​ള്‍ ബ്ലൂ​ചി​പ്പ് ഓ​ഹ​രി​ക​ളി​ല്‍ പി​ടി​മു​റു​ക്കി.

ഒ​ക്‌​ടോ​ബ​റി​ലും ന​വം​ബ​റി​ലും വി​ല്പ​ന സ​മ്മ​ര്‍​ദം സൃ​ഷ്ടി​ച്ച് ഇ​ന്ത്യ​ന്‍ മാ​ര്‍​ക്ക​റ്റി​നെ ഉ​ഴു​തുമ​റി​ച്ച വി​ദേ​ശ ഫ​ണ്ടു​ക​ള്‍ ല​ക്ഷ്യംവ​ച്ച ബോ​ട്ടം ഫി​ഷിം​ഗി​ന് അ​വ​ര്‍​ക്ക് അ​വ​സ​രം ല​ഭി​ച്ചി​ല്ല, അ​തു​കൊ​ണ്ടു​ത​ന്നെ കി​ട്ടു​ന്ന റേ​ഞ്ചി​ല്‍ പു​തി​യ വാ​ങ്ങ​ലു​ക​ള്‍ ന​ട​ത്തു​ക​യാ​ണ്. ക​ഴി​ഞ്ഞ മാ​സ​ത്തെ തി​രു​ത്ത​ലി​ല്‍ പ​ന്ത്ര​ണ്ട് ശ​ത​മാ​നം ഇ​ടി​വ് അ​വ​ര്‍ ക​ണ​ക്കുകൂ​ട്ടി​യെ​ങ്കി​ലും തി​രു​ത്ത​ല്‍ പ​ത്തു ശ​ത​മാ​ന​ത്തി​ല്‍ അ​വ​സാ​നി​ച്ചു. സെ​ന്‍​സെ​ക്സ് 424 പോ​യി​ന്‍റും നി​ഫ്റ്റി സൂ​ചി​ക 90 പോ​യി​ന്‍റും പ്ര​തി​വാ​ര മി​ക​വി​ലാ​ണ്. ചു​രു​ങ്ങി​യ ആ​ഴ്ച​ക​ളി​ല്‍ അ​ഞ്ച് ശ​ത​മാ​നം ഉ​യ​ര്‍​ന്ന വി​പ​ണി തു​ട​ര്‍​ച്ച​യാ​യ നാ​ലാം വാ​ര​മാ​ണ് നേ​ട്ട​ത്തി​ല്‍. വാ​രാ​ന്ത്യ ദി​ന​ത്തി​ല്‍ നി​ഫ്റ്റി ഫ്യൂ​ച്ച​റി​ല്‍ ഊ​ഹ​ക്ക​ച്ച​വ​ട​ക്കാ​ര്‍ ഷോ​ര്‍​ട്ട് ക​വ​റി​ഗി​ന് മ​ത്സ​രി​ച്ചു.

