എ​ടി​എം നി​റ​യ്ക്കാ​ന്‍ കൊ​ണ്ടു​വ​ന്ന 50 ല​ക്ഷം ക​വ​ര്‍​ന്ന സം​ഭ​വം: ത​മി​ഴ്‌​നാ​ട് സ്വ​ദേ​ശി അ​റ​സ്റ്റി​ല്‍
Wednesday, September 4, 2024 8:03 AM IST
കാ​സ​ര്‍​ഗോ​ഡ്: ഉ​പ്പ​ള ആ​ക്‌​സി​സ് ബാ​ങ്കി​ലെ എ​ടി​എ​മ്മി​ലേ​ക്ക് പ​ണം നി​റ​യ്ക്കാ​ന്‍ കൊ​ണ്ടു​വ​ന്ന വാ​നി​ല്‍ നി​ന്ന് 50 ല​ക്ഷം ക​വ​ര്‍​ന്ന ഒ​രാ​ളെ സാ​ഹ​സി​ക​മാ​യി പി​ടി​കൂ​ടി. ത​മി​ഴ്‌​നാ​ട് സ്വ​ദേ​ശി​യാ​യ മു​ത്തു​കു​മ​ര​നെ​യാ​ണ് (47) തി​രു​ച്ചി​റ​പ്പ​ള്ളി രാം​ജി ന​ഗ​റി​ല്‍ വ​ച്ച് അ​റ​സ്റ്റ് ചെ​യ്ത​ത്.

മാ​ര്‍​ച്ച് 27ന് ​ഉ​ച്ച​യ്ക്ക് ര​ണ്ടി​ന് ഉ​പ്പ​ള ടൗ​ണി​ലാ​ണ് കേ​സി​നാ​സ്പ​ദ​മാ​യ സം​ഭ​വം. പ​ണം നി​റ​യ്ക്കാ​ന്‍ വ​ന്ന വാ​നി​ന്‍റെ ചി​ല്ല് പ​ട്ടാ​പ്പ​ക​ല്‍ നി​മി​ഷ​നേ​രം കൊ​ണ്ട് ത​ക​ര്‍​ത്താ​ണ് ത​മി​ഴ്‌​നാ​ട് സ്വ​ദേ​ശി​ക​ളാ​യ മൂ​ന്നു​പേ​ര്‍ ചേ​ര്‍​ന്ന് പ​ണം ക​വ​ര്‍​ന്ന​ത്. എ​ടി​എം മെ​ഷീ​നി​ല്‍ നി​റ​യ്ക്കാ​നാ​യി ഒ​രു കോ​ടി രൂ​പ​യാ​ണ് വാ​നി​ല്‍ കൊ​ണ്ടു​വ​ന്ന​ത്. 50 ല​ക്ഷം വീ​ത​മു​ള്ള ര​ണ്ടു ബോ​ക്‌​സു​ക​ളി​ലാ​യാ​ണ് പ​ണം സൂ​ക്ഷി​ച്ചി​രു​ന്ന​ത്.

വ​ണ്ടി ലോ​ക്ക് ചെ​യ്ത​ശേ​ഷം ഒ​രു ബോ​ക്‌​സു​മാ​യി വാ​ന്‍ ഡ്രൈ​വ​ര്‍ എ​ടി​എം കൗ​ണ്ട​റി​ലേ​ക്ക് പോ​യ ത​ക്ക​ത്തി​നാ​ണ് വാ​നി​ന്‍റെ ചി​ല്ല് ത​ക​ര്‍​ത്ത് ക​വ​ര്‍​ച്ച ന​ട​ത്തി​യ​ത്.

