കഴക്കൂട്ടത്ത് അതിഥി തൊഴിലാളിയുടെ മകളെ കാണ്മാനില്ല
Tuesday, August 20, 2024 6:49 PM IST
തിരുവനന്തപുരം: കഴക്കൂട്ടത്ത് 13 വയസുകാരിയെ കാണ്മാനില്ല. ആസാം സ്വദേശി അൻവർ ഹുസൈന്റെ മകൾ തസ്മിദ് തംസും (13) ആണ് കാണാതായത്.
വീട്വിട്ടിറങ്ങിയ കുട്ടിയെക്കുറിച്ച് ഇന്ന് രാവിലെ പത്ത് മുതൽ വിവരമൊന്നുമില്ല. അമ്മ വഴക്ക് പറഞ്ഞതിനെ തുടർന്നാണ് കൂട്ടി വീട് വിട്ടിറങ്ങിയത്.
ആസാം സ്വദേശികളായ ഇവർ നിലവിൽ കഴക്കൂട്ടത്തെ വാടക വീട്ടിലാണ് താമസിക്കുന്നത്. ഒരു മാസം മുമ്പാണ് ഇവർ കഴക്കൂട്ടത്ത് എത്തിയത്.
കുട്ടിക്ക് മലയാളം അറിയില്ലെന്ന് പോലീസ് പറഞ്ഞു. കുട്ടിയെ കുറിച്ച് വിവരം ലഭിക്കുന്നവർ 94979 60113 എന്ന നമ്പറിൽ ബന്ധപ്പെടണമെന്ന് പോലീസ് അറിയിച്ചു.