ചി​രി​പ്പി​ച്ചു​റ​ങ്ങി ഇ​ന്ന​സെ​ന്‍റ്
സം​സാ​രി​ക്കാ​നാ​കു​മാ​യി​രു​ന്നെ​ങ്കി​ൽ സ്വ​ന്തം മ​ര​ണ​ത്തെ​യും അ​ന​ശ്വ​ര​മാ​യൊ​രു ഹാ​സ്യ​ത്തി​ൽ പൊ​തി​യു​മാ​യി​രു​ന്ന ഒ​രാ​ൾ... ഇ​ന്ന​സെ​ന്‍റ്. അ​ദ്ദേ​ഹം മ​രി​ച്ചെ​ന്ന​തു മാ​ത്രം ത​മാ​ശ​യ​ല്ലെ​ന്ന് മ​ല​യാ​ളി തി​രി​ച്ച​റി​ഞ്ഞി​രി​ക്കു​ന്നു.

വി​ഷാ​ദ​സാ​ഹ​ച​ര്യ​ങ്ങ​ളി​ലും ഹാ​സ്യ​ത്തി​ന്‍റെ പ്ര​കാ​ശ​രേ​ണു​ക്ക​ളാ​ൽ പ്ര​തീ​ക്ഷ​യു​ടെ പ്ര​ഭാ​ത​ങ്ങ​ളൊ​രു​ക്കി​യ​ത് അ​ദ്ദേ​ഹ​ത്തി​ന്‍റെ മ​ഹ​ത്വ​ങ്ങ​ളി​ലൊ​ന്നാ​യി​രു​ന്നു. അ​ർ​ബു​ദ​മെ​ന്ന മാ​ര​ക രോ​ഗ​ത്തി​നും അ​തി​ൽ മാ​റ്റം വ​രു​ത്താ​ൻ ക​ഴി​ഞ്ഞി​ല്ല. ഇ​ന്ന​സെ​ന്‍റ് ഇ​നി​യി​ല്ല. പ​ക്ഷേ, അ​ദ്ദേ​ഹം ബാ​ക്കി​വ​ച്ച ദൃ​ശ്യ​ങ്ങ​ളും വാ​ക്കു​ക​ളും എ​ഴു​ത്തു​ക​ളും ല​ക്ഷ​ക്ക​ണ​ക്കി​നു മ​നു​ഷ്യ​രെ കോ​ടി​ക്ക​ണ​ക്കി​നു സ​ന്ദ​ർ​ഭ​ങ്ങ​ളി​ൽ ഇ​നി​യും ചി​രി​പ്പി​ക്കും. അ​തു ത​ട​യാ​ൻ മ​ര​ണ​ത്തി​നു​മാ​കി​ല്ല. അ​ന​ശ്വ​ര ന​ട​ന് ആ​ദ​രാ​ഞ്ജ​ലി​ക​ൾ!

75 വ​യ​സാ​യി​രു​ന്നു അ​ദ്ദേ​ഹ​ത്തി​ന്. 50 വ​ർ​ഷം സി​നി​മ​യി​ലു​ണ്ടാ​യി​രു​ന്നു. ഹാ​സ്യ​വേ​ഷ​ങ്ങ​ളാ​യി​രു​ന്നു അ​ഭി​ന​യി​ച്ച​തി​ലേ​റെ​യു​മെ​ങ്കി​ലും അ​ത്ര​യ്ക്ക​ങ്ങു ചി​രി​ക്കാ​ൻ പ​റ്റു​ന്ന സാ​ഹ​ച​ര്യ​ങ്ങ​ളാ​യി​രു​ന്നി​ല്ല ആ​ദ്യകാ​ല​ങ്ങ​ളി​ലൊ​ന്നും. പ​ക്ഷേ, അ​ക്കാ​ല​ത്തെ ക​ഷ്ട​പ്പാ​ടു​ക​ൾ പ​റ​യു​ന്പോ​ൾ പോ​ലും അ​തി​ലൊ​ക്കെ ന​ർ​മം ക​ല​ർ​ത്തി​ക്കൊ​ണ്ട് അ​ദ്ദേ​ഹം മ​റ്റു​ള്ള​വ​രെ ചി​രി​പ്പി​ച്ചു. ന​ർ​മഭാ​വ​ന​യാ​യി​രു​ന്നു സി​നി​മ​യി​ലും ജീ​വി​ത​ത്തി​ലും അ​ദ്ദേ​ഹ​ത്തി​ന്‍റെ കൈ​മു​ത​ൽ. ത​നി​ക്കു പ​റ്റി​യ​ത​ല്ലെ​ന്ന തോ​ന്ന​ലി​ൽ എ​ട്ടാം ക്ലാ​സി​ല​വ​സാ​നി​പ്പി​ച്ച പ​ഠ​നം