നി​ഫ്റ്റി
‌
24,677 പോ​യി​ന്‍റി​ല്‍ ട്രേ​ഡിം​ഗ് തു​ട​ങ്ങി​യ നി​ഫ്റ്റി 24,792 പോ​യി​ന്‍റ് വ​രെ ഉ​യ​ര്‍​ന്നു. ന​വം​ബ​ര്‍ ര​ണ്ടാം പ​കു​തി​യി​ല്‍ 23,301 പോ​യി​ന്‍റി​ല്‍ ല​ഭി​ച്ച ട്രെ​ൻഡ് ലൈ​ന്‍ സ​പ്പോ​ര്‍​ട്ടി​ല്‍​നി​ന്നു​ള്ള തി​രി​ച്ചുവ​ര​വി​ല്‍ ഇ​തി​ന​കം 1491 പോ​യി​ന്‍റ് ക​യ​റി. ഏ​ക​ദേ​ശം പ​തി​ന​ഞ്ച് പ്ര​വ​‍​ത്തി ദി​ന​ങ്ങ​ളി​ല്‍ കൈ​വ​രി​ച്ച ക​രു​ത്തി​ല്‍ വി​പ​ണി​യു​ടെ സാ​ങ്കേ​തി​ക വ​ശ​ങ്ങ​ളും ബു​ള്ളി​ഷാ​യി. വാ​രാ​ന്ത്യം 24,768ല്‍ ​നി​ല​കൊ​ള്ളു​ന്ന നി​ഫ്റ്റി 24,980ലേ​ക്ക് ഉ​യ​രാ​നു​ള്ള ക​രു​ത്ത് സ്വ​രൂപി​ക്കു​ക​യാ​ണെ​ങ്കി​ലും നി​ര്‍​ണാ​യ​ക​മാ​യ 25,000ല്‍ ​ലാ​ഭ​മെ​ടു​പ്പി​നു​ള്ള നീ​ക്ക​മു​ണ്ടാ​യാ​ലും 25,172നെ ​കൈ​പി​ടി​യി​ല്‍ ഒ​തു​ക്കാ​ന്‍ ശ്ര​മം ന​ട​ക്കാം.

വ​ര്‍​ഷാ​ന്ത്യം അ​ടു​ക്കു​ന്ന​തി​നാ​ല്‍ ഫ​ണ്ടു​ക​ള്‍ ഉ​യ​ര്‍​ന്ന ത​ല​ത്തി​ല്‍ ലാ​ഭ​മെ​ടു​പ്പ് ന​ട​ത്താം. അ​വ​രു​ടെ പ്രോ​ഫി​റ്റ് ബു​ക്കിംഗ് വി​ല്പ​ന സ​മ്മ​ര്‍​ദ​ത്തി​ലേക്ക് വ​ഴു​തി​യാ​ല്‍ നി​ഫ്റ്റി​ക്ക് 24,368ല്‍ ​ആ​ദ്യ താ​ങ്ങ് പ്ര​തീ​ക്ഷി​ക്കാം. ഇ​ത് ത​ക​ര്‍​ന്നാ​ല്‍ 23,968ല്‍ ​സ​പ്പോ​ര്‍​ട്ട് ല​ഭി​ക്കും. ഡെ​യ്‌​ലി ചാ​ര്‍​ട്ടി​ല്‍ എം​എ​സി​ഡി ബു​ള്ളി​ഷാ​യെ​ങ്കി​ലും വീ​ക്കി​ലി ചാ​ര്‍​ട്ടി​ല്‍ ദു​ര്‍​ബ​ലാ​വ​സ്ഥ​യി​ലാ​ണ്. സൂ​പ്പ​ര്‍ ട്രെ​ൻഡ് കു​തി​പ്പി​ന് പ​ച്ചക്കൊ​ടി ഉ​യ​ര്‍​ത്തു​മ്പോ​ള്‍ പാ​രാ​ബോ​ളി​ക്ക് എ​സ്എ​ആ​ര്‍ സെ​ല്‍ സി​ഗ്ന​ല്‍ ന​ല്‍​കി​യ​ത് ഒ​രു വി​ഭാ​ഗം ഓ​പ്പ​റേ​റ്റ​ര്‍​മാ​രെയും വി​ല്പ​ന​ക്കാ​രാ​ക്കാം. മ​റ്റ് പ​ല ഇ​ന്‍​ഡി​ക്കേ​റ്റ​റു​ക​ളും ഓ​വ​ര്‍ ബോട്ടാ​യ​തും ഊ​ഹ​ക്ക​ച്ച​വ​ട​ക്കാ​രെ വി​ല്പ​ന​യ്ക്ക് പ്രേ​രി​പ്പി​ക്കാം.


