വയനാട് കന്പമലയിൽ തെരഞ്ഞെടുപ്പ് ബഹിഷ്കരണ ആഹ്വാനവുമായി മാവോ വാദികൾ : Deepika.com Kerala News |

Click here for detailed news of all items

വയനാട് കന്പമലയിൽ തെരഞ്ഞെടുപ്പ് ബഹിഷ്കരണ ആഹ്വാനവുമായി മാവോ വാദികൾ

Thursday, April 25, 2024 1:43 AM IST

മാനന്തവാടി: വടക്കേ വയനാട്ടിലെ കന്പമലയിൽ തെരഞ്ഞെടുപ്പ് ബഹിഷ്കരണ ആഹ്വാനവുമായി മാവോ വാദികൾ. ഇന്നലെ രാവിലെ 6.10നാണ് നാലംഗ മാവോ വാദി സംഘം കന്പമല എസ്റ്റേറ്റ് പാടിക്കു സമീപം കവലയിൽ എത്തിയത്.

ഇതിൽ രണ്ടു പേരുടെ കൈവശം തോക്കുണ്ടായിരുന്നു. വോട്ട് ചെയ്തിട്ടു ഫലമില്ലെന്നും ബഹിഷ്കരിക്കണമെന്നും ഇവർ പ്രദേശത്തുണ്ടായിരുന്നവരോട് ആവശ്യപ്പെട്ടു.

മാവോ വാദികളും നാട്ടുകാരിൽ ചിലരുമായി വാക്കുതർക്കമുണ്ടായി. 20 മിനിട്ടോളം കവലയിൽ ചെലവഴിച്ച സംഘം മക്കിമല ഭാഗത്തേക്കാണു നീങ്ങിയത്. സ്ഥലത്തെത്തിയ പോലീസ് അന്വേഷണം ആരംഭിച്ചു.

സി.പി. മൊയ്തീൻ, സോമൻ എന്നിവരടങ്ങുന്ന സംഘമാണ് കന്പമലയിൽ വന്നതെന്നു പോലീസ് സ്ഥീരികരിച്ചിട്ടുണ്ട്. മാവോ വാദികൾ കന്പമലയിൽ വന്നതിന്‍റെ വീഡിയോ പ്രദേശവാസി പകർത്തിയത് സമൂഹമാധ്യമങ്ങളിൽ പ്രചരിച്ചിരുന്നു.

പേര്യയിൽ പോലീസുമായി ഏറ്റുമുട്ടൽ നടന്ന് മാസങ്ങൾക്കുശേഷമാണ് കന്പമലയിൽ വീണ്ടും മാവോയിസ്റ്റ് സാന്നിധ്യം. കഴിഞ്ഞ സെപ്റ്റംബറിൽ അഞ്ചംഗ മാവോവാദി സംഘം കന്പമലയിൽ വനം വികസന കോർപറേഷൻ മാനന്തവാടി ഡിവിഷണൽ മാനേജരുടെ ഓഫീസ് തകർക്കുകയും ജീവനക്കാരെ ഭീഷണിപ്പെടുത്തുകയും ചെയ്തിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.