മ​ല​യോ​ര​ത്തെ റോ​ഡു​ക​ൾ കെ​എ​സ്ടി​പി ഉ​ന്ന​ത സം​ഘം സ​ന്ദ​ർ​ശി​ച്ചു
Friday, June 14, 2024 2:01 AM IST
ചെ​റു​പു​ഴ: കേ​ര​ള​ത്തി​ലെ റോ​ഡു​ക​ൾ പ്ര​കൃ​തി​ക്ഷോ​ഭ​ങ്ങ​ളെ അ​തി​ജീ​വി​ക്കു​ന്ന ത​ര​ത്തി​ലാ​ക്കു​ന്ന​തി​ന്‍റെ ഭാ​ഗ​മാ​യു​ള്ള സ​ർ​വേ മ​ല​യോ​ര​ത്തും ന​ട​ന്നു. റീ​ബി​ല്‍​ഡ് കേ​ര​ള​യി​ല്‍ ഉ​ള്‍​പ്പെ​ടു​ത്തി​യാ​ണ് റോ​ഡു​ക​ള്‍ ന​വീ​ക​രി​ക്കു​ന്ന​ത്. ഇ​തി​നെ​ക്കു​റി​ച്ച് പ​ഠി​ക്കു​ന്ന​തി​നാ​യി കെ​എ​സ്ടി​പി​യു​ടെ നേ​തൃ​ത്വ​ത്തി​ലു​ള്ള ഉ​ന്ന​ത​ത​ല സം​ഘം മലയോരത്തെ പ്ര​ധാ​ന​പ്പെ​ട്ട റോ​ഡു​ക​ൾ സ​ന്ദ​ർ​ശി​ച്ചു.

റോ​ഡു​ക​ളെ തീ​ര​ദേ​ശ പാ​ത​ക​ള്‍, സ​മ​ത​ല റോ​ഡു​ക​ള്‍, മ​ല​യോ​ര​പാ​ത​ക​ള്‍ എ​ന്നി​ങ്ങ​നെ മൂ​ന്നാ​യി തി​രി​ച്ചാ​ണ് സം​ഘം പ​ഠ​നം ന​ട​ത്തു​ന്ന​ത്. റോ​ഡു​വി​ക​സ​നം, പ​രി​സ്ഥി​തി സം​ര​ക്ഷ​ണം, സാ​ങ്കേ​തി​ക വി​ഭാ​ഗം, ദു​ര​ന്ത​നി​വാ​ര​ണം, ഗ​താ​ഗ​തം തു​ട​ങ്ങി വി​വി​ധ വി​ഭാ​ഗ​ങ്ങ​ളെ ഏ​കോ​പി​പ്പി​ച്ചാ​ണ് പ​ഠ​ന​സം​ഘ​ത്തെ നി​യോ​ഗി​ച്ചി​രി​ക്കു​ന്ന​ത്. മ​ല​യോ​ര​ത്തെ റോ​ഡു​ക​ളു​ടെ​യും പാ​ല​ങ്ങ​ളു​ടെ​യും ത​ട​യ​ണ​ക​ളു​ടെ​യും പ്ര​ത്യേ​ക​ത​ക​ളും നി​ല​വി​ലെ സ്ഥി​തി​യും പ​രി​ശോ​ധി​ച്ച് റി​പ്പോ​ര്‍​ട്ട് ത​യാ​റാ​ക്കി സ​ര്‍​ക്കാ​രി​ന് കൈ​മാ​റും.

പ​യ്യ​ന്നൂ​ർ മ​ണ്ഡ​ല​ത്തി​ലെ ഏ​റ്റ​വും പ്ര​ധാ​ന​പ്പെ​ട്ട റോ​ഡാ​യ പ​യ്യ​ന്നൂ​ർ- ചെ​റു​പു​ഴ-​രാ​ജ​ഗി​രി-​ജോ​സ്ഗി​രി റോ​ഡ്, മ​റ്റ് പ്ര​ധാ​ന​പ്പെ​ട്ട റോ​ഡു​ക​ൾ എ​ന്നി​വ​യെ​ല്ലാം പ​രി​ശോ​ധി​ച്ചു. ജ​ർ​മ്മ​നി​യു​ടെ സ​ഹാ​യ​ത്തോ​ടെ ആ​ണ് ഇ​ത് ന​ട​ത്തു​ന്ന​ത്. ഡെ​പ്യൂ​ട്ടി ടീം ​ലീ​ഡ​ർ ഡോ. ​ശ്രീ​ജ നാ​യ​ർ, സു​ന്ദ​ര​രാ​ജ​ൻ, ജി​യോ ടെ​ക്നി​ക്ക​ൽ എ​ക്സ്പേ​ർ​ട്ട് സ​ന്ദീ​പ് നാ​ഗ​രാ​ജ​ൻ, പി​ഡ​ബ്ല്യു​ഡി എ​ൻ​ജി​നി​യ​ർ ഭാ​സ്ക​ര​ൻ, ഹൈ​ഡോ​ള​ജി​ക്ക​ൽ എ​ക്സ്പെ​ർ​ട്ട് അ​ന​സ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്.

Copyright @ 2022 , Rashtra Deepika Ltd.