ഹരിപ്പാട്: യാത്രക്കാരുമായി പോവുകയായിരുന്ന കെഎസ്ആർടിസി ബസ് ചതുപ്പിലേക്ക് ചരിഞ്ഞു. നാരകത്തറ അമ്പലാശേരി കടവ് റൂട്ടിൽ തയ്യിൽ ജംഗ്ഷന് സമീപമായിരുന്നു സംഭവം. അമ്പലശേരിക്കടവിൽനിന്നു കൊല്ലം ചവറയിലേക്ക് പോവുകയായിരുന്ന ബസ് നിർത്തിയിട്ടിരുന്ന ഓട്ടോറിക്ഷയെ മറികടക്കുമ്പോൾ തിട്ടയിടിഞ്ഞ് സമീപത്തെ ചതിപ്പിലേക്ക് ചരിയുകയായിരുന്നു. ബസിൽ നിറയെ യാത്രക്കാർ ഉണ്ടായിരുന്നെങ്കിലും ആർക്കും പരിക്കില്ല.