നി​ഫ്റ്റി ഫ്യൂ​ച്ച​ർ മു​ന്‍​വാ​രം സൂ​ചി​പ്പി​ച്ച ക​ണ​ക്കു​ക​ള്‍ ശ​രി​വ​ച്ചു. ബു​ള്‍ ഓ​പ്പ​റേ​റ്റ​ര്‍​മാ​രു​ടെ മി​ക​വി​ല്‍ ക്രി​സ്​മ​സി​ന് മു​ന്നേ ഡി​സം​ബ​ര്‍ ഫ്യൂ​ച്ച​ര്‍ 24,800ലേ​ക്ക് ഉ​യ​രു​മെ​ന്ന വി​ല​യി​രു​ത്ത​ല്‍ ശ​രി​വ​ച്ച് 24,831ലേ​ക്ക് ക​യ​റി, പു​തി​യ സാ​ഹ​ച​ര്യ​ത്തി​ല്‍ ഡി​സം​ബ​ര്‍ ഫ്യൂ​ച​ര്‍ 25,225-22,250 നെ ​ഉ​റ്റ്നോ​ക്കാം.

ഇ​ന്ത്യാ വോ​ളാ​റ്റി​ലി​റ്റി ഇ​ന്‍​ഡെ​ക്സ് പ​ത്തു ശ​ത​മാ​നം ഇ​ടി​ഞ്ഞ് 13.05ലേ​ക്ക് താ​ഴ്ന്ന​ത് ഓ​ഹ​രി​യി​ല്‍ വാ​ങ്ങ​ല്‍ താ​ത്പ​ര്യം വ​ര്‍​ധി​പ്പി​ച്ചു. നി​ല​വി​ലെ സ്ഥി​തി​ഗ​തി​യി​ല്‍ വോ​ളാ​റ്റി​ലി​റ്റി സൂ​ചി​ക 11.92ലെ ​സ​പ്പോ​ര്‍​ട്ട് ത​ക​ര്‍​ത്താ​ല്‍ 11.12വ​രെ നീ​ങ്ങാം. നി​ക്ഷേ​പ​ക​ര്‍​ക്ക് വി​പ​ണി​യി​ല്‍ പ്ര​വേ​ശി​ക്കാ​ന്‍ ഏ​റ്റ​വും അ​നു​യോ​ജ സ​മ​യ​മാ​വും ആ ​താ​ഴ്ച.

സെ​ന്‍​സെ​ക്സ്

സെ​ന്‍​സെ​ക്സ് 81,709 പോ​യി​ന്‍റി​ല്‍​നി​ന്നു ഒ​ര​വ​സ​ര​ത്തി​ല്‍ 80,156ലേ​ക്ക് താ​ഴ്ന്നശേ​ഷം തി​രി​ച്ചുവ​ര​വി​ല്‍ 81,666 പോ​യി​ന്‍റി​ലെ പ്ര​തി​രോ​ധം ത​ക​ര്‍​ത്ത് 82,213വ​രെ ക​യ​റി. മാ​ര്‍​ക്ക​റ്റ് ക്ലോ​സിം​ഗി​ല്‍ സൂ​ചി​ക 82,133ലാ​ണ്. ഈ​വാ​രം 82,845ലെ ​ആ​ദ്യ ത​ട​സം മ​റി​ക​ട​ന്ന് 83,557 പോ​യി​ന്‍റി​നെ ല​ക്ഷ്യ​മാ​ക്കാം, വി​പ​ണി​യു​ടെ താ​ങ്ങ് 80,788 79,443 പോ​യി​ന്‍റി​ലാ​ണ്.

