ഹേമ കമ്മിറ്റി റിപ്പോര്ട്ട്; പഠിച്ച ശേഷം പ്രതികരിക്കും: സിദ്ധിഖ്
Monday, August 19, 2024 4:26 PM IST
കൊച്ചി: ഹേമ കമ്മിറ്റി റിപ്പോര്ട്ട് പഠിച്ച ശേഷം പ്രതികരിക്കാമെന്ന് അമ്മ ജനറല് സെക്രട്ടറി സിദ്ധിഖ്. അമ്മ ഷോ റിഹേഴ്സല് തിരക്കിലാണ്. റിപ്പോര്ട്ട് വിശദമായി പഠിച്ച് മറുപടി പറയുമെന്നും സിദ്ധിഖ് പ്രതികരിച്ചു.
റിപ്പോര്ട്ട് ഏത് തരത്തിലാണ് ഞങ്ങളെ ബാധിക്കുന്നതെന്നോ ഏത് കാര്യത്തിനാണ് മറുപടി പറയേണ്ടതെന്നോ ധാരണയില്ല. മറ്റ് സംഘടനകളുമായി ചേര്ന്ന് ആലോചിച്ച ശേഷം അമ്മ പ്രതികരിക്കും. വളരെ സെന്സിറ്റീവായി കൈകാര്യം ചെയ്യേണ്ട വിഷയം വിശദമായി പഠിച്ച ശേഷം പ്രതികരിക്കും.
എന്ത് രീതിയിലാണ് വിവേചനം ആരാണ് പരാതിപ്പെട്ടതെന്നും ആര്ക്കെതിരെയാണ് പരാതിപ്പെട്ടതെന്നും ഉള്പ്പെടെയുള്ള കാര്യങ്ങള് പഠിക്കേണ്ടതുണ്ട്. എന്തെങ്കിലും അറിഞ്ഞ് പ്രതികരിക്കാന് സാധിക്കില്ലെന്നും സിദ്ധിഖ് പറഞ്ഞു.