ഭക്ഷ്യവിഷബാധയെ തുടര്ന്ന് ചികിത്സയിലിരുന്ന നഴ്സിംഗ് വിദ്യാര്ഥിനി മരിച്ചു
Wednesday, August 28, 2024 3:22 AM IST
ആലപ്പുഴ: ഡല്ഹിയില് നഴ്സിംഗ് വിദ്യാര്ഥിനിയായിരുന്ന മലയാളി വിദ്യാര്ഥിനി ഭക്ഷ്യവിഷബാധയെ തുടര്ന്ന് മരിച്ചു. ചേപ്പാട് മുട്ടം കുന്നേല് വീട്ടില് പ്രദീപ് ഷൈലജ ദമ്പതികളുടെ മകള് പ്രവീണ(20) ആണ് മരിച്ചത്. തിരുവനന്തപുരത്തെ സ്വകാര്യ ആശുപത്രിയില് ചികിത്സയിലിരിക്കെയാണ് മരിച്ചത്.
ജൂണ് മാസം ആദ്യം ഹോസ്റ്റലിലെ ഭക്ഷണത്തില് നിന്നാണ് പ്രവീണയ്ക്ക് ഭക്ഷ്യവിഷബാധയേറ്റത്. വിഎംസിസി നഴ്സിംഗ് കോളജിലെ രണ്ടാം വര്ഷ വിദ്യാര്ഥിനിയായിരുന്നു പ്രവീണ. ചൊവ്വാഴ്ച പുലര്ച്ചെയായിരുന്നു പ്രവീണ മരിച്ചത്.
ആദ്യം ഹരിയാണയിലെ ജിന്തര് ആശുപത്രിയില് ചികിത്സയിലായിരുന്ന പ്രവീണയെ പിന്നീട് ഹരിപ്പാട്ടെയും പരുമലയിലേയും ആശുപത്രികളിലേക്ക് മാറ്റിയിരുന്നു. പിന്നീട്, ഗുരുതരാവസ്ഥയില് ആയതിനെ തുടര്ന്നാണ് തിരുവനന്തപുരത്തെ സ്വകാര്യആശുപത്രിയിലേക്ക് മാറ്റിയത്.