ചെ​ന്നീ​ര്‍​ക്ക​ര​യി​ലെ പ്രൗ​ഡ് ഫാ​ര്‍​മേ​ഴ്‌​സ് വാ​ട്‌​സ്ആ​പ് കൂ​ട്ടാ​യ്മ​യു​ടെ ഓ​ണ​വി​പ​ണി സൂ​പ്പ​ര്‍ ഹി​റ്റാ​യി
Tuesday, September 17, 2024 12:46 AM IST
പ​ത്ത​നം​തി​ട്ട: ക​ര്‍​ഷ​ക​രു​ടെ ഉ​ത്പ​ന്ന​ങ്ങ​ള്‍​ക്ക് ന്യാ​യ​വി​ല ഉ​റ​പ്പാ​ക്കു​ന്ന​തി​നൊ​പ്പം വി​ഷ​ര​ഹി​ത ഉ​ത്പ​ന്ന​ങ്ങ​ള്‍ ല​ഭ്യ​മാ​ക്കു​ക എ​ന്ന ല​ക്ഷ്യ​ത്തോ​ടെ രൂ​പീ​ക​രി​ച്ച വാ​ട്സ് ​ആ​പ് കൂ​ട്ടാ​യ്മ പ്രൗ​ഡ് ഫാ​ര്‍​മേ​ഴ്‌​സി​ന്‍റെ ഓ​ണം വി​പ​ണി ഹി​റ്റാ​യി.

ചെ​ന്നീ​ര്‍​ക്ക​ര​യി​ലെ 1024 ക​ര്‍​ഷ​ക​ര്‍ ചേ​ര്‍​ന്ന് ഏ​താ​നും മാ​സ​ങ്ങ​ള്‍​ക്കു മാ​ത്രം മു​ന്‍​പ് രൂ​പീ​ക​രി​ച്ച സോ​ഷ്യ​ല്‍ മീ​ഡി​യാ കൂ​ട്ടാ​യ്മ​യാ​ണ് പ്രൗ​ഡ് ഫാ​ര്‍​മേ​ഴ്‌​സ്. ക​ര്‍​ഷ​ക​ര്‍​ക്ക് അ​വ​ര്‍ ഉ​ത്പാ​ദി​പ്പി​ക്കു​ന്ന വി​ള​ക​ള്‍ അ​വ​ശ്യ​ക്കാ​രി​ലെ​ത്തി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണ് പ്ര​വ​ര്‍​ത്ത​നം ആ​രം​ഭി​ച്ച​ത്. കാ​ര്‍​ഷി​ക ഉ​ത്പ​ന്ന​ങ്ങ​ള്‍ ഓ​ര്‍​ഡ​ര്‍ അ​നു​സ​രി​ച്ച് വീ​ടു​ക​ളി​ലെ​ത്തി​ച്ച് കൊ​ടു​ക്കു​ക​യാ​ണ് പ്ര​ധാ​ന​മാ​യും ഈ ​കൂ​ട്ടാ​യ്മ ല​ക്ഷ്യം​വ​യ്ക്കു​ന്ന​ത്.

ക​ര്‍​ഷ​ക​ൻ ന​ല്‍​കു​ന്ന അ​തേ വി​ല​യ്ക്കുത​ന്നെ ഉ​പ​ഭോ​ക്താ​വി​നും സാ​ധ​ന​ങ്ങ​ള്‍ ല​ഭ്യ​മാ​കും. ലാ​ഭം ല​ക്ഷ്യ​മാ​ക്കി​യ​ല്ല സം​സ്ഥാ​ന​ത്തി​നാ​കെ മാ​തൃ​ക​യാ​യ ഈ ​ന​വമാ​ധ്യ​മ ക​ര്‍​ഷ​ക കൂ​ട്ടാ​യ്മ​യു​ടെ ല​ക്ഷ്യം.


കാ​ന്‍​സ​റി​നെ​തി​രാ​യ പ്ര​തി​രോ​ധ​മാ​ണ് കൂ​ട്ടാ​യ്മ പ്ര​ധാ​ന​മാ​യും ല​ക്ഷ്യംവ​യ്ക്കു​ന്ന​തെ​ന്നു കൂ​ട്ടാ​യ്മ​യു​ടെ പ്ര​വ​ര്‍​ത്ത​ക​യാ​യ സോ​ഫി പ​റ​ഞ്ഞു. ക​ര്‍​ഷ​ക​രെ ചൂ​ഷ​ണം​ചെ​യ്യു​ന്ന ഇ​ട​നി​ല​ക്കാ​രെ ഒ​ഴി​വാ​ക്കി ക​ര്‍​ഷ​ക​ര്‍​ക്ക് ന്യാ​യ​വി​ല ഉ​റ​പ്പാ​ക്കു​ക​യും ഉ​ത്പ​ന്ന​ങ്ങ​ള്‍​ക്ക് വി​പ​ണി ഉ​റ​പ്പാ​ക്കാ​നും കൂ​ട്ടാ​യ്മ ഏ​റെ സ​ഹാ​യ​കമാ​ണ്. പ്ര​വ​ര്‍​ത്ത​നം ശ​ക്ത​മാ​യ​തോ​ടെ ഊ​ന്നു​ക​ല്ലി​ലും ഇ​ല​വും​തി​ട്ട ജം​ഗ്ഷ​നി​ലും ര​ണ്ടു സ്റ്റാ​ളു​ക​ളും തു​റ​ന്നി​ട്ടു​ണ്ട്.

നീ​ണ്ട​ക​ര, ആ​ല​പ്പു​ഴ എ​ന്നി​വി​ട​ങ്ങ​ളി​ല്‍നി​ന്ന് വി​ഷ​ര​ഹി​ത​മാ​യ മ​ത്സ്യം എ​ത്തി​ച്ച് വി​പ​ണ​നം ചെ​യ്യു​ന്ന​തി​ലൂ​ടെ​യാ​ണ് ഈ ​ന​വമാ​ധ്യ​മ കൂ​ട്ടാ​യ്മ പ്ര​വ​ര്‍​ത്ത​ന​ത്തി​നു​ള്ള ഫ​ണ്ട് ക​ണ്ടെ​ത്തു​ന്ന​ത്. മ​ത്സ്യം സ്റ്റാ​ളു​ക​ളി​ല്‍ എ​ത്തു​മ്പോ​ള്‍ത്ത​ന്നെ വാ​ട്‌​സാ​പ്പി​ലൂ​ടെ ഓ​ര്‍​ഡ​ര്‍ ല​ഭി​ച്ചു ക​ഴി​ഞ്ഞി​രി​ക്കും. നേ​രി​ട്ടോ ഹോം ​ഡെ​ലി​വ​റി​യി​ലൂ​ടെ​യോ ഉ​ത്പ​ന്ന​ങ്ങ​ള്‍ ല​ഭ്യ​മാ​കും.