പ്ര​ദേ​ശ​ത്തെ സി​സി​ടി​വി പ​രി​ശോ​ധി​ച്ച​പ്പോ​ള്‍ ഒ​രാ​ള്‍ ബാ​ഗു​മാ​യി ക​ട​ന്നു​ക​ള​യു​ന്ന ദൃ​ശ്യം ല​ഭി​ച്ചി​രു​ന്നു. കൂ​ടു​ത​ല്‍ സി​സി​ടി​വി കാ​മ​റ​ക​ള്‍ പ​രി​ശോ​ധി​ച്ച​പ്പോ​ള്‍ ബാ​ഗു​മാ​യി ക​ട​ന്ന​യാ​ള്‍​ക്കൊ​പ്പം മ​റ്റു ര​ണ്ടു​പേ​രും മം​ഗ​ളൂ​രു ഭാ​ഗ​ത്തു​നി​ന്നും ബ​സി​ല്‍ വ​ന്നി​റ​ങ്ങു​ന്ന​തും ക​വ​ര്‍​ച്ച​യ്ക്കു​ശേ​ഷം ഉ​പ്പ​ള​യി​ല്‍​നി​ന്ന് ഓ​ട്ടോ​യി​ല്‍ ക​യ​റി കു​മ്പ​ള ഭാ​ഗ​ത്തേ​ക്ക് പോ​കു​ന്ന​തു​മാ​യ ദൃ​ശ്യ​വും പോ​ലീ​സി​ന് ല​ഭി​ച്ചു. ഉ​പ്പ​ള ടൗ​ണി​ല്‍ നി​ന്നും 19 കി​ലോ​മീ​റ്റ​ര്‍ അ​ക​ലെ​യു​ള്ള കു​മ്പ​ള റെ​യി​ല്‍​വേ സ്റ്റേ​ഷ​നി​ലാ​ണ് സം​ഘം ഇ​റ​ങ്ങി​യ​ത്.


ബം​ഗ​ളു​രു​വി​ലേ​ക്കു​ള്ള ട്രെ​യി​ന്‍ ഇ​വി​ടെ നി​ര്‍​ത്തി​ല്ലെ​ന്നു മ​ന​സി​ലാ​ക്കി​യ സം​ഘം മ​റ്റൊ​രു ഓ​ട്ടോ​യി​ല്‍ ക​യ​റി 13 കി​ലോ​മീ​റ്റ​ര്‍ അ​ക​ലെ​യു​ള്ള കാ​സ​ര്‍​ഗോ​ഡ് റെ​യി​ല്‍​വേ സ്‌​റ്റേ​ഷ​നി​ലെ​ത്തി വൈ​കു​ന്നേ​ര​ത്തെ ക​ണ്ണൂ​ര്‍-​യ​ശ്വ​ന്ത്പൂ​ര്‍ എ​ക്‌​സ്പ്ര​സി​ല്‍ ക​ട​ന്നു​ക​ള​യു​ക​യാ​യി​രു​ന്നു. ടി​ക്ക​റ്റ് എ​ടു​ത്തു​ന​ല്‍​കി​യ​ത് ചെ​റു​വ​ത്തൂ​ര്‍ സ്റ്റേ​ഷ​നി​ല്‍ നി​ന്നാ​ണെ​ന്നും വ്യ​ക്ത​മാ​യി​രു​ന്നു. ജി​ല്ലാ പോ​ലീ​സ് മേ​ധാ​വി ഡി.​ശി​ല്പ​യു​ടെ മേ​ല്‍​നോ​ട്ട​ത്തി​ല്‍ കാ​സ​ര്‍​ഗോ​ഡ് ഡി​വൈ​എ​സ്പി സി.​കെ.​സു​നി​ല്‍ കു​മാ​ര്‍, മ​ഞ്ചേ​ശ്വ​രം ഇ​ന്‍​സ്പെ​ക്ട​ര്‍ ടോ​ള്‍​സ​ണ്‍ ജോ​സ​ഫ് എ​ന്നി​വ​രു​ടെ നേ​തൃ​ത്വ​ത്തി​ല്‍ എ​സ്‌​ഐ വി​ശാ​ഖ്, എ​എ​സ്‌​ഐ​മാ​രാ​യ ദി​നേ​ശ് രാ​ജ​ന്‍, സ​ദ​ന്‍ എ​ന്നി​വ​രാ​ണ് പ്ര​തി​യെ പി​ടി​ച്ച​ത്.