സാ​മ്പ​ത്തി​ക മേ​ഖ​ല​യി​ലെ പ്ര​തി​സ​ന്ധി​ക​ള്‍​ക്കി​ട​യി​ല്‍ രൂ​പ​യ്ക്ക് സ​ര്‍​വ​കാ​ല റി​ക്കാ​ര്‍​ഡ് ത​ക​ര്‍​ച്ച. പി​ന്നി​ട്ട ഒ​രു മാ​സ​മാ​യി ഇ​തേ കോ​ള​ത്തി​ല്‍ സൂ​ചി​പ്പി​ച്ച​താ​ണ് സ​ന്പ​ദ്ഘ​ട​ന കൂ​ടു​ത​ല്‍ പ​രി​ങ്ങ​ലി​ലേ​ക്ക് നീ​ങ്ങു​ന്ന​തി​നാ​ല്‍ പ​ലി​ശനി​ര​ക്കു​ക​ളി​ല്‍ ഭേ​ദ​ഗ​തി​ക​ള്‍ അ​നി​വാ​ര്യ​മെ​ന്ന കാ​ര്യം. രൂ​പ​യു​ടെ മൂ​ല്യം 84.65ല്‍​നി​ന്നു ക​ഴി​ഞ്ഞ​വാ​രം സൂ​ചി​പ്പി​ച്ച പ്ര​തി​രോ​ധ​മാ​യ 84.90ന് ​ഒ​രു പൈ​സ വ്യ​ത്യാ​സ​ത്തി​ല്‍ 84.89ലേ​ക്ക് ദു​ര്‍​ബ​ല​മാ​യി. രൂ​പ​യു​ടെ ച​ല​ന​ങ്ങ​ള്‍ വീ​ക്ഷി​ച്ചാ​ല്‍ 85.20ലേ​ക്ക് മൂ​ല്യം ഇ​ടി​യാം.

വി​ദേ​ശ ഫ​ണ്ടു​ക​ള്‍ 4572.25 കോ​ടി രൂ​പ​യു​ടെ ഓ​ഹ​രി വി​ല്പ​ന​യും 4245.55 കോ​ടി രൂ​പ​യു​ടെ നി​ക്ഷേ​പ​വും ന​ട​ത്തി. ആ​ഭ്യ​ന്ത​ര ഫ​ണ്ടു​ക​ള്‍ 5260.39 കോ​ടി രൂ​പ​യു​ടെ ഓ​ഹ​രി​ക​ള്‍ വാ​ങ്ങി, 2380.27 കോ​ടി രൂ​പ​യു​ടെ വി​ല്പ​ന​യും ന​ട​ത്തി.

സ്വ​ര്‍​ണ വി​ല വീ​ണ്ടും ചാ​ഞ്ചാ​ടി. ട്രോ​യ് ഔ​ണ്‍​സി​ന് 2632 ഡോ​ള​റി​ല്‍​നി​ന്നു 2700 ഡോ​ള​റി​ലെ പ്ര​തി​രോ​ധം ത​ക​ര്‍​ത്ത് 2724 വ​രെ ക​യ​റി​യ​തി​നി​ട​യി​ല്‍ ഫ​ണ്ടു​ക​ള്‍ ലാ​ഭ​മെ​ടു​പ്പി​ന് ഇ​ട​ങ്ങി​യ​ത് മ​ഞ്ഞ​ലോ​ഹ​ത്തെ 2647 ഡോ​ളി​ലേക്ക് ത​ള​ര്‍​ത്തി. വാ​ങ്ങ​ല്‍ താ​ത്പ​ര്യം പൊടുന്നനെ കു​റ​ഞ്ഞെ​ങ്കി​ലും 2584 ഡോ​ള​റി​ലെ സ​പ്പോ​ര്‍​ട്ട് നി​ല​നി​ല്‍​ക്കു​വോ​ളം സ്വ​ര്‍​ണം സാ​ങ്കേ​തി​ക​മാ​യി ബു​ള്ളി​ഷാ​ണ്. പു​തു​വ​ര്‍​ഷം സ്വ​ര്‍​ണം 2924 ഡോ​ള​റി​ന് മു​ക​ളി​ല്‍ ഇ​ടംപി​ടി​ക്കാം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.


Copyright @ 2018 , Rashtra Deepika Ltd.