പനത്തടി: കാർഷിക മേഖലയിൽ വിലയിടിവും വന്യമൃഗശല്യവും കാരണം ബുദ്ധിമുട്ടുന്ന കർഷകർക്ക് നേരെ കൃഷിവകുപ്പിന്‍റെ ഇരുട്ടടിയായി കാർഷിക ആവശ്യത്തിനുള്ള സൗജന്യ വൈദ്യുതി കണക്ഷൻ അനർഹർ എന്നു കണ്ടെത്തി കുടിശിക അടക്കം പണമടയ്ക്കണമെന്ന ഉത്തരവ് മരവിപ്പിക്കണമെന്ന് പനത്തടി കോൺഗ്രസ് മണ്ഡലം കമ്മിറ്റി ആവശ്യപ്പെട്ടു.
മണ്ഡലം ഭാരവാഹികളുടെ സ്ഥാനാരോഹണചടങ്ങ് ഡിസിസി ജനറൽ സെക്രട്ടറി എം.സി. പ്രഭാകരൻ ഉദ്ഘാടനം ചെയ്തു. മണ്ഡലം പ്രസിഡന്‍റ് കെ.ജെ. ജയിംസ് അധ്യക്ഷത വഹിച്ചു. ഡിസിസി ജനറൽ സെക്രട്ടറി പി.വി. സുരേഷ്. ബളാൽ ബ്ലോക്ക് പ്രസിഡന്‍റ് മധുസൂദനൻ ബാലൂർ, എം.എം. തോമസ്, സണ്ണി ഇലവുങ്കൽ, എസ്. മധുസൂദനൻ റാണിപുരം, രാധ സുകുമാരൻ, ജോസ് നാഗരോലി, പി.ഡി. അജീഷ് എന്നിവർ പ്രസംഗിച്ചു. എം. ജയകുമാർ സ്വാഗതവും വി.ഡി. തോമസ് നന്ദിയും പറഞ്ഞു. മുതിർന്ന നേതാക്കളായ ഉണ്ണികൃഷ്ണൻ നായർ, പെരിയ കൃഷ്ണൻ, കുര്യൻ, കെ.വി. കൃഷ്ണൻ, പി.എം. രാഘവൻ എന്നിവരെ ആദരിച്ചു.