ഹരിപ്പാട്: അനധികൃത വിദേശമദ്യം പിടികൂടി. ഒരാള്‍ അറസ്റ്റില്‍.തൃക്കുന്നപ്പുഴ പള്ളിപ്പാട്ട്മുറി പറയന്‍തറവീട്ടില്‍ രഘുവിനെ(70)യാണ് എക്‌സൈസ് സംഘം പിടികൂടിയത്. മദ്യശാലകള്‍ അവധിയുള്ള ദിവസങ്ങളില്‍ വന്‍തോതില്‍ വിദേശമദ്യം വീട്ടില്‍ ശേഖരിച്ച് വില്‍പ്പന നടത്തുന്നതാണ് രഘുവിന്‍റെ പതിവ്.
ഓണം സ്‌പെഷല്‍ ഡ്രൈവിനോടനുബന്ധിച്ച് ഹരിപ്പാട് എക്‌സൈസ് സര്‍ക്കിള്‍ സംഘവും ആലപ്പുഴ ഐബിയും ചേര്‍ന്ന് നടത്തിയ പരിശോധനയിലാണ് രഘുവിനെ പിടികൂടിയത്. ഇയാളുടെ വീട്ടില്‍നിന്ന് അര ലിറ്ററിന്‍റെ 204 കുപ്പി മദ്യം കണ്ടെടുത്തു. ഒരു ലക്ഷത്തിലധികം രൂപയുടെ മദ്യമാണ് പിടിച്ചെടുത്തത്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.