സ​ബ് ക​ള​ക്‌​ട​ർ​ക്കും ജീ​വ​ന​ക്കാ​ർ​ക്കു​മെ​തി​രേ വ​ക്കീ​ൽ നോ​ട്ടീ​സ്
Sunday, September 1, 2024 1:50 AM IST
കാ​ഞ്ഞ​ങ്ങാ​ട്: കാ​ഞ്ഞ​ങ്ങാ​ട് സ​ബ് ക​ള​ക്‌​ട​റാ​യി​രു​ന്ന സൂ​ഫി​യാ​ൻ അ​ഹ​മ്മ​ദി​നും സ​ബ് ക​ള​ക്‌​ട​ർ ഓ​ഫീ​സി​ലെ ആ​റു ജീ​വ​ന​ക്കാ​ർ​ക്കു​മെ​തി​രേ ഹൊ​സ്ദു​ർ​ഗ് ബാ​ർ അ​സോ​സി​യേ​ഷ​ൻ ഒ​രു കോ​ടി രൂ​പ​യു​ടെ ന​ഷ്ട​പ​രി​ഹാ​രം ആ​വ​ശ്യ​പ്പെ​ട്ട് വ​ക്കീ​ൽ നോ​ട്ടീ​സ് അ​യ​ച്ചു.

75 വ​ർ​ഷ​ത്തെ പ്ര​വ​ർ​ത്ത​ന പാ​ര​മ്പ​ര്യ​മു​ള്ള​തും 312 അ​ഭി​ഭാ​ഷ​ക​ർ അം​ഗ​ങ്ങ​ളാ​യി​ട്ടു​ള്ള​തു​മാ​യ ഹൊ​സ്ദു​ർ​ഗ് ബാ​ർ അ​സോ​സി​യേ​ഷ​നി​ലെ അ​ഭി​ഭാ​ഷ​ക​രെ ഗു​ണ്ട​ക​ളാ​ക്കി ചി​ത്രീ​ക​രി​ച്ചു കൊ​ണ്ട് സ​ബ് ക​ള​ക്‌​ട​റും ജീ​വ​ന​ക്കാ​രും വാ​ർ​ത്താ കു​റി​പ്പു​ക​ൾ ന​ല്കു​ക​യും പ്ര​ചാ​ര​ണം ന​ട​ത്തു​ക​യും ചെ​യ്ത​തി​നെ​തി​രെ​യാ​ണ് ബാ​ർ അ​സോ​സി​യേ​ഷ​ൻ പ്ര​സി​ഡ​ന്‍റ് അ​ഡ്വ. കെ.​സി. ശ​ശീ​ന്ദ്ര​ൻ, സെ​ക്ര​ട്ട​റി അ​ഡ്വ. പി.​കെ. സ​തീ​ശ​ൻ എ​ന്നി​വ​ർ അ​ഡ്വ. വി. ​സ​തീ​ഷ് കു​മാ​ർ മു​ഖേ​ന വ​ക്കീ​ൽ നോ​ട്ടീ​സ് അ​യ​ച്ച​ത്.

ഒ​രു കേ​സു​മാ​യി ബ​ന്ധ​പ്പെ​ട്ട് ആ​ർ​ഡി​ഒ ഓ​ഫീ​സി​ൽ ഹാ​ജ​രാ​യ അ​ഭി​ഭാ​ഷ​ക​യെ സ​ബ് ക​ള​ക്‌​ട​ർ ഓ​ഫീ​സി​ൽ നി​ന്ന് ഇ​റ​ക്കി​വി​ടു​ക​യും അ​പ​മാ​നി​ക്കു​ക​യും ചെ​യ്തെ​ന്ന പ​രാ​തി അ​ന്വേ​ഷി​ക്കാ​ൻ ക​ഴി​ഞ്ഞ ജൂ​ലൈ 25 ന് ​രാ​വി​ലെ സ​ബ് ക​ള​ക്‌​ട​റു​ടെ ഓ​ഫീ​സി​ൽ എ​ത്തി​യ ബാ​ർ അ​സോ​സി​യേ​ഷ​ൻ അം​ഗ​ങ്ങ​ളെ​യും ഭാ​ര​വാ​ഹി​ക​ളെ​യും ഓ​ഫീ​സി​ലേ​ക്ക് ക​ട​ത്തി​വി​ടാ​തി​രു​ന്ന​തി​നെ ചൊ​ല്ലി സം​ഘ​ർ​ഷാ​വ​സ്ഥ​യു​ണ്ടാ​യി​രു​ന്നു. സ​ബ് ക​ള​ക്‌​ട​ർ ആ​വ​ശ്യ​പ്പെ​ട്ട​ത് പ്ര​കാ​രം പോ​ലീ​സ് എ​ത്തി അ​ഭി​ഭാ​ഷ​ക​രെ സ്ഥ​ല​ത്തു നി​ന്ന് മാ​റ്റു​ക​യാ​യി​രു​ന്നു.


ഇ​തി​ന്‍റെ തു​ട​ർ​ച്ച​യാ​യാ​ണ് ഗു​ണ്ടാ​യി​സം കാ​ണി​ച്ചു പേ​ടി​പ്പി​ക്കേ​ണ്ടെ​ന്നും നി​യ​മം പ​ഠി​പ്പി​ക്കേ​ണ്ടെ​ന്നും പ​റ​ഞ്ഞ് സ​ബ് ക​ള​ക്‌​ട​റു​ടെ ഓ​ഫീ​സി​ൽ നി​ന്ന് വാ​ർ​ത്താ കു​റി​പ്പ് ഇ​റ​ക്കി​യ​ത്.

കാ​ഞ്ഞ​ങ്ങാ​ട് റ​വ​ന്യു ഡി​വി​ഷ​ണ​ൽ ഓ​ഫീ​സ് സ്റ്റാ​ഫ് കൗ​ൺ​സി​ലി​ന്‍റെ പേ​രി​ലും പ​ത്ര​ക്കു​റി​പ്പ് ഇ​റ​ക്കി​യി​രു​ന്നു.

നോ​ട്ടീ​സ് കൈ​പ്പ​റ്റി ഏ​ഴ് ദി​വ​സ​ത്തി​ന​കം മ​റു​പ​ടി ന​ല്ക​ണ​മെ​ന്നും പ്ര​മു​ഖ പ​ത്ര​ങ്ങ​ളു​ടെ ഒ​ന്നാം പേ​ജി​ൽ മാ​പ്പ​പേ​ക്ഷ ന​ല്ക​ണ​മെ​ന്നും അ​ല്ലാ​ത്ത പ​ക്ഷം ക്രി​മി​ന​ൽ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്നു​മാ​ണ് നോ​ട്ടീ​സി​ൽ പ​റ​യു​ന്ന​ത്.