നിർമാണത്തൊഴിലാളികളുടെ പെൻഷൻ കൂട്ടണമെന്ന് : Deepika.com Kerala News |

Click here for detailed news of all items

നിർമാണത്തൊഴിലാളികളുടെ പെൻഷൻ കൂട്ടണമെന്ന്

Tuesday, March 28, 2017 1:20 PM IST

തൃശൂർ: ക്ഷേമനിധി ബോർഡിന്‍റെ അസ്തിത്വം നിലനിർത്തിക്കൊണ്ടുതന്നെ കെട്ടിട നിർമാണ തൊഴിലാളികളുടെ ആനുകൂല്യങ്ങൾ വർധിപ്പിക്കണമെന്നു കേരള സ്റ്റേറ്റ് കെട്ടിട നിർമാണത്തൊഴിലാളി യൂണിയൻ സംസ്ഥാന ഭാരവാഹികൾ പത്രസമ്മേളനത്തിൽ ആവശ്യപ്പെട്ടു. നിലവിൽ ആയിരം രൂപയാണ് പെൻഷൻ ലഭിക്കുന്നത്. ഇത് മൂവായിരം രൂപയാക്കി ഉയർത്തണമെന്ന് യൂണിയൻ സംസ്ഥാന പ്രസിഡന്‍റ് പി.ടി.തോമസ് പത്രസമ്മേളനത്തിൽ പറഞ്ഞു.

നിർമാണ തൊഴിലാളികളുടെ ആവശ്യങ്ങൾ നടപ്പാക്കുന്നതിൽ കേരള ബിൽഡിംഗ് ആൻഡ് അദർ കണ്‍സ്ട്രക്‌ഷൻ വർക്കേഴ്സ് വെൽഫെയർ ബോർഡ് ജാഗ്രത പുലർത്തണമെന്നു ഭാരവാഹികൾ ആവശ്യപ്പെട്ടു.

യൂണിയന്‍റെ സംസ്ഥാന ഭാരവാഹികളായി പി.ടി.തോമസ് കോട്ടയം-പ്രസിഡന്‍റ്, ലീലാമ്മ രവി എറണാകുളം, എം.കെ.ബാബു പാലക്കാട്-വൈസ് പ്രസിഡന്‍റുമാർ, നോർബർട്ട് അടിമുറി എറണാകുളം-ജനറൽ സെക്രട്ടറി, കെ.വി.ജോസ് മാസ്റ്റർ തൃശൂർ, വി.സി.സുലോചനാദേവി പാലക്കാട്, സന്തോഷ് പുളിക്കൻ മലപ്പുറം, ആർ.എ.ജോസഫ് കോട്ടയം, ടി.ടി.പൗലോസ് എറണാകുളം എന്നിവരെ തെരഞ്ഞെടു
ത്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.