ഹേമകമ്മിറ്റി റിപ്പോര്ട്ടില് ഗതാഗതമന്ത്രിക്ക് കാര്യമില്ല: ഗണേഷ് കുമാര്
Tuesday, August 20, 2024 11:38 AM IST
കൊല്ലം: ഹേമകമ്മിറ്റി റിപ്പോര്ട്ടില് ഗതാഗതമന്ത്രിക്ക് കാര്യമില്ലെന്ന് മന്ത്രി കെ.ബി.ഗണേഷ് കുമാര്. എന്തെങ്കിലും പറഞ്ഞ് താന് വിവാദത്തിന് നില്ക്കുന്നില്ലെന്നും മന്ത്രി പ്രതികരിച്ചു.
റിപ്പോര്ട്ട് പുറത്തുവന്നതിനെക്കുറിച്ചുള്ള മാധ്യമപ്രവര്ത്തകരുടെ ചോദ്യങ്ങളോട് പ്രതികരിക്കുകയായിരുന്നു മന്ത്രി. സഹപ്രവര്ത്തകനെന്ന നിലയില് പോലും തന്നോട് ആരും പരാതി പറഞ്ഞിട്ടില്ല. അങ്ങനെ ആരെങ്കിലും പറഞ്ഞാല് താന് പച്ചയ്ക്ക് പുറത്തുപറയും. അതുകൊണ്ടാണ് സിനിമയില് വലിയ അവസരങ്ങള് ഇല്ലാത്തത്.
ജൂനിയര് ആര്ട്ടിസ്റ്റുകളായ സ്ത്രീകള്ക്ക് ടോയ്ലറ്റ് സൗകര്യം പോലും ഇല്ലെന്നതടക്കം നിരവധി പ്രശ്നങ്ങള് ഉണ്ട്. റിപ്പോര്ട്ടിലെ ചില കാര്യങ്ങള് മാത്രം ഹൈലൈറ്റ് ചെയ്യേണ്ടെന്നും മന്ത്രി കൂട്ടിച്ചേര്ത്തു.