ബസും കാറും കൂട്ടിയിടിച്ച് രണ്ടു പേർക്ക് ഗുരുതര പരിക്ക്
Friday, August 23, 2024 10:02 PM IST
മണിമല: ബസും ഇന്നോവ കാറും കൂട്ടിയിടിച്ചുണ്ടായ അപകടത്തിൽ രണ്ടു പേർക്ക് ഗുരുതര പരിക്ക്. മണിമല കറിക്കാട്ടൂരിലുണ്ടായ അപകടത്തിൽ മുക്കൂട്ടുതറ സ്വദേശികളായ ഇല്ലിക്കൽ രഘുനാഥ് (62), മകൻ രഞ്ജിത്ത് (34) എന്നിവർക്കാണ് പരിക്കേറ്റത്.
വെള്ളിയാഴ്ച വൈകുന്നേരം ആറിനുണ്ടായ അപകടത്തിൽ പരിക്കേറ്റ ഇരുവരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. പരിക്കേറ്റ 13 ബസ് യാത്രികരെ മണിമല ചെത്തിപ്പുഴ സെന്റ് തോമസ് സബ് സെന്റ്ർ ആശുപത്രിയിൽ പ്രവേശിപ്പിച്ചു.
റാന്നി ഭാഗത്തേക്ക് പോവുകയായിരുന്ന സ്വകാര്യ ബസും എതിർ ദിശയിൽ നിന്ന് വന്ന കാറും കൂട്ടിയിടിക്കുകയായിരുന്നു. പോലീസും ഫയർഫോഴ്സും സ്ഥലത്ത് എത്തി.