കായംകുളം: കാദീശാ ഓർത്തഡോക്സ് പള്ളിയുടെ സഹസ്രോത്തര ദ്വിശതാബ്ദി ആഘോഷങ്ങളുടെ ഭാഗമായി ജനകീയ കുടിവെള്ള പദ്ധതി തീർഥം നാടിന് സമർപ്പിച്ചു . അഡ്വ യു. പ്രതിഭ എംഎൽഎ ഉദ്ഘാടനം നിർവഹിച്ചു . 24 മണിക്കൂറും പൊതുജനങ്ങൾക്ക് ശുദ്ധമായ തണുത്ത വെള്ളവും ചൂടുവെള്ളവും ലഭ്യമാക്കുന്ന സംവിധാനമാണ് ഒരുക്കിയിരിക്കുന്നത്.
ഒരു വർഷകാലം നീണ്ടുനിൽക്കുന്ന വിപുലമായ ആഘോഷ പരിപാടികൾ ആണ് സഹസ്രോത്തര ദ്വിശതാബ്ദി ആഘോഷങ്ങളോടനുബന്ധിച്ച് കാദീശാ പള്ളിയിൽ സംഘടിപ്പിച്ചിട്ടുള്ളത്. വികാരി റവ. ഫാ. കോശി മാത്യുവിന്റെ അധ്യക്ഷത വഹിച്ചു. അസി. വികാരി ഫാ ബിനു ഈശോ, അഡ്വ പി.സി. റെഞ്ചി, പി.സി. റോയ്, ബിനു കോശി, അഡ്വ. ജോസഫ് ജോൺ, ഷിജു ഇഞ്ചക്കൽ, കാക്കനാട് ബിജു, ജെ. ബേബി, തോമസ് പാണാലി, സി. കോശി എന്നിവർ പ്രസംഗിച്ചു.