വാഹനങ്ങള് പരിശോധിച്ച് ക്രമക്കേടു കണ്ടെത്തുയാണ് സ്ക്വാഡുകളുടെ ചുമതല. എന്നാല് ആവശ്യമായ സ്ക്വാഡുകള് ഇല്ലാത്തതിനാല് ആയിരക്കണക്കിന് ഹെവി വാഹനങ്ങള് ചരക്ക് ഇറക്കിയശേഷം സുരക്ഷിതമായി തിരികെ പോകുന്നു. പരിശോധനകള് നടക്കാത്തതോടെ സംസ്ഥാനത്തിനു കിട്ടേണ്ട നികുതി വലിയ തോതില് നഷ്ടപ്പെടുകയാണ്.
വിവിധ വകുപ്പുകളില് ഓണ്ലൈന് സ്ഥലംമാറ്റം നടപ്പിലാക്കിയെങ്കിലും ജിഎസ്ടി വകുപ്പില് ഇതു നപ്പാക്കിയിട്ടില്ല. അവസാന തീയതി കഴിഞ്ഞിട്ടും സ്ഥലമാറ്റം പൂര്ത്തികരിച്ച് ഉത്തരവ് ഇറക്കിയിട്ടുമില്ല. പുനഃസംഘടനയുടെ മറവില് ഇറങ്ങിയ സ്ഥലംമാറ്റ ഉത്തരവുകളും പ്രമോഷന് നിയമനങ്ങളും മാനദണ്ഡങ്ങള് പാലിക്കാതെയാണെന്നും പരാതിയുണ്ട്.
ഖജനാവിലേക്ക് 80 ശതമാനം പണം കണ്ടെത്തുന്ന ജിഎസ്ടി വകുപ്പില് ഇരുന്നൂറിലേറെ പ്രധാന തസ്തികകള് ഒഴിഞ്ഞു കിടക്കുന്നതും വകുപ്പ് പ്രവര്ത്തനങ്ങളെ പ്രതികൂലമായി ബാധിക്കുന്നു.