ആരോപണം കേട്ടയുടനെ മുകേഷ് രാജിവെക്കണമെന്ന് പറയാൻ പറ്റില്ല: കെ.കെ. ശൈലജ
Thursday, August 29, 2024 10:27 PM IST
തിരുവനന്തപുരം: കുറ്റം ചെയ്തെന്ന് കണ്ടെത്തിയാല് മുകേഷിന് എംഎല്എയായി തുടരാനാകില്ലെന്നും അതിനുമുമ്പ് രാജിവെക്കണമെന്ന് പറയാൻ പറ്റില്ലെന്നും സിപിഎം നേതാവ് കെ.കെ. ശൈലജ എംഎൽഎ. ഇത് നിയമപരമായി പരിശോധിക്കേണ്ട കാര്യമാണെന്നും ശൈലജ പറഞ്ഞു.
നേരത്തെയും ചിലര്ക്കെതിരെ ആരോപണം ഉണ്ടായപ്പോള് എംഎല്എയായി തുടര്ന്നാണല്ലോ അന്വേഷണം നേരിട്ടത്. ശരിയായ ഘട്ടത്തില് സര്ക്കാര് നടപടിയെടുക്കും. ആരോപണം കേട്ടയുടനെ മുകേഷ് രാജിവെക്കണമെന്ന് പറയാൻ പറ്റില്ലെന്നും അവർ പ്രതികരിച്ചു.
ആരായാലും പരാതിയില് കഴമ്പുണ്ടെന്ന് തെളിഞ്ഞാല് സര്ക്കാര് പെണ്കുട്ടികള്ക്കൊപ്പമായിരിക്കും.അന്വേഷണം നടക്കട്ടെയെന്നും തെളിവുകള് പുറത്തുവരട്ടെയെന്നും ശൈലജ പറഞ്ഞു.