ഇടിച്ചിട്ട വാഹനം നിര്ത്താതെ പോയി; യുവാവിന് ദാരുണാന്ത്യം
Tuesday, August 20, 2024 9:52 AM IST
തിരുവനന്തപുരം: കല്ലമ്പലത്ത് ദേശീയപാതയില് അജ്ഞാത വാഹനമിടിച്ച് യുവാവ് മരിച്ചു. ചിറയിന്കീഴ് മൂടപുരം സ്വദേശി വിനോദ്(43) ആണ് മരിച്ചത്.
തിങ്കളാഴ്ച അര്ധരാത്രി 11ഓടെയാണ് സംഭവം. റോഡിലൂടെ നടന്നുപോയ ഇയാളെ ഇടിച്ച് തെറിപ്പിച്ച വാഹനം നിര്ത്താതെ പോവുകയായിരുന്നു.
പിന്നീട് ഏറെ നേരം കഴിഞ്ഞാണ് ഇയാള് പരിക്കേറ്റ് റോഡില് കിടക്കുന്നതായി പോലീസ് കണ്ട്രോള് റൂമില് വിവരം ലഭിച്ചത്. പോലീസെത്തി ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സിസിടിവി ദൃശ്യങ്ങള് അടക്കം ശേഖരിച്ച് വാഹനം കണ്ടെത്താനുള്ള ശ്രമം പോലീസ് തുടരുകയാണ്.