ആയുധങ്ങൾ ഇസ്രയേലിലേക്കു കയറ്റുമതി ചെയ്യുന്നത് നിരോധിക്കണം. ഹമാസ്-ഇസ്രയേൽ യുദ്ധം തുടങ്ങിയതിന്റെ ഒന്നാം വാർഷികദിനമായ ഒക്ടോബർ ഏഴ് പ്രതിഷേധദിനമായി ആചരിക്കാനും കേന്ദ്ര കമ്മിറ്റി യോഗം തീരുമാനിച്ചു.
കലാപം തുടങ്ങി 16 മാസമായിട്ടും ഒരിക്കൽപോലും മണിപ്പുർ സന്ദർശിക്കാത്ത പ്രധാനമന്ത്രി നരേന്ദ്ര മോദിയെ കേന്ദ്ര കമ്മിറ്റി വിമർശിച്ചു. മണിപ്പുരിലെ രാഷ്ട്രീയ സാഹചര്യങ്ങൾ മെച്ചപ്പെടണമെങ്കിൽ മുഖ്യമന്ത്രി ബിരേൻ സിംഗ് രാജിവയ്ക്കണം.
ഇലക്ടറൽ ബോണ്ട് കേസിൽ ധനമന്ത്രി നിർമല സീതാരാമനെതിരേ സമഗ്രമായ അന്വേഷണം വേണം. ബംഗാളിൽ പിജി ഡോക്ടർ പീഡനത്തിനിരയായി കൊല്ലപ്പെട്ടതിൽ ഡോക്ടർമാർ നടത്തുന്ന പ്രതിഷേധങ്ങൾക്ക് പിന്തുണയറിയിച്ചു.
പെട്രോൾ- ഡീസൽ വിലവർധനവ്, തൊഴിലില്ലായ്മ, അടിസ്ഥാനസേവനങ്ങളുടെ സ്വകാര്യവത്കരണം, സ്ത്രീകൾക്കെതിരേയുള്ള ലൈംഗികാതിക്രമങ്ങൾ എന്നീ വിഷയങ്ങളിൽ സിപിഎം പ്രതിഷേധമറിയിക്കും. ഈ മാസം 15 മുതൽ ഒരു മാസത്തേക്ക് ഓരോ സംസ്ഥാനങ്ങളിലും ഒരാഴ്ച നീളുന്ന പ്രതിഷേധപരിപാടികൾ സംഘടിപ്പിക്കാനാണു കേന്ദ്ര കമ്മിറ്റി തീരുമാനം.