Latest News
ദക്ഷിണാഫ്രിക്കയ്‌ക്കെതിരെ മിന്നും വിജയവുമായി ഇന്ത്യ
ദക്ഷിണാഫ്രിക്കയ്‌ക്കെതിരെ മിന്നും വിജയവുമായി ഇന്ത്യ
Friday, December 15, 2023 12:25 AM IST
വെബ് ഡെസ്ക്
ജോഹന്നാസ്ബര്‍ഗ്: ദക്ഷിണാഫ്രിക്കക്കെതിരെ നടന്ന രണ്ടാം ട്വന്‍റി 20 മത്സരത്തില്‍ ഇന്ത്യയ്ക്ക് 106 റണ്‍സിന്‍റെ മിന്നും വിജയം. ഏഴ് വിക്കറ്റ് നഷ്ടത്തില്‍ 201 റണ്‍സ് നേടിയ ഇന്ത്യയ്‌ക്കെതിരെ ബാറ്റിംഗിന് ഇറങ്ങിയ ദക്ഷിണാഫ്രിക്കന്‍ ബാറ്റര്‍മാര്‍ക്ക് വെറും 95 റണ്‍സ് മാത്രം നേടി അടിയറവ് പറയേണ്ടി വന്നു.

ഇന്ത്യന്‍ ക്യാപ്റ്റന്‍ സൂര്യകുമാര്‍ യാദവിന്‍റെ സെഞ്ചുറിയും ഓപ്പണര്‍ യശ്വസി ജയ്‌സ്വാളിന്‍റെ അര്‍ധ സെഞ്ചുറിയുമാണ് ഇന്ത്യയ്ക്ക് നേട്ടമായത്. അഞ്ച് വിക്കറ്റ് നേടിയ കുല്‍ദീപ് യാദവും രണ്ട് വിക്കറ്റ് നേടിയ രവീന്ദ്ര ജഡേജയും ഇന്ത്യന്‍ വിജയക്കുതിപ്പിന് വേഗത കൂട്ടി.

രാജ്യാന്തര ട്വന്‍റി20യിൽ സൂര്യകുമാറിന്‍റെ നാലാം സെഞ്ചുറിയാണ്. 56 പന്തില്‍ എട്ട് സിക്‌സും ഏഴ് ഫോറും അടക്കം സൂര്യകുമാര്‍ 100 റണ്‍സ് നേടി. സൂര്യകുമാറിനൊപ്പം ഓപ്പണര്‍ യശസ്വി ജയ്‌സ്വാളും (60) തിളങ്ങി. ഇരുവരുടെയും മികവില്‍ ഇന്ത്യ 20 ഓവറില്‍ ഏഴ് വിക്കറ്റ് നഷ്ടത്തില്‍ 201 റണ്‍സ് നേടി.


ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിംഗിന് അയച്ചു. ശുഭ്മാന്‍ ഗില്ലും യശസ്വി ജയ്‌സ്വാളും ചേര്‍ന്ന് തകര്‍പ്പന്‍ തുടക്കമാണ് ഇന്ത്യക്കു നല്‍കിയത്. എന്നാല്‍, ഏഴ് പന്തില്‍ 12 റണ്‍സ് നേടിയ ഗില്ലിനെ കേശവ് മഹാരാജ് വിക്കറ്റിനു മുന്നില്‍ കുടുക്കി. തൊട്ടടുത്ത പന്തില്‍ തിലക് വര്‍മയെയും (0) പുറത്താക്കി കേശവ് മഹാരാജ് ഇരട്ടപ്രഹരമേകി.

എന്നാല്‍, ജയ്‌സ്വാള്‍ സൂര്യകുമാര്‍ കൂട്ടുകെട്ട് ഇന്ത്യയെ മുന്നോട്ട് നയിച്ചു. മൂന്നാം വിക്കറ്റില്‍ ഇരുവരും ചേര്‍ന്ന് 70 പന്തില്‍ 112 റണ്‍സ് അടിച്ചുകൂട്ടി. 41 പന്തില്‍ മൂന്ന് സിക്‌സും ആറ് ഫോറും അടക്കം 60 റണ്‍സ് നേടിയ യശസ്വിയെ പുറത്താക്കി ഷംസി ആ കൂട്ടുകെട്ട് പൊളിച്ചു.

റിങ്കു സിംഗ് (10 പന്തില്‍ 14) കാര്യമായ ചലനം സൃഷ്ടിക്കാതെ മടങ്ങി. ദക്ഷിണാഫ്രിക്കയ്ക്കുവേണ്ടി കേശവ് മഹാരാജിനൊപ്പം ലിസാഡ് വില്യംസും രണ്ട് വിക്കറ്റ് സ്വന്തമാക്കി.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക


<
Copyright @ 2022 , Rashtra Deepika Ltd.