മു​ത​ൽ തൊ​ഴി​ലി​ല്ലാ​തെ ന​ട​ന്ന​പ്പോ​ഴും തീ​പ്പെ​ട്ടി​ക​ന്പനിയു​ൾ​പ്പെ​ടെ​യു​ള്ള സം​രം​ഭ​ങ്ങ​ൾ പൊ​ളി​ഞ്ഞ കാ​ല​ത്തും സി​നി​മ​യി​ൽ അ​ഭി​ന​യി​ക്കാ​ൻ കോ​ട​ന്പാ​ക്ക​ത്ത് അ​ല​ഞ്ഞ​പ്പോ​ഴും സാ​ന്പ​ത്തി​ക പ്ര​തി​സ​ന്ധി​യി​ൽ വ​ർ​ഷ​ങ്ങ​ൾ തു​ട​ർ​ന്ന​പ്പോ​ഴും അ​ദ്ദേ​ഹ​ത്തെ മു​ന്നോ​ട്ടു ന​യി​ച്ച​ത്, ജീ​വി​ത​ത്തെ ഭാ​വാ​ത്മ​ക​മാ​യി കാ​ണാ​നു​ള്ള സി​ദ്ധി​യാ​യി​രു​ന്നി​രി​ക്കാം. ത​നി​ക്കും ഭാ​ര്യ​ക്കും അ​ർ​ബു​ദം ബാ​ധി​ച്ച് ചി​കി​ത്സ​യി​ലാ​യി​രു​ന്ന​പ്പോ​ഴും മാ​ന​സി​ക​മാ​യി ത​ക​രാ​തെ അ​ഭി​ന​യ​രം​ഗ​ത്തും പൊ​തു​ജീ​വി​ത​ത്തി​ലും സ​ജീ​വ​മാ​യി​രു​ന്ന ഇ​ന്ന​സെ​ന്‍റ് നി​ര​വ​ധി​പ്പേ​ർ​ക്കു പ്ര​ചോ​ദ​ന​മാ​ണ്.

1972ൽ "​നൃ​ത്ത​ശാ​ല' ​യി​ലൂ​ടെ സി​നി​മ​യി​ലെ​ത്തി​യ ഇ​ന്ന​സെ​ന്‍റ് കി​ലു​ക്കം, റാം​ജി റാ​വു സ്പീ​ക്കിം​ഗ്, ഡോ​ക്ട​ർ പ​ശു​പ​തി, കാ​ബൂ​ളിവാ​ല തു​ട​ങ്ങി ഒ​ട്ടേ​റെ സി​നി​മ​ക​ളി​ലൂ​ടെ മ​ല​യാ​ളസി​നി​മ​യു​ടെ ഹാ​സ്യാ​ഭി​ന​യ രം​ഗ​ത്ത് ചി​ര​പ്ര​തി​ഷ്ഠ നേ​ടി. മി​ക​ച്ച സ​ഹ​ന​ട​നു​ള്ള സം​സ്ഥാ​ന സ​ർ​ക്കാ​ർ അ​വാ​ർ​ഡും മി​ക​ച്ച ന​ട​നു​ള്ള ഫി​ലിം ക്രി​ട്ടി​ക്സ് അ​വാ​ർ​ഡും ഉ​ൾ​പ്പെ​ടെ നി​ര​വ​ധി പു​ര​സ്കാ​ര​ങ്ങ​ൾ അ​ദ്ദേ​ഹ​ത്തി​നു ല​ഭി​ച്ചി​ട്ടു​ണ്ട്. പ​ക്ഷേ, ചി​രി​മു​ഖ​രി​ത​മാ​യ തി​യ​റ്റ​റു​ക​ളി​ലി​രു​ന്നു കാ​ണി​ക​ൾ കൊ​ടു​ത്ത കൈ​യ​ടി അ​തി​നൊ​ക്കെയും മു​ക​ളി​ലാ​യി​രു​ന്നു. കാ​ലം മാ​റി​യ​പ്പോ​ൾ അ​തേ കാ​ഴ്ച​ക​ൾ ടെ​ലി​വി​ഷ​ൻ സെ​റ്റു​ക​ൾ​ക്കും മൊ​ബൈ​ൽ​ഫോ​ണു​ക​ൾ​ക്കും മു​ന്നി​ലി​രു​ന്ന് ആ​വ​ർ​ത്തി​ച്ചു ക​ണ്ട​വ​ർ ഇ​ന്ന​സെ​ന്‍റി​നെ ആ​ഘോ​ഷി​ക്കു​ക​യാ​യി​രു​ന്നു. "റാം​ജി​റാ​വു സ്പീ​ക്കിം​ഗ്' എ​ന്ന സി​നി​മ​യി​ലെ മാ​ന്നാ​ർ മ​ത്താ​യി മ​ല​യാ​ള സി​നി​മ​യി​ൽ പു​ത്ത​ൻ ഹാ​സ്യ സാ​ധ്യ​ത​ക​ൾ അ​വ​ത​രി​പ്പി​ച്ച​തോ​ടെ മ​ല​യാ​ളി​ക്ക് ഇ​ന്ന​സെ​ന്‍റ് അ​വ​ഗ​ണി​ക്കാ​നാ​വാ​ത്ത ന​ട​നാ​യി മാ​റി. കി​ലു​ക്ക​ം എ​ന്ന സി​നി​മ​യി​ൽ, ലോ​ട്ട​റി​യ​ടി​ച്ചെ​ന്ന തെ​റ്റി​ദ്ധാ​ര​ണ​യി​ൽ കി​ട്ടു​ണ്ണി​യെ​ന്ന ക​ഥാ​പാ​ത്ര​ത്തി​ലൂ​ടെ ഇ​ന്ന​സെ​ന്‍റ് അ​വ​ത​രി​പ്പി​ച്ച ഭാ​വാ​ഭി​ന​യം ഹാ​സ്യ​ത്തി​ന്‍റെ ച​ട്ട​ക്കൂ​ട്ടി​ലൊ​തു​ങ്ങി​ല്ല. അ​ത്ത​ര​മൊ​രു രം​ഗം അ​വ​ത​രി​പ്പി​ക്കാ​ൻ ലോ​ക​ത്ത് മ​റ്റാ​ർ​ക്കു ക​ഴി​യു​മെ​ന്ന് ചോ​ദി​ച്ചാ​ൽ എ​ന്തു​ത്ത​രം പ​റ​യും? ഗ​തി​കേ​ടു​കൊ​ണ്ടു മാ​ത്രം വി​നീ​തവി​ധേ​യ​നാ​യി ജീ​വി​ക്കേ​ണ്ടിവ​രു​ന്ന​യാ​ൾ​ക്ക് ലോ​ട്ട​റി​യ​ടി​ക്കു​ന്ന​തു​പോ​ലെ അ​പ്ര​തീ​ക്ഷി​ത​മാ​യൊ​രു സൗ​ഭാ​ഗ്യം കൈ​വ​ന്നാ​ൽ അ​ടി​ച്ച​മ​ർ​ത്തി​ക്കൊ​ണ്ടി​രു​ന്ന​യാ​ളോ​ടു​ള്ള രോ​ഷം പൊ​ട്ടി​ത്തെ​റി​യും പ​രി​ഹാ​സ​വു​മാ​കു​ന്ന​തെ​ങ്ങ​നെ​യെ​ന്ന് ഇ​ന്ന​സെ​ന്‍റ് കാ​ണി​ച്ചു. ആ ​രം​ഗ​മു​യ​ർ​ത്തി​യ ചി​രി കേ​ര​ള​ത്തി​ൽ ഇ​ന്നു​മ​ട​ങ്ങി​യി​ട്ടി​ല്ല. ആ ​ലോ​ട്ട​റി മി​ഥ്യ​യാ​യി​രു​ന്നെ​ന്ന യാ​ഥാ​ർ​ഥ്യം തി​രി​ച്ച​റി​ഞ്ഞ് പ​റ​ഞ്ഞ​തെ​ല്ലാം വി​ഴു​ങ്ങേ​ണ്ടി​വ​രു​ന്ന​തി​ന്‍റെ ഗ​തി​കേ​ട് അ​വ​ത​രി​പ്പി​ച്ച് അ​ദ്ദേ​ഹം അ​ഭി​ന​യമി​ക​വി​ന്‍റെ കൊ​ടു​മു​ടി ക​യ​റി. ന​ന്പ​ർ വ​ൺ സ്നേ​ഹ​തീ​ര​മെ​ന്ന സി​നി​മ​യി​ൽ, ന​ട​ക്കാ​തെ​പോ​കു​ന്ന പെ​ണ്ണു​കാ​ണ​ൽ ച​ട​ങ്ങു​ക​ളി​ലൂ​ടെ സാ​ന്നി​ധ്യ​മ​റി​യി​ച്ച കു​ര്യാ​ക്കോ​സ് ദുഃ​ഖ​സാ​ന്ദ്ര​മാ​യ പു​ത്ത​ൻ​പാ​ന​യി​ലെ വ​രി​ക​ൾ ചൊ​ല്ലി അ​ഭി​ന​യി​ച്ച​പ്പോ​ൾ ഇ​ന്ന​സെ​ന്‍റ് ന​ർ​മ​ത്തി​ന്‍റെ അ​പ​രി​ചി​ത മേ​ഖ​ല​ക​ളെ കീ​ഴ​ട​ക്കു​ക​യാ​യി​രു​ന്നു.

