കലാലയ രാഷ്‌ട്രീയം: ഹൈക്കോടതിവിധി സ്വാഗതാർഹമെന്നു ഡോ. അത്തിപ്പൊഴിയിൽ : Deepika.com Kerala News |

Click here for detailed news of all items

കലാലയ രാഷ്‌ട്രീയം: ഹൈക്കോടതിവിധി സ്വാഗതാർഹമെന്നു ഡോ. അത്തിപ്പൊഴിയിൽ

Saturday, October 21, 2017 12:06 PM IST

ആലപ്പുഴ: കലാലയ രാഷ്‌ട്രീയം നിരോധിക്കാനുള്ള കേരള ഹൈക്കോടതിവിധി സ്വാഗതാർഹമെന്ന് ആലപ്പുഴ രൂപത ബിഷപ് ഡോ. സ്റ്റീഫൻ അത്തിപ്പൊഴിയിൽ. കേരള കാത്തലിക് ടീച്ചേഴ്സ് ഗിൽഡ് സംസ്ഥാന നേതൃത്വ പരിശീലനക്യാന്പ് ഉദ്ഘാടനം ചെയ്യുകയായിരുന്നു അദ്ദേഹം.

വിദ്യാർഥികൾ കലാലയങ്ങളിലെത്തുന്നതു പഠിക്കാനാണെന്ന വസ്തുത നാം ഓർക്കണം. ന്യൂനപക്ഷങ്ങളെ കണ്ടില്ലെന്നു നടിക്കാൻ സർക്കാരിനാവില്ലെന്നും അദ്ദേഹം പറഞ്ഞു. ടീച്ചേഴ്സ് ഗിൽഡ് സംസ്ഥാന പ്രസിഡന്‍റ് സാലു പതാലിൽ അധ്യക്ഷതവഹിച്ചു.

നഗരസഭാധ്യക്ഷൻ തോമസ് ജോസഫ് മുഖ്യപ്രഭാഷണം നടത്തി. കെസിബിസി വിദ്യാഭ്യാസ കമ്മീഷൻ സെക്രട്ടറി ഫാ. ജോസ് കരുവേലിക്കൽ, ആലപ്പുഴ രൂപതാ കോർപറേറ്റ് മാനേജർ ഫാ. രാജു കളത്തിൽ, സെക്രട്ടറി ജോഷി വടക്കൻ, ട്രഷറർ ജോസ് ആന്‍റണി, പി.പി. റിനോൾഡ് തുടങ്ങിയവർ പ്രസംഗിച്ചു.

കാസർഗോഡ് മുതൽ തിരുവനന്തപുരം വരെയുള്ള 32 രൂപതകളിലെ അധ്യാപക പ്രതിനിധികൾ പങ്കെടുത്തു. ക്യാന്പ് ഇന്നു സമാപിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.