കോ​ട്ട​യം: ഹേ​മാ ക​മ്മീ​ഷ​ൻ റി​പ്പോ​ർ​ട്ട് പൂ​ഴ്ത്തി​വ​ച്ച​തി​ലൂ​ടെ സ​ർ​ക്കാ​ർ ആ​രെ സം​ര​ക്ഷി​ക്കാ​നാ​ണ് മു​ന്നോ​ട്ട് വ​ന്ന​ത് എ​ന്ന് വ്യ​ക്ത​മാ​ക്ക​ണ​മെ​ന്ന് ര​മേ​ശ് ചെ​ന്നി​ത്ത​ല. സ​ർ​ക്കാ​രി​നു സ​മ​ർ​പ്പി​ച്ച റി​പ്പോ​ർ​ട്ട് സ​മ്പു​ർ​ണ​മാ​യി പു​റ​ത്തു​വി​ട​ണം എ​ന്ന് ആ​വ​ശ്യ​പ്പെ​ടു​ക​യാ​ണെ​ന്ന് ചെ​ന്നി​ത്ത​ല പ​റ​ഞ്ഞു.

വി​വാ​രാവകാ​ശ നി​യ​മം മൂ​ലം പു​റ​ത്തു​വി​ട്ട ഭാ​ഗ​ങ്ങ​ൾ ത​ന്നെ അ​പൂ​ർ​ണ​മാ​ണ്. പു​റ​ത്തു​വ​ന്ന റി​പ്പോ​ർ​ട്ടി​ൽ 11 പാ​രാ​ഗ്രാ​ഫു​ക​ൾ മാ​റ്റു​ക​യാ​ണ് ഉ​ണ്ട​യ​ത്. ഇ​തി​ൽ​നി​ന്നെ​ല്ലം വ്യ​ക്ത​മാ​കു​ന്ന​ത് സ​ർ​ക്കാ​ർ ആ​രെ​യൊ​ക്കെ​യോ സം​ര​ക്ഷി​ക്കാ​ൻ ശ്ര​മി​ക്കു​ന്നു എന്നതാണ് എ​ന്ന് ര​മേ​ശ് ചെ​ന്നി​ത്ത​ല പ്ര​തി​ക​രി​ച്ചു.

ഇ​ന്ന് സി​നി​മാ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന എ​ല്ലാ​വ​രും സം​ശ​യ​ത്തി​ന്‍റെ നി​ഴ​ലി​ലാ​ണ്. അ​ങ്ങി​നെ എ​ല്ലാ​വ​രും സം​ശ​യ​ത്തി​ന്‍റെ നി​ഴ​ലി​ൽ വ​രേ​ണ്ട കാ​ര്യ​മി​ല്ല. നി​ര​പ​രാ​ധി​ക​ൾ പോ​ലും സം​ശ​യി​ക്ക​പ്പെ​ടു​ന്ന സാ​ഹ​ച​ര്യം നി​ല​വി​ലു​ണ്ട്. ഇ​ത് ഒ​ഴി​വാ​ക​ണ​മെ​ങ്കി​ൽ റി​പ്പോ​ർ​ട്ട് സ​മ്പൂ​ർ​ണമാ​യി പു​റ​ത്തു​വി​ടേ​ണ്ട​ത് അ​നി​വാ​ര്യ​മാ​ണെ​ന്ന് അ​ദ്ദേ​ഹം വ്യ​ക്ത​മാ​ക്കി.

സാം​സ്കാ​രി​ക വ​കു​പ്പ് മ​ന്ത്രി​യു​ടെ പ്ര​സ്താ​വ​ന കേ​ട്ടാ​ല​റി​യാം ഗ​വ​ൺ​മെ​ന്‍റ് ഇ​ക്കാ​ര്യ​ത്തി​ൽ ഒ​രു ന​ട​പ​ടി​യും സ്വീ​ക​രി​ക്കാ​ൻ പോ​കു​ന്നി​ല്ലെ​ന്ന്. ദേ​ശീ​യ മാ​ധ്യ​മ​ങ്ങ​ളു​ടെ റി​പ്പോ​ർ​ട്ടി​ങ്ങും വാ​ർ​ത്ത​ക​ളു കേ​ര​ള​ത്തി​ൽ എ​ന്തോ സ​ങ്കീ​ർ​ണ​മാ​യ പ്ര​ശ്ന​ങ്ങ​ൾ ന​ട​ക്കു​ന്നു​വെ​ന്ന ത​ര​ത്തി​ലാ​ണ്. ഇ​ത് കേ​ര​ള​ത്തി​ന് ദോ​ഷ​ക​ര​മാ​ണ്. ഇ​ത്ത​രം സാ​ഹ​ച​ര്യ​ത്തി​ൽ റി​പ്പോ​ർ​ട്ട് സ​മ്പു​ർ​ണ​മാ​യി പു​റ​ത്തു​വി​ടു​ക​യെ​ന്ന​താ​ണ് ഏ​ക പോം​വ​ഴി എ​ന്നും ചെ​ന്നി​ത്ത​ല പ​റ​ഞ്ഞു.