അ​ർ​ബു​ദരോ​ഗ​ത്തി​ന് ആ​ശ്വാ​സ​മാ​യ​തോ​ടെ ഇ​ന്ന​സെ​ന്‍റ് സി​നി​മ​യി​ൽ വീ​ണ്ടു​മെ​ത്തി. 2014ൽ ​ചാ​ല​ക്കു​ടി​യി​ൽ​നി​ന്ന് ഇ​ട​തു സ്വ​ത​ന്ത്ര​നാ​യി മ​ത്സ​രി​ച്ച് എം​പി​യാ​യി. 2019ൽ ​വീ​ണ്ടും മ​ത്സ​രി​ച്ചെ​ങ്കി​ലും പ​രാ​ജ​യ​പ്പെ​ട്ടു. "കാ​ൻ​സ​ർ വാ​ർ​ഡി​ലെ ചി​രി'​യും "ചി​രി​ക്കു പി​ന്നി​ൽ' എ​ന്ന ആ​ത്മ​ക​ഥ​യും കൃ​തി​ക​ളി​ൽ പ്ര​ധാ​ന​പ്പെ​ട്ട​വ​യാ​ണ്. സി​നി​മ​യി​ലെ ചി​രി അ​ദ്ദേ​ഹം നാ​ട്ടി​ലും വീ​ട്ടി​ലും നി​ല​നി​ർ​ത്തി.

ഭാ​ര്യ ആ​ലീ​സി​ന് അ​ർ​ബു​ദം വ​ന്ന​പ്പോ​ൾ, “അ​ത​വ​ൾ എ​ന്നോ​ടു​ള്ള സ്നേ​ഹ​ത്തെപ്ര​തി പ്രാ​ർ​ഥി​ച്ചു വ​രു​ത്തി​യ​താ​ണ്” എ​ന്നു പ​റ​ഞ്ഞ ത​മാ​ശ​യി​ൽ ഒ​ളി​പ്പി​ച്ചി​രി​ക്കു​ന്ന സ​ങ്ക​ട​വും യാ​ഥാ​ർ​ഥ്യ​ബോ​ധ​വും ആ​ർ​ക്കാ​ണു തി​രി​ച്ച​റി​യാ​ത്ത​ത്? “താ​ഴേ​ക്കു നോ​ക്കി​ക്കൊ​ണ്ടി​രു​ന്നാ​ൽ നി​ങ്ങ​ൾ​ക്കെ​ങ്ങ​നെ​യാ​ണ് മ​ഴ​വി​ല്ലു കാ​ണാ​നാ​കു​ന്ന​ത്” എ​ന്ന വി​ശ്വന​ട​ൻ ചാ​ർ​ളി ചാ​പ്ലി​ന്‍റെ വാ​ക്കു​ക​ളി​ലാ​ണ് ഇ​ന്ന​സെ​ന്‍റ് ജീ​വി​ച്ചി​രു​ന്ന​തെ​ന്നു ക​രു​ത​ണം. കാ​ർ​ന്നു​തി​ന്നു​ന്ന വേ​ദ​ന​യെ​യും സ​ങ്ക​ട​ങ്ങ​ളെ​യും കാ​ൽ​ച്ചു​വ​ട്ടി​ലു​പേ​ക്ഷി​ച്ച് മ​ഴ​വി​ല്ലു​ക​ളി​ലേ​ക്കു നോ​ക്കി സി​ൽ​ക്ക് വ​സ്ത്ര​ങ്ങ​ളു​മ​ണി​ഞ്ഞ് അ​ദ്ദേ​ഹം ഉ​ന്ന​ത​ങ്ങ​ളി​ലേ​ക്കു പോ​യി​രി​ക്കു​ന്നു. ജീ​വി​ത​ത്തെ ഇ​ത്ര​യൊ​ക്കെ പ്ര​കാ​ശ​മാ​ന​മാ​ക്കി​യ​തി​ന് ന​ന്ദി ഇ​ന്ന​സെ​ന്‍റ്, വി​ട.
Copyright @ 2022 , Rashtra Deepika Ltd.