ഹേമ കമ്മിറ്റി റിപ്പോർട്ട് സംഘടനകൾ പരിശോധിക്കട്ടെ: സുരേഷ്ഗോപി
Tuesday, August 20, 2024 3:06 PM IST
തൃശൂർ: ഹേമ കമ്മിറ്റി റിപ്പോർട്ട് സംഘടനകൾ പരിശോധിക്കട്ടെയെന്ന് നടനും കേന്ദ്രമന്ത്രിയുമായ സുരേഷ്ഗോപി. തുടർനടപടി സർക്കാർ പരിശോധിച്ചു കൈക്കൊള്ളുമെന്നും സുരേഷ്ഗോപി പ്രതികരിച്ചു.
ഹേമ കമ്മിറ്റി റിപ്പോർട്ട് ആദരിക്കപ്പെടേണ്ടതാണ്. സിനിമാ മേഖലയിൽ താൻ ഏറെക്കാലമായി സജീവമല്ല.പലരും പരാതി പറഞ്ഞ് അമ്മയിൽ നിന്ന് പുറത്തു പോയപ്പോഴും താൻ പ്രതികരിച്ചിരുന്നില്ല. ആ സ്ഥിതി തുടരുകയാണെന്നും സുരേഷ്ഗോപി പറഞ്ഞു.
റിപ്പോർട്ട് പരിശോധിക്കാൻ കഴിഞ്ഞിട്ടില്ല. ഇക്കാര്യത്തിൽ സർക്കാരിനെ വിമർശിക്കാനില്ലെന്നും സുരേഷ്ഗോപി കൂട്ടിച്ചേർത്തു.