കോഴിക്കോട് ബോട്ടില് പോയ യുവാക്കള് ഒഴുക്കിൽപ്പെട്ടു; രക്ഷപ്പെടുത്തി നാട്ടുകാര്
Wednesday, July 31, 2024 2:00 AM IST
കോഴിക്കോട്: വെസ്റ്റ് കൊടിയത്തൂരില് ഇരുവഴഞ്ഞിപുഴയില് ബോട്ടില് പോയ രണ്ട് യുവാക്കള് ഒഴുക്കില്പ്പെട്ടു. തലകീഴായി മറിഞ്ഞ ബോട്ടില് പിടിച്ച് പുഴയിലൂടെ ഒഴുകിയ യുവാക്കളെ നാട്ടുകാര് രക്ഷപ്പെടുത്തി.
സമീപത്തെ പാലത്തിന് മുകളില് കൂടിയ നാട്ടുകാര് കയര് താഴേക്ക് എറിഞ്ഞുനല്കിയാണ് യുവാക്കളെ രക്ഷപ്പെടുത്തിയത്. വെസ്റ്റ് കൊടിയത്തൂര് ഭാഗത്തുള്ള തൂക്കുപാലത്തില് തട്ടിയാണ് ബോട്ട് മറിഞ്ഞതെന്നാണ് യുവാക്കള് നാട്ടുകാരോട് പറഞ്ഞത്. തങ്ങള് രക്ഷാപ്രവര്ത്തനത്തിന് ഇറങ്ങിയതാണെന്നും ഇവര് സൂചിപ്പിച്ചിരുന്നു.
എന്നാല് അമിത വേഗതയില് ഇവര് അനാവശ്യമായി ബോട്ടില് കറങ്ങുകയായിരുന്നുവെന്ന് നാട്ടുകാര് ആരോപിച്ചു. അപകടത്തില് യുവാക്കള്ക്ക് പരിക്കുകളൊന്നുമില്ല.