കത്തോലിക്ക കോൺഗ്രസ്: സത്യപ്രതിജ്ഞയും സമുദായ നേതൃസമ്മേളനവും നാളെ : Deepika.com Kerala News |

Click here for detailed news of all items

കത്തോലിക്ക കോൺഗ്രസ്: സത്യപ്രതിജ്ഞയും സമുദായ നേതൃസമ്മേളനവും നാളെ

Tuesday, July 2, 2024 2:39 AM IST

കൊച്ചി: കത്തോലിക്ക കോൺഗ്രസ് ഗ്ലോബൽ സമിതിയുടെ 2024-27 പ്രവർത്തനവർഷത്തെ ഭാരവാഹികളുടെ സത്യപ്രതിജ്ഞയും നേതൃസമ്മേളനവും നാളെ ഉച്ചകഴിഞ്ഞു 2.30ന് കാക്കനാട് മൗണ്ട് സെന്‍റ് തോമസിൽ നടക്കും.

പുതുതായി രൂപവത്കരിക്കപ്പെട്ട 55 അംഗ ഭരണസമിതിയും 155 അംഗ ഗ്ലോബൽ വർക്കിംഗ് കമ്മിറ്റിയും കേന്ദ്ര പ്രതിനിധി സഭാംഗങ്ങളുമാണ് ചുമതലയേൽക്കുന്നത്.

സീറോമലബാർ സഭയുടെ എല്ലാ രൂപതകളിൽനിന്നും 47 രാജ്യങ്ങളിൽ നിന്നുമുള്ള പ്രതിനിധികൾ സമ്മേളനത്തിൽ പങ്കെടുക്കും. പ്രസിഡന്‍റ് അഡ്വ. ബിജു പറയന്നിലത്തിന്‍റെ അധ്യക്ഷതയിൽ ചേരുന്ന സമ്മേളനം സീറോമലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ ഉദ്ഘാടനം ചെയ്യും.

ബിഷപ് ലെഗേറ്റ് മാർ റെമിജിയൂസ് ഇഞ്ചനാനിയിൽ മുഖ്യപ്രഭാഷണം നടത്തും. തുടർന്ന് പുതിയ ഭാരവാഹികൾക്ക് സത്യപ്രതിജ്ഞ ചൊല്ലിക്കൊടുക്കും. ബിഷപ്പുമാരായ മാർ ജോസ് പുളിക്കലും മാർ സെബാസ്റ്റ്യൻ വാണിയപ്പുരയ്ക്കലും അനുഗ്രഹ പ്രഭാഷണങ്ങൾ നടത്തും. ദീപിക മാനേജിംഗ് ഡയറക്ടർ ഫാ. ബെന്നി മുണ്ടനാട്ട്, പുതിയ പ്രസിഡന്‍റ് രാജീവ് കൊച്ചുപറമ്പിൽ, ഗ്ലോബൽ ഡയറക്ടർ റവ.ഡോ. ഫിലിപ്പ് കവിയിൽ, സെക്രട്ടറി ഡോ. ജോസ്കുട്ടി ജെ. ഒഴുകയിൽ, ഡോ. ജോബി കാക്കശേരി, മാതൃവേദി പ്രസിഡന്‍റ് ബീന ജോഷി, എസ്എംവൈഎം പ്രസിഡന്‍റ് അഡ്വ. സാം സണ്ണി എന്നിവർ പ്രസംഗിക്കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.