വി​ദ്യാ​ധ​നം കു​ടി​യേ​റ്റ​ ജീ​വി​ത​ത്തി​ന്‍റെ അ​ടി​സ്ഥാ​ന ​പ്ര​മാ​ണം: മാ​ർ ജോ​സ​ഫ് പാം​പ്ലാ​നി
Wednesday, September 4, 2024 8:03 AM IST
പാ​ലാ​വ​യ​ൽ: വി​ദ്യാ​ധ​നം സ​ർ​വ​ധ​നാ​ൽ പ്ര​ധാ​ന​മെ​ന്ന​ത് കേ​വ​ലം വി​ദ്യാ​ർ​ഥി​ക​ളു​ടെ ഉ​പ​ന്യാ​സ വി​ഷ​യ​മാ​യി​രു​ന്നി​ല്ലെ​ന്നും അ​ത് കു​ടി​യേ​റ്റ​ജ​ന​ത​യു​ടെ ജീ​വി​ത​ത്തി​ന്‍റെ അ​ടി​സ്ഥാ​ന​പ്ര​മാ​ണ​മാ​യി​രു​ന്നെ​ന്നും ആ​ർ​ച്ച്ബി​ഷ​പ് മാ​ർ ജോ​സ​ഫ് പാം​പ്ലാ​നി.

ത​ല​ശേ​രി കോ​ർ​പ​റേ​റ്റ് വി​ദ്യാ​ഭ്യാ​സ ഏ​ജ​ൻ​സി​യു​ടെ കീ​ഴി​ൽ ചെ​റു​പു​ഴ-​തോ​മാ​പു​രം മേ​ഖ​ല​യി​ൽ നി​ന്നു വി​ര​മി​ച്ച അ​ധ്യാ​പ​ക​രു​ടെ​യും അ​ന​ധ്യാ​പ​ക​രു​ടെ​യും സം​ഗ​മ​വും ഈ ​വ​ർ​ഷ​ത്തെ കോ​ർ​പ​റേ​റ്റ്ത​ല അ​ധ്യാ​പ​ക​ദി​നാ​ച​ര​ണ​വും "ഗു​രു​സാ​ദ​രം' എ​ന്ന പേ​രി​ൽ പാ​ലാ​വ​യ​ൽ സെ​ന്‍റ് ജോ​ൺ​സ് പാ​രി​ഷ് ഹാ​ളി​ൽ ഉ​ദ്ഘാ​ട​നം ചെ​യ്തു പ്ര​സം​ഗി​ക്കു​ക​യാ​യി​രു​ന്നു അ​ദ്ദേ​ഹം. ച​രി​ത്ര​ത്തെ ത​ങ്ങ​ൾ​ക്ക് ഇ​ഷ്ട​മു​ള്ള രീ​തി​യി​ൽ പു​നഃ​സൃ​ഷ്ടി​ക്കാ​നു​ള്ള വ്യ​ഗ്ര​ത​യി​ൽ ഒ​രു സ​മു​ദാ​യ​ത്തെ​യും സ​മൂ​ഹ​ത്തേ​യും അ​ക്ഷ​ന്ത​വ്യ​മാ​യ ആ​രോ​പ​ണ​ങ്ങ​ളു​ടെ ശ​ര​ശ​യ്യ​യി​ൽ നി​ർ​ത്താ​ൻ ശ്ര​മി​ക്കു​മ്പോ​ൾ ക​ഴി​ഞ്ഞ ത​ല​മു​റ​യ്ക്ക് ദി​ശാ​ബോ​ധം ന​ൽ​കി​യ അ​ധ്യാ​പ​ക​ർ ച​രി​ത്ര​ത്തി​ന്‍റെ യ​ഥാ​ർ​ഥ സാ​ക്ഷി​ക​ളാ​ണെ​ന്ന് മാ​ർ പാം​പ്ലാ​നി പ​റ​ഞ്ഞു.


വി​കാ​രി ജ​ന​റാ​ൾ മോ​ൺ. ആ​ന്‍റ​ണി മു​തു​കു​ന്നേ​ൽ അ​ധ്യ​ക്ഷ​ത വ​ഹി​ച്ചു. കോ​ർ​പ​റേ​റ്റ് മാ​നേ​ജ​ർ ഫാ. ​മാ​ത്യു ശാ​സ്താം​പ​ട​വി​ൽ, പാ​ലാ​വ​യ​ൽ സെ​ന്‍റ് ജോ​ൺ​സ് പ​ള്ളി വി​കാ​രി ഫാ. ​ജോ​സ് മാ​ണി​ക്ക​ത്താ​ഴെ, ടീ​ച്ചേ​ഴ്സ് ഗി​ൽ​ഡ് റീ​ജ​ണ​ൽ വൈ​സ് പ്ര​സി​ഡ​ന്‍റ് ജി​മ്മി സൈ​മ​ൺ, സെ​ന്‍റ് ജോ​ൺ​സ് എ​ച്ച്എ​സ്എ​സ് പ്രി​ൻ​സി​പ്പ​ൽ ഡോ. ​മെ​ൻ​ഡ​ലി​ൻ മാ​ത്യു എ​ന്നി​വ​ർ പ്ര​സം​ഗി​ച്ചു.

വി​ശ്ര​മ​ജീ​വി​ത​ത്തെ ശ​ക്തി​പ്പെ​ടു​ത്ത​ൽ എ​ന്ന വി​ഷ​യ​ത്തി​ൽ ഷോ​ണ​റ്റ് പാ​റ​ത്താ​ഴ​ത്ത് ക്ലാ​സെ​ടു​ത്തു. പാ​ലാ​വ​യ​ൽ സെ​ന്‍റ് ജോ​ൺ​സ് സ്കൂ​ളി​ലെ ചി​ത്ര​ക​ലാ​ധ്യാ​പ​ക​ൻ അ​നീ​ഷ് ജോ​ൺ സം​വി​ധാ​നം ചെ​യ്ത ത​മ​സോ​മാ ജ്യോ​തി​ർ​ഗ​മ​യ എ​ന്ന ടെ​ലി​ഫി​ലി​മി​ന്‍റെ പ്ര​ദ​ർ​ശ​ന​വും ഹ​യ​ർ സെ​ക്ക​ൻ​ഡ​റി വി​ഭാ​ഗം ദ​ശ​വാ​ർ​ഷി​ക​ത്തോ​ട​നു​ബ​ന്ധി​ച്ച് ത​യാ​റാ​ക്കി​യ വൈ​ഖ​രി മാ​സി​ക​യു​ടെ പ്ര​കാ​ശ​ന​വും ന​ട​ന്നു.